അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കേരളത്തിലെ വിദ്യാര്ത്ഥികള് അടക്കം നിരവധി പേര് വ്യാജ ലോണ് ആപ്പ്, മ്യൂള് അക്കൗണ്ട് തട്ടിപ്പുകള്ക്ക് ഇരയാകുന്നുണ്ടെന്ന് കാനറാ ബാങ്ക് ജനറല് മാനേജറും, സംസ്ഥാനതല ബാങ്കേഴ്സ് സമിതി കണ്വീനറുമായ സന്തോഷ് വി.എസ്. പ്രസ്സ് ഇന്ഫര്മേഷന് ബ്യൂറോയുടെ അധ്യക്ഷതയില് തിരുവനന്തപുരം കാനറ ബാങ്കില് നടന്ന പ്രതിമാസ ഇന്റര് മീഡിയ പബ്ലിസിറ്റി കോര്ഡിനേഷന് കമ്മിറ്റി (ഐഎംപിസിസി) യോഗത്തില് സംസാരിക്കുകയായിരുന്നു അദ്ദേഹം. ഇതിനെതിരെ കോളേജുകള് കേന്ദ്രീകരിച്ച് വ്യാപക ബോധവത്കരണ ക്യാമ്പയ്ന് എസ്എല്ബിസിയുടെ നേതൃത്വത്തില് സംഘടിപ്പിക്കുന്നുണ്ടെന്നും അദ്ദേഹം വ്യക്തമാക്കി. ബാങ്ക് വിവരങ്ങള്, എ.ടി.എം പിന്, ഒ.ടി.പി എന്നിവ ആരുമായും പങ്കുവെക്കരുതെന്നും വ്യാജ ആപ്പുകള് ഡൗണ്ലോഡ് ചെയ്യരുതെന്നും അദ്ദേഹം നിര്ദേശിച്ചു. എസ്എല്ബിസിയുടെ പ്രവര്ത്തനങ്ങളും ശ്രീ സന്തോഷ് വി എസ് വിശദീകരിച്ചു.
പശ്ചിമേഷ്യന് സംഘര്ഷങ്ങളുടെ പശ്ചാത്തലത്തില് എമര്ജന്സി ക്രെഡിറ്റ് ലൈന് ഗ്യാരണ്ടി സ്കീം (ECLGS) 5.0 നെ കുറിച്ചുള്ള ബോധവത്കരണ പരിപാടികളും എസ്എല്ബിസിയുടെ ആഭിമുഖ്യത്തില് നടത്തിതായി ശ്രീ സന്തോഷ് പറഞ്ഞു. കേരളത്തിലെ എംഎസ്എംഇ ആവാസവ്യവസ്ഥ ശക്തിപ്പെടുത്തുന്നതിനുള്ള നിരന്തര ശ്രമങ്ങളുടെ ഭാഗമായി, കാനറ ബാങ്ക്, നബാര്ഡ്, സിഡ്ബി, അംഗ ബാങ്കുകള് എന്നിവയുമായി ഏകോപിപ്പിച്ച് എസ്എല്ബിസി കേരള, കണ്ണൂരിലും കാസര്കോട്ടും നാഷണല് മിഷന് ഫോര് കപ്പാസിറ്റി ബില്ഡിംഗ് ഓഫ് ബാങ്കേഴ്സ് യോഗങ്ങളും സംഘടിപ്പിച്ചതായി അദ്ദേഹം കൂട്ടിച്ചേര്ത്തു. പ്രസ്സ് ഇന്ഫര്മേഷന് ബ്യൂറോ അഡീഷണല് ഡയറക്ടര് ജനറല് വി.പളനിച്ചാമി യോഗത്തില് അധ്യക്ഷത വഹിച്ചു. കേന്ദ്ര ഗവണ്മെന്റിന്റെ വിവിധ സ്ഥാപന മേധാവികള് യോഗത്തില് പങ്കെടുത്തു.
