അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കണ്ണൂർ ശ്രീകണ്ഠപുരത്തെ കോണ്‍ഗ്രസ്- സിപിഐഎം സംഘര്‍ഷത്തിൽ, സിപിഐഎം പ്രവര്‍ത്തകര്‍ക്കെതിരെ രണ്ട് കേസുകള്‍ രജിസ്റ്റര്‍ ചെയ്ത് പൊലീസ്. നഗരസഭാ അധ്യക്ഷന്‍ ഇ വി രാമകൃഷ്ണനെ മര്‍ദിച്ചെന്ന പരാതിയില്‍ എട്ടു സിപിഎം പ്രവര്‍ത്തകര്‍ക്കെതിരെ കേസെടുത്തു. കോണ്‍ഗ്രസ് പ്രവര്‍ത്തകന്‍ മുരളിയെ അക്രമിച്ചെന്ന പരാതിയില്‍ 9 സിപിഎം പ്രവര്‍ത്തകര്‍ക്കെതിരെ കേസെടുത്തു. ജാമ്യമില്ലാ വകുപ്പ് ചുമത്തിയാണ് കേസെടുത്തിരിക്കുന്നത്. ഇന്നലെ ശ്രീകണ്ഠാപുരം ടൗണിൽ സിപിഎം, കോൺഗ്രസ് പ്രവർത്തകർ നടത്തിയ പ്രതിഷേധ പ്രകടനങ്ങൾക്കിടെയാണ് സംഘർഷം ഉണ്ടായത്.
കോൺഗ്രസ് കൊടിമരം ഡിവൈഎഫ്ഐ നശിപ്പിച്ചതുമായി ബന്ധപ്പെട്ടായിരുന്നു സംഘർഷങ്ങൾ. ഇതിനിടെയാണ് നഗരസഭ ചെയർപേഴ്സനെ സിപിഎമ്മുകാർ മർദ്ദിച്ചു എന്ന ആരോപണം. ഇതിന്റെ പേരിൽ ഇന്ന് ശ്രീകണ്ഠപുരത്ത് ഹർത്താൽ ആഹ്വാനം ചെയ്തിരുന്നു. ഇരു കൂട്ടരും ടൗണില്‍ പ്രകടനം നടത്തുന്നതിനിടെയുണ്ടായ പ്രകോപനം സംഘര്‍ഷത്തിലെത്തിയിരുന്നു. രണ്ട് പ്രകടനങ്ങളും ഒന്നിച്ചെത്തിയപ്പോള്‍ പരസ്പരം പോര്‍ വിളികള്‍ ഉയരുകയും പിന്നാലെ സംഘര്‍ഷം ഉണ്ടാവുകയുമായിരുന്നു. ഡിവൈഎഫ്ഐ പ്രവര്‍ത്തകര്‍ കല്ലെറിഞ്ഞെന്നാണ് പരാതി. കോണ്‍ഗ്രസ് കൊടിമരം നശിപ്പിച്ചതുമായി ബന്ധപ്പെട്ട് സംഘര്‍ഷാവസ്ഥ നിലനിന്നിരുന്നു. ഇതിനു പിന്നാലെയാണ് വീണ്ടും സംഘര്‍ഷമുണ്ടായത്.
Story Highlights : Clash in Sreekandapuram; case registered against CPIM workers
