അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കൊച്ചി: പാക്കറ്റ് ഭക്ഷണം വാങ്ങുമ്പോൾ ആരോഗ്യഗുണത്തിനാണ് ഉപഭോക്താക്കൾ കൂടുതൽ പ്രാധാന്യം നൽകുന്നതെന്ന് കൊച്ചിയിൽ നടത്തിയ പഠനം. Amrita Institute of Medical Sciences and Research Centre, Johns Hopkins Bloomberg School of Public Health എന്നിവ ചേർന്ന് നടത്തിയ പഠനത്തിൽ 18നും 60നും ഇടയിൽ പ്രായമുള്ള 680 പേരെയാണ് ഉൾപ്പെടുത്തിയത്.
പാക്കറ്റ് ഭക്ഷണം തിരഞ്ഞെടുക്കുമ്പോൾ പരിഗണിക്കുന്ന പ്രധാന ഘടകങ്ങളിൽ ആരോഗ്യഗുണമാണ് ഒന്നാം സ്ഥാനത്തെത്തിയത്. ഭക്ഷണം വാങ്ങാനും തയ്യാറാക്കാനുമുള്ള സൗകര്യം, രുചി, മണം, ടെക്സ്ചർ, കാഴ്ച എന്നിവയും ഉപഭോക്താക്കളുടെ തിരഞ്ഞെടുപ്പിനെ സ്വാധീനിക്കുന്നതായി പഠനം വ്യക്തമാക്കുന്നു.
പാക്കറ്റിലെ വിവരങ്ങൾ ശ്രദ്ധിക്കാം
പാക്കറ്റ് ഭക്ഷണത്തിലെ Nutrition Label ശ്രദ്ധിക്കുന്നവരിൽ ഭക്ഷണത്തിന്റെ ഘടകങ്ങളും ആരോഗ്യഗുണങ്ങളും കൂടുതൽ പരിഗണിക്കുന്ന പ്രവണത കണ്ടെത്തി. Nutrition വിവരങ്ങൾ പരിശോധിക്കുന്ന ശീലം ആരോഗ്യകരമായ ഭക്ഷണ തിരഞ്ഞെടുപ്പുകൾ നടത്താൻ സഹായിക്കുമെന്നാണ് പഠനം ചൂണ്ടിക്കാട്ടുന്നത്.
അടുത്ത തവണ പാക്കറ്റ് ഭക്ഷണം വാങ്ങുമ്പോൾ മുൻവശത്തെ പരസ്യവാക്കുകൾ മാത്രം നോക്കാതെ Calories, Fat, Sodium തുടങ്ങിയ പോഷക വിവരങ്ങളും പരിശോധിക്കുന്നത് നല്ലതാണ്.
ആരോഗ്യകരമായ ഭക്ഷണശീലം ചെറിയ തീരുമാനങ്ങളിൽ നിന്നാണ് തുടങ്ങുന്നത്. പാക്കറ്റ് ഭക്ഷണം വാങ്ങുമ്പോൾ രുചിക്കൊപ്പം ആരോഗ്യവും പരിഗണിക്കാം.
