അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ന്യൂഡൽഹി: രാഹുല് ഗാന്ധി പൊതുപ്രസംഗങ്ങളില് സൂക്ഷ്മതയും ജാഗ്രതയും പാലിക്കണമെന്ന് തിരഞ്ഞെടുപ്പ് കമ്മീഷന്റെ മുന്നറിയിപ്പ്. പ്രസംഗത്തില് പ്രധാനമന്ത്രി നരേന്ദ്ര മോദിയെ അപശകുനമെന്നും പോക്കറ്റടിക്കാരെന്നും രാഹുല് ഗാന്ധി വിശേഷിപ്പിച്ചത് വിവാദമായിരുന്നു. പ്രധാനമന്ത്രിക്കെതിരായ പരാമർശത്തിൽ രാഹുലിനെതിരായ ദില്ലി ഹൈക്കോടതി ഉത്തരവും അതിന് രാഹുൽ നൽകിയ മറുപടിയും കണക്കിലെടുത്താണ് കമ്മീഷൻ്റെ നടപടി നടപടി.
താരപ്രചാരകര്ക്കും രാഷ്ട്രീയ നേതാക്കള്ക്കും വേണ്ടി അടുത്തിടെ പുറത്തിറക്കിയ ഉപദേശ നിര്ദ്ദേശങ്ങള് പിന്തുടരണമെന്നും തിരഞ്ഞെടുപ്പ് കമ്മീഷന് രാഹുല് ഗാന്ധിയോട് ആവശ്യപ്പെട്ടിട്ടുണ്ട്. പെരുമാറ്റച്ചട്ടം ലംഘിച്ചാല് കര്ശന നടപടി നേരിടേണ്ടി വരുമെന്ന താരപ്രചാരകര്ക്കും രാഷ്ട്രീയ നേതാക്കള്ക്കുമായി മാര്ച്ച് ഒന്നിന് പുറത്തിറക്കിയ നിര്ദ്ദേശങ്ങളില് വ്യക്തമാക്കിയിരുന്നു. നേരത്തെ നോട്ടീസ് ലഭിച്ചവര് മാര്ഗ്ഗ നിര്ദ്ദേശങ്ങള് വീണ്ടും ലംഘിച്ചാല് കര്ശന നടപടി നേരിടേണ്ടി വരുമെന്നും പാര്ട്ടിയുടെ പ്രചാരകര്ക്കും സ്ഥാനാര്ത്ഥികള്ക്കും മുന്നറിയിപ്പ് നല്കിയിട്ടുണ്ട്.
Read more :
- എബ്രഹാമിനെ കൊന്ന കാട്ടുപോത്തിനെ കൊല്ലാൻ ഉത്തരവ്
- എറണാകുളത്ത് കെട്ടിട നിര്മ്മാണത്തിനിടെ മണ്ണിടിച്ചിൽ : മൂന്ന് പേര്ക്ക് ദാരുണാന്ത്യം
- പേട്ടയില് നിന്ന് തട്ടിക്കൊണ്ടു പോയ കുട്ടിയെ രക്ഷിതാക്കള്ക്ക് കൈമാറി; തൊഴുകൈയ്യോടെ അച്ഛന്
- പൂഞ്ഞാറിൽ മുസ്ലിം വിദ്യാർത്ഥികൾ കാണിച്ചത് തെമ്മാടിത്തം; പൊലീസ് ഒരു വിഭാഗത്തെ തിരഞ്ഞ് പിടിച്ചതല്ല: മുഖ്യമന്ത്രി
- സിദ്ധാർഥന്റെ മരണത്തിൽ പിടിയിലാവാനുള്ള പ്രതി എം.എം മാണിയുടെ സംരക്ഷണയിൽ:ചെന്നിത്തല
പ്രധാനമന്ത്രിയെ പോക്കറ്റടിക്കാരനെന്ന് വിശേഷിപ്പിച്ച രാഹുല് ഗാന്ധിക്കെതിരെ ഉചിതമായ നടപടി സ്വീകരിക്കണമെന്ന് കഴിഞ്ഞ വര്ഷം ഡിസംബറില് ഡല്ഹി ഹൈക്കോടതി നിര്ദ്ദേശം നല്കിയിരുന്നു. നല്ല രീതിയിലുള്ളതല്ല രാഹുല് ഗാന്ധിയുടെ പരാമര്ശം എന്ന് വ്യക്തമാക്കിയ കോടതി എട്ടാഴ്ചയ്ക്കകം ഈ വിഷയത്തില് നിയമപരമായ നടപടി സ്വീകരിക്കണമെന്നായിരുന്നു തിരഞ്ഞെടുപ്പ് കമ്മീഷനോട് ആവശ്യപ്പെട്ടത്. നേരത്തെ അപശകുനമെന്നും പോക്കറ്റടിക്കാരന് എന്നുമുള്ള പരാമര്ശങ്ങളില് തിരഞ്ഞെടുപ്പ് കമ്മീഷന് രാഹുല് ഗാന്ധിക്ക് നോട്ടീസ് നല്കിയിരുന്നു.
