അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തമിഴ്നാട് തിരഞ്ഞെടുപ്പില് മണ്ഡല നിര്ണയം പൂര്ത്തിയാക്കി ഡിഎംകെ സ്ഥാനാര്ഥികളെ പ്രഖ്യാപിച്ചു. മുഖ്യമന്ത്രി എം കെ സ്റ്റാലിന് കൊളത്തൂരില് തുടരും. അടുത്തിടെ ഡിഎംകെയില് എത്തിയ മുന് മുഖ്യമന്ത്രി ഒ പനീര്ശെല്വം ബോഡിനായ്കന്നൂരില് മത്സരിയ്ക്കും.164 മണ്ഡലങ്ങളിലാണ് ഡിഎംകെ മത്സരിയ്ക്കുന്നത്. എല്ലാ മന്ത്രിമാര്ക്കും സിറ്റിങ് സീറ്റുകള് തന്നെ നല്കി. ഉപമുഖ്യമന്ത്രി ഉദയനിധി സ്റ്റാലിന് ചെന്നൈ ചെപ്പോക്കില് തന്നെ മത്സരിക്കും. മുന് മന്ത്രി സെന്തില് ബാലാജി, ഇക്കുറി മണ്ഡലം മാറി മത്സരിക്കും. കരൂര് എംഎല്എ ആയ സെന്തില് ബാലാജി, കോയമ്പത്തൂര് സൗത്തില് നിന്നാണ് ജനവിധി തേടുക. ഏപ്രില് രണ്ടിന് തിരുവാരൂരില് നിന്നാണ് ഡിഎംകെയുടെ തിരഞ്ഞെടുപ്പ് പ്രചാരണം ആരംഭിക്കുക. സഖ്യപാര്ട്ടികള്ക്കുള്ള മണ്ഡല നിര്ണയവും ഇന്ന് പൂര്ത്തിയാക്കി.
കോണ്ഗ്രസ് 28 സീറ്റിലും ഡിഎംഡികെ പത്ത് സീറ്റിലും വിസികെ എട്ട് സീറ്റിലും ഇടതുപാര്ട്ടികള് അഞ്ച് സീറ്റുകളിലമാണ് മത്സരി്ക്കുന്നത്.അതിനിടെ, പ്രചാരണത്തിന് അനുമതി തരുന്നില്ലെന്ന് കാണിച്ച് ടിവികെ അധ്യക്ഷന് വിജയ്, സംസ്ഥാന തിരഞ്ഞെടുപ്പ് കമ്മിഷണര്ക്ക് പരാതി നല്കി. വിജയ് സെക്രട്ടറിയേറ്റില് എത്തിയതോടെ തിക്കിലും തിരക്കിലുംപെട്ട് പൊലിസുകാര്ക്കും മാധ്യമപ്രവര്ത്തകര്ക്കും പരുക്കേറ്റു. തമിഴക വെട്രി കഴകം നാളെ സ്ഥാനാര്ഥികളെ പ്രഖ്യാപിക്കും.എന്ഡിഎ സഖ്യത്തിലെ അമ്മ മക്കള് മുന്നേറ്റ കഴകം മത്സരിയ്ക്കുന്ന 11 മണ്ഡലങ്ങളിലേയ്ക്കുമുള്ള സ്ഥാനാര്ഥികളെയും പ്രഖ്യാപിച്ചു. പാര്ട്ടി അധ്യക്ഷന് ടിടിവി ദിനകരന് മത്സരിയ്ക്കുന്നില്ല. താമര ചിഹ്നത്തില് മത്സരിയ്ക്കുന്ന ടിഎംസിയും അഞ്ച് സീറ്റുകളിലേയ്ക്കുള്ള സ്ഥാനാര്ഥികളെ പ്രഖ്യാപിച്ചു.
STORY HIGHLIGHT : DMK announces candidates
