അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ആലപ്പുഴ തുറവൂർ താലൂക്ക് ആശുപത്രി കെട്ടിടത്തിൽ ശനിയാഴ്ച പകൽ വൻ തീപിടുത്തം. ആശുപത്രിയുടെ മൂന്നാം നിലയിൽ പ്രവർത്തിക്കുന്ന മരുന്ന് ഗോഡൗണിലാണ് തീ പടർന്നത്. ലക്ഷക്കണക്കിന് രൂപയുടെ മരുന്നുകൾ കത്തിനശിച്ചതായാണ് പ്രാഥമിക വിവരം.
തീപിടുത്തം ശ്രദ്ധയിൽപ്പെട്ടയുടൻ ആശുപത്രി അധികൃതരും നാട്ടുകാരും ചേർന്ന് രോഗികളെ സുരക്ഷിത സ്ഥാനങ്ങളിലേക്ക് മാറ്റി. നിലവിൽ ചികിത്സയിലായിരുന്ന രോഗികളെ അടിയന്തരമായി ചേർത്തല താലൂക്ക് ആശുപത്രിയിലേക്ക് മാറ്റിയതായി ആശുപത്രി സൂപ്രണ്ട് അറിയിച്ചു.
ഗോഡൗണിലുണ്ടായിരുന്ന എയർ കണ്ടീഷണറിൽ (AC) നിന്നുണ്ടായ ഷോർട്ട് സർക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക നിഗമനം. കെട്ടിടത്തിന്റെ വയറിങ്ങിൽ ഉണ്ടായ തകരാറാണോ എന്ന കാര്യം വിശദമായ പരിശോധനയ്ക്ക് ശേഷമേ സ്ഥിരീകരിക്കാനാവൂ എന്ന് അഗ്നിശമന സേനാ അധികൃതർ വ്യക്തമാക്കി.
