അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ചെക്ക് കേസിൽ എം.എൽ.എ സ്ഥാനത്ത് നിന്ന് അയോഗ്യനാക്കണമെന്ന് ആവശ്യപ്പെട്ടുള്ള ഹർജിയിൽ ഹൈക്കോടതി തെരഞ്ഞെടുപ്പ് കമ്മീഷനും മാണി സി. കാപ്പനും നോട്ടീസ് അയച്ചു. വിഷയത്തിൽ തിങ്കളാഴ്ച ഹർജി വീണ്ടും പരിഗണിക്കുമെങ്കിലും, കേസിൽ കാപ്പന് ആശ്വാസകരമായ നടപടികളിലേക്ക് കാര്യങ്ങൾ നീങ്ങുമെന്നാണ് നിയമ വിദഗ്ദ്ധരുടെ വിലയിരുത്തൽ.
മജിസ്ട്രേറ്റ് കോടതി വിധിച്ച ശിക്ഷയ്ക്കെതിരെ ഉയർന്ന കോടതികളെ (സെഷൻസ് കോടതി / ഹൈക്കോടതി) സമീപിച്ച് സ്റ്റേ സമ്പാദിക്കാൻ മാണി സി. കാപ്പന് നിയമപരമായി പൂർണ്ണ അവകാശമുണ്ട്. സ്റ്റേ ഉത്തരവ് ലഭിക്കുന്നതോടെ അയോഗ്യതാ ഭീഷണി നിലനിൽക്കില്ല.
സാമ്പത്തിക തർക്കവുമായി ബന്ധപ്പെട്ട കേസിൽ കാപ്പനെ സാങ്കേതികമായി പൂട്ടാനുള്ള എതിരാളികളുടെ രാഷ്ട്രീയ നീക്കമാണിതെന്നാണ് അദ്ദേഹത്തെ പിന്തുണയ്ക്കുന്നവർ വ്യക്തമാക്കുന്നത്.
മുൻകാല ഉത്തരവുകൾ പ്രകാരം ശിക്ഷാവിധി ഉപരികോടതി സ്റ്റേ ചെയ്താൽ ജനപ്രാതിനിധ്യ നിയമപ്രകാരമുള്ള അയോഗ്യത ബാധകമാകില്ല.
പ്രവാസി വ്യവസായി നൽകിയ ഹർജിയിൽ കേവലം പ്രാഥമിക നടപടിയുടെ ഭാഗമായി മാത്രമാണ് ഹൈക്കോടതി നിലവിൽ നോട്ടീസ് അയച്ചിരിക്കുന്നത്. സ്പീക്കറും ചീഫ് സെക്രട്ടറിയും കേസിൽ ഔദ്യോഗികമായി മറുപടി നൽകും.
ഉപരികോടതിയിൽ നിന്ന് വിധിക്ക് സ്റ്റേ വാങ്ങാൻ അവസരമുള്ളതിനാൽ മാണി സി. കാപ്പന്റെ എം.എൽ.എ പദവിക്ക് നിലവിൽ യാതൊരുവിധ ഭീഷണിയുമില്ല. കേസിൽ സ്വാഭാവികമായ നിയമനടപടികൾ പൂർത്തിയാകുന്നതോടെ അദ്ദേഹത്തിന് അനുകൂലമായ തീരുമാനം ഉണ്ടാകുമെന്നാണ് സൂചന.
