അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സ്വകാര്യ ബസ്ഉടമകളും, ജീവനകാരും വിവിധ ആവശ്യങ്ങള് ഉന്നയിച്ച് ഇന്ന് സൂചന പണിമുടക്ക് നടത്തുകയാണ്. അവരുടെ ആവശ്യങ്ങളില് ചിലത് ന്യായവുമാണ്. സമരവും, പ്രതിഷേധവും ജനാധിപത്യപരമായ അവകാശവുമാണ്. സമരം നടക്കട്ടെ, ആവശ്യങ്ങള് സാധ്യമാവട്ടെ, പക്ഷേ, സ്വകാര്യ ബസ് ഉടമകളും ജീവനകാരും അറിയേണ്ട ചില കാര്യങ്ങള് ചൂണ്ടികാണിക്കുകയാണ്.
പൊതു ഗതാഗത സംവിധാനത്തിലെ സുപ്രധാന പങ്ക് സ്വകാര്യ ബസ് വ്യവസായം തന്നെയാണ്. ആയിരക്കണക്കിന് തൊഴിലാളികളുടെ ഉപജീവന മാര്ഗ്ഗവുമാണ്. എന്നാല് ആ ബോധം ഇതുവരെ സ്വകാര്യ ബസ് മുതലാളിമാര്ക്കും തൊഴിലാളികള്ക്കും ഉണ്ടായിട്ടില്ല. എന്തെങ്കിലും പ്രതിസന്ധി വരുമ്പോള് സമരം നടത്തി സര്ക്കാറിനെയും ജനങ്ങളെയും വെല്ലുവിളിക്കുന്നതു മാത്രമാണ് അവര്ക്ക് അറിയാവുന്നത്. പൊതു നിരത്തില് ഇത്രയും വൃത്തികെട്ട രീതിയില് പൊരു മാറുന്ന തൊഴിലാളികള് കേരളത്തില് ഇല്ല.
ബസില് പണം നല്കിയാണ് ജനങ്ങള് യാത്ര ചെയ്യുന്നത്. യാത്രകാരുടെ അവകാശം, അന്തസ്സ്, സ്വാതന്ത്യം, എല്ലാം സ്വകാര്യ ബസുകളില് നിഷേധിക്കപ്പെടുകയാണ്. പണം കൊടുത്ത് യാത്ര ചെയ്യുന്നവരെ ചീത്തവിളിക്കുകയും, അപമാനിക്കുന്നതും സ്വകാര്യ ബസുകളില് പതിവാണ്. യാത്ര ക്കാരെ മര്ദ്ദിക്കുന്ന സംവങ്ങളും ഉണ്ടാകാറുണ്ട്. മാന്യമായി യാത്ര ചെയ്യാന് കഴിയാറില്ല. സ്ത്രീകളെയും പ്രായം ചെന്നവരെയും പച്ച തെറി വിളിക്കാന് സ്വകാര്യ ബസ് ജീവനക്കാര്ക്ക് ഒരു മടിയുമില്ല. യാത്രക്കാരുടെ മുന്നില് വച്ച് യാത്ര മുടക്കി സ്വകാര്യ ബസ് ജീവനക്കാര് പരസ്പരം തെറി വിളിയും, ഗുണ്ടായിസവും കാണിക്കുകയാണ്.
യാത്രക്കാരെ ഭീഷണിപ്പെടുത്തുന്നതും പതിവാണ്. ചെറിയ വാക്കുതര്ക്കങ്ങള്ക്കു പോലും ഉടനെ വടിവാള് എടുക്കുന്ന അവസ്ഥയാണ്. സത്യം പറഞ്ഞാല് സ്വന്തം കാശ് കൊടുത്ത് ഭയത്തോടെയാണ് സ്വകാര്യ ബസിലെ യാത്ര. ചോദ്യം ചെയ്യാന് ആരുമില്ല. എന്ന ചൂങ്കുറ്റമാണ് തൊഴിലാളികള്ക്ക്. കൊച്ചി നഗരത്തിലെ അവസ്ഥ അതി ഭീകരമാണ്. മത്സരയോട്ടത്തില് സ്വകാര്യ ബസുകള് എത്ര ജീവനുകള് എടുത്ത്. അപൂര്വ്വം ചില തൊഴിലാളികള് മാന്യമായും പെരുമാറുകയും, മാതൃകാ പരമായി ഇടപെടാറുമുണ്ട്. അതെല്ലാം ചുരുക്കം ചിലര് മാത്രം. ഭൂരിഭാഗവും യാത്രക്കാരോട് ദാര്ഷ്ട്യത്തോടെ പെരുമാറുന്നവരാണ്.
എന്റെ ജോലിയാണ്, ഉപജീവന മാര്ഗമാണ്, എന്റെ ചോറാണ്, എന്ന് സ്വകാര്യ ബസ് ജീവനക്കാര് എന്ന് മനസിലാക്കും. അന്ന് ഈ വ്യവസായം നന്നാവും. യാത്രക്കാരോട് മാന്യമായി പൊരുമാറിയും, പൊതു നിരത്തിലെ ചട്ടങ്ങള് പാലിച്ചു സ്വകാര്യ ബസ് സര്വീസ് നടത്തിയാല് വലിയ മാറ്റം ഉണ്ടാവും. എല്ലാ ജീവജാലങ്ങളും സൗമ്യമായ പെരുമാറ്റവും കരുതലുമാണ് ആഗ്രഹിക്കുന്നത്. സ്കൂള് വിദ്യാര്ത്ഥികളോട് വളരെ വൃത്തികെട്ട രീതിയിലാണ് പല സ്വകാര്യ ബസ് ജീവനക്കാരും പെരുമാറുന്നത്. സൗജന്യമായി യാത്ര ചെയ്യാനായി എവിടെ നിന്നോ കയറി വന്ന ശല്യങ്ങള്, അതാണ് വിദ്യാര്ത്ഥികളോടുള്ള സമീപനം. ഇതിനെല്ലാം മാറ്റം വേണം.
മത്സരയോട്ടത്തിന്റെ പേരില് തൊഴിലാളികളെ സമ്മര്ദ്ദത്തിലാക്കുന്ന ഉടമകളുടെ സമീപനവും മാറണം. പിന്നെ, എന്ത് തോന്ന്യവാസവും തൊഴിലാളികള് കാണിച്ചാല് അതിനെ ന്യായികരിക്കുന്ന തൊഴിലാളി സംഘടനകളും നീതിയുടെ പക്ഷത്ത് നില്ക്കണം. പോലീസ് – മോട്ടോര് വാഹന വകുപ്പ് അധികൃതരും ബസ് ഉടമ -തൊഴിലാളി അവിശുദ്ധ ബന്ധങ്ങളും മാറിയാല് സ്വകാര്യ ബസ് വ്യവസായം മികച്ച രീതിയില് തുടരും. യാത്രക്കാരോട് കെ.എസ്.ആര്.ടി.സി ജീവനക്കാരുടെ സമീപനത്തില് വലിയ മാറ്റം വന്നു. അതിനാല് നല്ല രീതിയില് അവിടെ സര്വ്വീസ് നടക്കുന്നു. അതിനെ തകര്ത്ത് സ്വകാര്യ ബസ് വ്യവസായം ഗംഭീരമാക്കാം എന്ന മുതലാളിമാരുടെ സ്വപ്നം നടക്കില്ല.
സ്വയം നന്നാവാതെ രക്ഷയില്ല. സ്വകാര്യബസ്സുകളെ നിലനിര്ത്തുക എന്നത് ജീവനക്കാരുടെയും കൂടി ആവശ്യമാണ്. പൊതു ഗതാഗത സംവിധാനത്തിന് സ്വകാര്യ ബസ് സര്വീസ് നടത്തുന്ന സേവനം വളരെ വലുതാണ്. എന്നാല് ബസ് വ്യവസായം നല്ലരീതിയില് ആകണമെങ്കില് സ്വകാര്യ ബസ്ജീവനക്കാരുടെ പെരുമാറ്റത്തില് വലിയ മാറ്റം ഉണ്ടാവണം.
