അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കവൻട്രി∙ അസംബ്ലീസ്‌ ഓഫ് ഗോഡ് യുകെ , ഐ എ ജി യുകെആൻഡ് യൂറോപ്പ് 17 മത്‌ നാഷനൽ കോൺഫറൻസ് ഈ മാസം 15 മുതൽ 17 വരെ കവൻട്രിയിലെ റെഡ്‌റോസ് അരീനയിൽ വച്ച് നടത്തപ്പെടുന്നു. ഐഎജി യുകെ ആൻഡ് യൂറോപ്പ് ചെയർമാൻ റവ ബിനോയ് എബ്രഹാം ഉദ്ഘാടനം ചെയ്യുന്ന കോൺഫറൻസിൽ പ്രസംഗകൻ റവ രവി മണി മുഖ്യസന്ദേശം നൽകും. ഈ കാലഘട്ടത്തിൽ ദൈവം ശക്തമായി ഉപയോഗിക്കുന്ന വർഷിപ്പ് ലീഡർ ബ്രദർ അനിൽ അടൂർ സംഗീത ശുശ്രൂഷകൾക്ക് നേതൃത്വം നൽകുന്നു. 3 ദിവസങ്ങളിലായി നടക്കുന്ന കോൺഫറൻസിന്‍റെ യൂത്ത് സെക്ഷനിൽ ഡോ: ബ്ലസൻ മേമനയും. ലേഡീസ് സെക്ഷനിൽ ഡോ. ഏയ്ഞ്ചൽ എൽസ വർഗ്ഗീസും ശുശ്രൂഷകൾക്ക് നേതൃത്വം നൽകും. ഞായറാഴ്ച നടക്കുന്ന സംയുക്ത ആരാധനയിൽ കർത്തൃമേശ ശുശ്രൂഷയും ഉണ്ടായിരിക്കും. സമ്മേളത്തിന്‍റെ സുഗമമായ നടത്തിപ്പിനായി പാസ്റ്റർ ജിജി തോമസ് ചെയർമാനായും, പാസ്റ്റർ ജിനു മാത്യു കോൺഫറൻസ് കൺവീനറായും, പാസ്റ്റർ ലിജോ ജോൺ കോൺഫറൻസ് കോഓർഡിനേറ്ററായും , ബ്രദർ ലിനോ പി ജോൺ കോൺഫറൻസ് ലോക്കൽ കോഓർഡിനേറ്ററായും പ്രവർത്തിച്ചു വരുന്നു. എല്ലാവരെയും കവൻട്രിയിലേക്ക് ഹാർദ്ദവമായി സ്വാഗതം ചെയ്യുന്നതായി സംഘടകർ അറിയിച്ചുകൊള്ളുന്നു.
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
