അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മകൾ ദുവയുടെ പിറന്നാൾ ദിനത്തിൽ മനോഹരമായ കുടുംബചിത്രങ്ങളും പ്രസവകാല ഫോട്ടോഷൂട്ട് ചിത്രങ്ങളും പങ്കുവെച്ച് ബോളിവുഡ് താരങ്ങളായ ദീപിക പദുക്കോണും രൺവീർ സിങ്ങും. ചിത്രങ്ങൾ പുറത്തുവന്നതിന് പിന്നാലെ ദുവയ്ക്ക് അച്ഛനായ രൺവീറുമായുള്ള കൗതുകകരമായ മുഖസാമ്യമാണ് സമൂഹമാധ്യമങ്ങളിൽ വൻ ചർച്ചയായിരിക്കുന്നത്.
മകൾ അച്ഛന്റെ തനിപ്പകർപ്പാണെന്നും ജീനുകൾ കള്ളം പറയില്ലെന്നും ചൂണ്ടിക്കാട്ടി നിരവധിയാളുകളാണ് ചിത്രങ്ങൾക്ക് താഴെ ആശംസകളുമായി എത്തിയത്.
2018 നവംബർ 14-നാണ് ദീപികയും രൺവീറും വിവാഹിതരായത്. തുടർന്ന് 2024 സെപ്റ്റംബർ 8-നാണ് ദമ്പതികൾക്ക് മകൾ ദുവ ജനിക്കുന്നത്.
മാതൃത്വം തന്റെ ജീവിതത്തെയും മുൻഗണനകളെയും ആഴത്തിൽ സ്വാധീനിച്ചതായി ദീപിക മുൻപ് വ്യക്തമാക്കിയിട്ടുണ്ട്. സ്വന്തം കാര്യങ്ങൾക്ക് മാത്രം പ്രാധാന്യം നൽകിയിരുന്നതിൽ നിന്ന് മറ്റൊരു ജീവന്റെ പൂർണ്ണ ഉത്തരവാദിത്തത്തിലേക്ക് മാറിയത് തന്നെ കൂടുതൽ പക്വതയുള്ളവളാക്കിയെന്ന് താരം പറയുന്നു.
ക്യാമറക്കണ്ണുകളിൽ നിന്നും മാധ്യമ ശ്രദ്ധയിൽ നിന്നും മകളെ മാറ്റിനിർത്തി, സാധാരണവും സുരക്ഷിതവുമായ ഒരു ബാല്യകാലം ഉറപ്പാക്കാനാണ് ദമ്പതികൾ ആഗ്രഹിക്കുന്നത്.
