അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ആയിരം കോഴിക്ക് ‘അരകാട’ എന്നൊരു പഴംചൊല്ലു പോലെയാണ് നിയമസഭയില് ഇപ്പോള്. ആയിരം ഇടതുപക്ഷക്കാര്ക്ക് ‘അര സതീശന്’ മതി. എല്ലാവര്ക്കും ചേര്ത്ത് മുഖ്യമന്ത്രി വി.ഡി. സതീശന് മരുപടി പറയുമ്പോള് ഒരു വായ പോലും അടയാതിരിക്കുകയോ, ന്യാം പറയാന് നില്ക്കുകയോ ചെയ്യുന്നില്ല. കഴിഞ്ഞ പത്തു വര്ഷത്തെ തെറ്റിപ്പോയതും, തെറ്റു വരുത്തിയതുമായ കണക്കുകളുടെ പ്രോഗ്രസ് കാര്ഡുകള് ഓരോന്നായി മനസ്സിലാക്കിയാണ് വി.ഡി. സതീശന് ഇരിക്കുന്നത്. കഴിഞ്ഞ സര്ക്കാരില് ധനമന്ത്രിയും, മുഖ്യമന്ത്രിയും രണ്ടായിരുന്നു എന്നതു കൂടി ഓര്ക്കണം. കണക്കു പറയാന് ഒരു മന്ത്രിയും കാര്യം പറയാന് മുഖ്യമന്ത്രിയും എന്നതായിരുന്നുവെങ്കില് ഇപ്പോള് കാര്യമായി കണക്കു പയാന് വി.ഡി. സതീശന് മാത്രം.
മുഖ്യമന്ത്രിയുടെയും ധനമന്ത്രിയുടെ ജോലി ഒന്നിച്ചു ചെയ്യുമ്പോള് പ്രതിപക്ഷം മറ്റൊരാളിലേക്ക് ആക്രമണം നടത്താന് കഴിയാത്ത സ്ഥിതിയിലേക്ക് ചചരുങ്ങുകയാണ്. യു.ഡി.എഫ് പ്രതിപക്ഷത്തിരുന്നപ്പോള് പ്രതിപക്ഷ നേതാവായി വി.ഡി. സതീശന് അതിശക്തമായ നിലപാടുകളിലൂടെ ഇടതു സര്ക്കാരിനു മുമ്പില് പിടിച്ചു നിന്നിരുന്നു. ആരോഗ്യ വകുപ്പിനെയും, ധനവകുപ്പിനെയും കൃത്യമായി ചോദ്യം ചെയ്തും, മറ്റു വകുപ്പുകളിലെ തെറ്റായ ഇടപെടലുകളെ തുറന്നു കാട്ടിയുമായിരുന്നു മുന്നോട്ടു പോയിരുന്നത്. മറ്റാരേക്കാളും വി.ഡി. സതീശന്റെ ചോദ്യങ്ങളെ ഇടതു സര്ക്കാര് ഭയന്നിരുന്നു. കാരണം, ചോദിക്കുന്ന ചോദ്യങ്ങള് പഠിച്ചു ചോദിക്കുന്നതു കൊണ്ട് വ്യക്തമായ ഉത്തരം നല്കേണ്ടതുണ്ടായിരുന്നു.
കാര്യങ്ങളെ രാഷ്ട്രീയമായി കാണാന് അതുകൊണ്ട് സാധിക്കുമായിരുന്നില്ല. അതേ പ്രതിപക്ഷ നേതാവ് ഇപ്പോള് മുഖ്യമന്ത്രിയായപ്പോള് അന്നത്തെ മുഖ്യമന്ത്രി തന്നെ ഇന്നത്തെ പ്രതിപക്ഷ നേതാവാകുമ്പോള് പ്രതിരോധങ്ങള് അസ്ഥാനത്താകുമെന്നുറപ്പാണ്. കാരണം, പ്രതിപക്ഷം ആരോപണങ്ങളാണ് നടത്തുന്നത്. എന്നാല്, സര്ക്കാര് അടിസ്ഥാന പരമായ വസ്തുതകളെ വെച്ചുകൊണ്ടാണ് പോകേണ്ടതും. ഇപ്പോഴത്തെ സര്ക്കാര് കഴിഞ്ഞ സര്ക്കാരിന്റെ ഭരണത്തിലുണ്ടായ കാര്യങ്ങളെ മുന് നിര്ത്തിയാണ് പ്രതിപക്ഷ ചോദ്യങ്ങള്ക്ക് മറുപടി നല്കുന്നത്. പ്രതിപക്ഷ ഉപനേതാവ് ഇടതു സര്ക്കാരിലെ ധനമന്ത്രിയായിരുന്നു കെ.എന്. ബാലഗോപാലും. വി.ഡി. സതീശന് സര്ക്കാരിനെ എതിര്ക്കാന് പ്രതിപക്ഷം കണ്ടെത്തിയ പ്രതിരോധ ആയുധങ്ങള് പോലും പ്രതിരോധത്തിലാകുമെന്നതില് തര്ക്കമില്ല.
പത്തുവര്ഷം ഭരിച്ചവര് പത്തുമാസം പോലും തികയാത്ത സര്ക്കാരിനു നേരെ എന്ത് ആക്രമണമാണ് നടത്താന് പോകുന്നതെന്ന ചോദ്യമുണ്ട്. പി.എം. ശ്രീ പദ്ധതിയില് ഇടതു സര്ക്കാര് നടത്തിയ കള്ളത്തരം പൊളിച്ചതും മുഖ്യമന്ത്രി തന്നെയാണ്. അതും ഇടതു സര്ക്കാരിന്റെ കാലത്ത്, വിദ്യാഭ്യാസ മന്ത്രി തന്നെ പി.എം. ശ്രീയെ കുറിച്ച് പുകഴ്ത്തി എഴുതിയ ലേഖനം നിയമസഭയിലെ മീഡിയാ റൂമില് വായിച്ചുകൊണ്ട്. അന്നത്തെ മുഖ്യമന്ത്രിയായ ഇന്നത്തെ പ്രതിപക്ഷ നേതാവിന് അന്നത്തെ വിദ്യാഭ്യാസ മന്ത്രി തന്നെ മറുപടി കൊടുത്തുവെന്നാണ് മുഖ്യമന്ത്രി വി.ഡി. സതീശന് പറഞ്ഞത്. പ്രതിപക്ഷം കൊണ്ടു വരുന്ന ഏത് ആരോപണത്തെയും വി.ഡി. സതീശനായിരിക്കും സര്ക്കാരിന്റെ ഭാഗത്തു നിന്നും തകര്ക്കുന്നത് എന്നതില് തര്ക്കമില്ല.
സര്ക്കാരിനെ സംരക്ഷിക്കാന് പുതിയ പ്രതിരോധമോ, ആയുധമോ കണ്ടെത്തേണ്ടതില്ല എന്നതാണ് പ്രത്യേകത. കഴിഞ്ഞ സര്ക്കാര് തന്നെ പ്രതിരോധിക്കാനും ആക്രമിക്കാനും ആയുധം സര്ക്കാരിനു നല്കിയിട്ടാണ് പോയിരിക്കുന്നത്. നിലവില് പ്രതിപക്ഷത്തിന്റെ അംഗബലം നിയമസഭയില് തുലോം കുറവാണ്. എങ്കിലും അത്രയും പേര് ഒരുമിച്ചു നിന്നാലും വി.ഡി. സതീളന് എന്ന മുഖ്യമന്ത്രിയെ പ്രതിരോധത്തിലാക്കാനാവില്ല എന്നതാണ് വസ്തുത.
