അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.നീറ്റ് ചോദ്യപേപ്പര് ചോര്ച്ചയുമായി ബന്ധപ്പെട്ട് കേന്ദ്ര സര്ക്കാരിനെതിരെ വിദ്യാര്ഥികള് നടത്തിയ പാര്ലമെന്റ് മാര്ച്ചിന് നേരെയുണ്ടായ പൊലീസ് അതിക്രമത്തില് പ്രതിഷേധിച്ച് രാജ്യവ്യാപക പ്രക്ഷോഭം നടത്തുമെന്ന് എസ്.എഫ്.ഐ. ജൂലൈ 24ന് അഖിലേന്ത്യാ വിദ്യാര്ഥി പഠിപ്പ് മുടക്ക് നടത്തും. പൊലീസ് ഉദ്യോഗസ്ഥര്ക്ക് മെലഡി മിഠായി നല്കും. വിദ്യാര്ഥികളെ ക്രൂരമായി നേരിട്ട പൊലീസ് നടപടിക്കെതിരെ ദേശീയ മനുഷ്യാവകാശ കമ്മിഷനെ സമീപിക്കുമെന്നും എസ്.എഫ്.ഐ അറിയിച്ചു. പൊലീസ് അതിക്രമത്തെക്കുറിച്ച് അന്വേഷിക്കാന് മുന് ജഡ്ജിമാരെയും പ്രമുഖ വ്യക്തികളെയും ഉള്പ്പെടുത്തി ‘പീപ്പിള്സ് കമ്മിഷന്’ രൂപീകരിക്കുമെന്നും എസ്.എഫ്.ഐ നേതൃത്വം പറഞ്ഞു. ജൂലൈ 22ന് രാജ്യത്തുടനീളമുള്ള എല്ലാ കോളജുകളിലും സര്വകലാശാലകളിലും ക്യാമ്പെയിനുകളും പ്രതിഷേധ റാലികളും സംഘടിപ്പിക്കും. ജൂലൈ 23ന് വിഷയത്തില് രാഷ്ട്രപതിയുടെ ഇടപെടല് ആവശ്യപ്പെട്ട് ലോക്ഭവന് മാര്ച്ച് നടത്തും. ഡി.വൈ.എഫ്.ഐ, സിഐടിയു, കിസാന് സഭ തുടങ്ങിയ വിവിധ സംഘടനകളുടെ പിന്തുണയോടെയാകും മാര്ച്ച്. ജൂലൈ 25ന് പൊലീസുകാര്ക്ക് എസ്എഫ്ഐ പ്രവര്ത്തകര് ‘മെലഡി’ ചോക്ലേറ്റുകള് വിതരണം ചെയ്യും. ഇതിനൊപ്പം പൊലീസ് അതിക്രമങ്ങളുടെ ചിത്രങ്ങള് അടങ്ങിയ ബോര്ഡുകള് സ്ഥാപിച്ച് ജനങ്ങളില് നിന്ന് ഒപ്പുശേഖരണവും നടത്തും. അതിനിടെ, നിരാഹാര സമരം അവസാനിപ്പിക്കണമെന്ന് സോനം വാങ്ചുകിനോട് സിജെപി സ്ഥാപകന് അഭിജീത് ദീപ്കെ അഭ്യര്ത്ഥിച്ചു. ജന്തര് മന്തറിലെ സമരപ്പന്തലില് നിന്ന് പുറത്തുവിട്ട വീഡിയോയിലാണ് അഭ്യര്ത്ഥന. 24 ദിവസമായി തുടരുന്ന നിരാഹാര സമരത്തെ തുടര്ന്ന് വാങ്ചുകിന്റെ ആരോഗ്യസ്ഥിതി മോശമായിരിക്കുകയാണ്.
