അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.ഇൻസ്റ്റിറ്റ്യൂട്ട് ഓഫ് ചാർട്ടേഡ് അക്കൗണ്ടന്റ്സ് ഓഫ് ഇന്ത്യയുടെ (ഐ.സി.എ.ഐ.) സിഎ ഇന്റർമീഡിയറ്റ് സെപ്റ്റംബർ 2026 പരീക്ഷാഫലം പുറത്തുവിട്ടു. ഔദ്യോഗിക വെബ്‌സൈറ്റായ caresults.icai.org-ലൂടെ ഉദ്യോഗാർഥികൾക്ക് തങ്ങളുടെ ഫലം പരിശോധിക്കാവുന്നതാണ്. ആകെ 14,818 ഉദ്യോഗാർഥികളാണ് ഇത്തവണ പരീക്ഷയിൽ വിജയിച്ചത്. ഗ്രൂപ്പ് I-ൽ 23.14 ശതമാനവും ഗ്രൂപ്പ് II-ൽ 18.92 ശതമാനവുമാണ് വിജയം. രണ്ട് ഗ്രൂപ്പുകളും ഒരുമിച്ച് എഴുതിയവരിൽ 13.21 ശതമാനം പേർ വിജയം നേടി. ഗ്രൂപ്പ് I-ൽ പങ്കെടുത്ത 1,00,301 പേരിൽ 23,210 പേരും ഗ്രൂപ്പ് II എഴുതിയ 68,400 പേരിൽ 12,938 പേരും വിജയിച്ചു. രണ്ട് ഗ്രൂപ്പുകളും എഴുതിയ 38,339 പേരിൽ 5,066 പേരാണ് പരീക്ഷ പാസായത്.
ഫലം എങ്ങനെ പരിശോധിക്കാം?
caresults.icai.org എന്ന ഔദ്യോഗിക വെബ്‌സൈറ്റ് സന്ദർശിക്കുക. ഹോംപേജിലുള്ള ‘ICAI CA Inter Result 2026’ എന്ന ലിങ്കിൽ ക്ലിക്ക് ചെയ്യുക. റെജിസ്ട്രേഷൻ നമ്പറും റോൾ നമ്പറും നൽകുക. സ്ക്രീനിൽ കാണുന്ന Captcha കോഡ് നൽകി Submit ക്ലിക്ക് ചെയ്യുക. സ്കോർകാർഡ് സ്ക്രീനിൽ തെളിയുന്നതാണ്. ഇത് ഡൗൺലോഡ് ചെയ്ത് പ്രിന്റ് എടുത്ത് സൂക്ഷിക്കാവുന്നതാണ്. സെപ്റ്റംബർ ഒന്ന് മുതൽ 12 വരെയായിരുന്നു ഐസിഎഐ സിഎ ഇന്റർമീഡിയറ്റ് പരീക്ഷകൾ നടന്നത്. തിരക്ക് കാരണം വെബ്‌സൈറ്റ് ലഭ്യമല്ലെങ്കിൽ ഉദ്യോഗാർഥികൾക്ക് icai.org എന്ന വെബ്‌സൈറ്റ് വഴിയും ഫലം പരിശോധിക്കാവുന്നതാണ്. വിജയിച്ച ഉദ്യോഗാർഥികൾക്ക് സിഎ ഫൈനൽ ഘട്ടത്തിലേക്ക് പ്രവേശിക്കാം.
