അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പ്രായപൂർത്തിയാകാത്ത പെൺകുട്ടികളുടെ ഉൾപ്പെടെ അശ്ലീല വീഡിയോകൾ സമൂഹമാധ്യമങ്ങളിലൂടെ പ്രചരിപ്പിച്ച സംഭവത്തിൽ അമരാവതിയിൽ 19 വയസ്സുകാരൻ അറസ്റ്റിലായി. അമരാവതി സ്വദേശിയായ അയൻ അഹമ്മദ് തൻവീർ ആണ് പോലീസിന്റെ പിടിയിലായത്.
പ്രതിയുടെ പക്കൽ നിന്ന് ഞെട്ടിക്കുന്ന വിവരങ്ങളാണ് അന്വേഷണ സംഘത്തിന് ലഭിച്ചത്. ഇയാളുടെ ഡിജിറ്റൽ ഉപകരണങ്ങൾ പരിശോധിച്ചതിൽ നിന്നും പ്രായപൂർത്തിയാകാത്ത പെൺകുട്ടികളുടേതടക്കം 350-ലധികം അശ്ലീല വീഡിയോകളും ചിത്രങ്ങളും പോലീസ് കണ്ടെടുത്തു. വൻതോതിൽ പെൺകുട്ടികളെ ഇയാൾ വലയിലാക്കി ചൂഷണം ചെയ്തിരുന്നതായാണ് പ്രാഥമിക വിവരം. ദൃശ്യങ്ങൾ പ്രചരിപ്പിക്കുക മാത്രമല്ല, നിരവധി പെൺകുട്ടികളെ ഇയാൾ ഭീഷണിപ്പെടുത്തി ഇരയാക്കിയതായും പരാതികൾ ഉയർന്നിട്ടുണ്ട്.
പ്രതിക്ക് പിന്നിൽ കൂടുതൽ സംഘങ്ങൾ ഉണ്ടോ എന്നും മറ്റാരെങ്കിലും ഈ ചതിക്കുഴിയിൽ അകപ്പെട്ടിട്ടുണ്ടോ എന്നും പോലീസ് വിശദമായി അന്വേഷിച്ചു വരികയാണ്. പിടിച്ചെടുത്ത മൊബൈൽ ഫോണുകളും ലാപ്ടോപ്പും ശാസ്ത്രീയ പരിശോധനയ്ക്കായി സൈബർ സെല്ലിന് കൈമാറി.
