അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഇറാന്റെ ആക്രമണത്തില് കുവൈത്തില് ഇന്ത്യക്കാരന് കൊല്ലപ്പെട്ടു. വൈദ്യുതി നിലയങ്ങളും കടല് വെള്ളം ശുദ്ധീകരിക്കുന്ന പ്ലാന്റുകളും കേന്ദ്രീകരിച്ചുള്ള ആക്രമണത്തിലാണ് ഇന്ത്യക്കാരന് ജീവന്നഷ്ടമായത്. മരിച്ചയാളുടെ വിവരങ്ങള് ലഭ്യമല്ല. കുവൈത്തില് രൂക്ഷമായ ആക്രമണമാണ് നടന്നത്.
യുദ്ധം തുടങ്ങുന്നതിന് മുന്പ് ഇറാന് അയല്രാജ്യങ്ങളെ തെറ്റിദ്ധരിപ്പിച്ചുവെന്ന് യുഎഇ പ്രസിഡന്റിന്റെ ഉപദേഷ്ടാവ് അന്വര് ഗര്ഗാഷ് ആരോപിച്ചു. മുന്കൂട്ടി ആസൂത്രണം ചെയ്ത ആക്രമണങ്ങളാണ് ഇറാന് നടത്തിയതെന്നും അദ്ദേഹം പറഞ്ഞു.
യുഎഇയിലും പുലര്ച്ചെ ശക്തമായ ആക്രമണമുണ്ടായി. തുടര് സ്ഫോടക ശബ്ദങ്ങള് കേട്ടു. എന്നാല്, ഫലപ്രദമായി ആക്രമണത്തെ ചെറുക്കാനായെന്ന് പ്രതിരോധ മന്ത്രാലയം അറിയിച്ചു.
ബഹ്റൈനില് പുലര്ച്ചെ മൂന്ന് തവണ ആക്രമണശ്രമം ഉണ്ടായി. കടല് മാര്ഗമുള്ള യാത്ര ഉള്പ്പടെ വേണ്ട. മത്സ്യബന്ധനത്തിനുള്പ്പടെ നിരോധനമേര്പ്പെടുത്തി. വൈകിട്ട് ആറ് മുതല് പുലര്ച്ചെ നാല് വരെയാണ് വിലക്ക്.
