അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.നടി ലക്ഷ്മിപ്രിയക്കെതിരായ സൈബർ അതിക്രമ പരാതിയിൽ എഫ്ഐആർ രജിസ്റ്റർ ചെയ്യുന്നതിൽ വീഴ്ച വരുത്തിയെന്നാരോപിച്ച് പാലാരിവട്ടം എസ്എച്ച്ഒക്കെതിരെ നടി അൻസിബ ഹസൻ കോടതിയെ സമീപിച്ചു. എറണാകുളം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് അൻസിബ ഹർജി നൽകിയത്. കോടതി ഉത്തരവുണ്ടായിട്ടും കൃത്യമായ വകുപ്പുകൾ ചേർക്കാതെയാണ് പൊലീസ് എഫ്ഐആർ രജിസ്റ്റർ ചെയ്തതെന്നാണ് പ്രധാന ആരോപണം. നിരവധി പ്രതികൾ ഉണ്ടായിട്ടും ഒരാളെ മാത്രം പ്രതിയാക്കിയാണ് പൊലീസ് കേസെടുത്തിട്ടുള്ളതെന്നും അൻസിബ ചൂണ്ടിക്കാട്ടുന്നു.
പാലാരിവട്ടം എസ്എച്ച്ഒ മഞ്ജിത് ലാൽ പി.എസിനെതിരെയാണ് നടി ഹർജി നൽകിയിട്ടുള്ളത്. കേസിൽ കെയൻ മീഡിയ ചാനലും മൂന്നാം പ്രതിയായ ശ്വേത മേനോനും ഉൾപ്പെടെയുള്ളവരെ ഒഴിവാക്കിയാണ് പൊലീസ് നടപടിയെന്നാണ് പ്രധാന ആരോപണം. എഫ്ഐആർ തിരുത്തി പരാതിയിൽ പറഞ്ഞിട്ടുള്ള എല്ലാ വകുപ്പുകളും പ്രതികളെയും ഉൾപ്പെടുത്തി കേസ് പുനഃപരിശോധിക്കണമെന്നും അന്വേഷണ ഉദ്യോഗസ്ഥനെ മാറ്റണമെന്നുമാണ് അൻസിബയുടെ പ്രധാന ആവശ്യങ്ങൾ.
