വിജയ് ദേവരകൊണ്ട-പരശുറാം ഒന്നിക്കുന്ന ആക്ഷൻ ഫാമിലി എന്റർടൈനർ ‘ദ ഫാമിലി സ്റ്റാർ’: ടീസർ പുറത്തിറങ്ങി

ഗീതാ ​ഗോവിന്ദം എന്ന സൂപ്പർഹിറ്റ് ചിത്രത്തിനുശേഷം വിജയ് ദേവരകൊണ്ട-സംവിധായകൻ പരശുറാം എന്നിവർ ഒന്നിക്കുന്ന ദ ഫാമിലി സ്റ്റാർ എന്ന ചിത്രത്തിന്റെ ടീസർ പുറത്തിറങ്ങി.

ആക്ഷൻ പശ്ചാത്തലത്തിലുള്ള കുടുംബകഥയായിരിക്കും ചിത്രമെന്നാണ് ടീസർ നൽകുന്ന സൂചന. സംവിധായകൻ തന്നെയാണ് ചിത്രത്തിന്റെ തിരക്കഥയും നിർവഹിച്ചിരിക്കുന്നത്.

ആറുവർഷത്തെ ഇടവേളയ്ക്കുശേഷം വിജയ് ദേവരകൊണ്ട, സംവിധായകൻ പരശുറാം എന്നിവർക്കൊപ്പം സം​ഗീതസംവിധായകനായി ​ഗോപി സുന്ദറും ഗായകനായി സിദ് ശ്രീറാമും ചിത്രത്തിനൊപ്പമുണ്ട്.

​ഗീതാ ​ഗോവിന്ദത്തിനായി ​ഗോപി സുന്ദർ ഒരുക്കിയ ഇങ്കേം ഇങ്കേം എന്ന ​ഗാനം കേരളത്തിലുൾപ്പെടെ വൻ സ്വീകാര്യതയാണ് ലഭിച്ചത്. ഫാമിലി സ്റ്റാറിനുവേണ്ടി സിദ് ശ്രീറാം ആലപിച്ച ഗാനം ശ്രദ്ധയാകർഷിച്ചിരുന്നു.

Read More……

• ബോളിവുഡിലും ആഭ്യന്തര രാഷ്ട്രീയമുണ്ടെന്ന വെളിപ്പെടുത്തലുമായി പ്രശസ്ത നടി ഹുമ ഖുറേഷി
• ‘ആ ഭംഗി ഇപ്പോഴാണ് ശരിക്കും മനസ്സിലായത്’: താരസുന്ദരിയുടെ മകളുടെ പുത്തൻ ലുക്കിൽ അമ്പരന്ന് ആരാധകർ
• ‘സുമ്മാ നടിപ്പ്’: മമ്മൂട്ടിയുടെ അഭിനയം കണ്ട് പേടിച്ച് ക്യാമറമാൻ: വൈറലായി വീഡിയോ
• തടി കൂടുമെന്ന പേടി വേണ്ട: പഴങ്കഞ്ഞി ഏറ്റവും നല്ല പ്രാതൽ; ഗുണങ്ങൾ എന്തക്കെയാണെന്ന് അറിയാമോ?
• ദിവസവും കൂൺ കഴിച്ചാലുള്ള ഗുണങ്ങൾ അറിയുമോ? പണ്ടത്തെ അമ്മമാരുടെ കൂൺ കറികളൊന്നും നിസ്സാരക്കാരല്ല

2022-ൽ പുറത്തിറങ്ങിയ സർക്കാരുവാരി പാട്ടാ എന്ന ചിത്രത്തിനുശേഷം പരശുറാം സംവിധാനംചെയ്യുന്ന ചിത്രമാണ് ഫാമിലി സ്റ്റാർ. ഇത് രണ്ടാംതവണയാണ് പരശുറാമും വിജയ് ദേവരകൊണ്ടയും ഒന്നിക്കുന്നത്. മൃണാൾ താക്കൂറാണ് ഫാമിലി സ്റ്റാറിലെ നായിക.

കെ.യു. മോഹനനാണ് ഛായാ​ഗ്രഹണം. ഏപ്രിൽ അഞ്ചിനാണ് ചിത്രത്തിന്റെ റിലീസ് നിശ്ചയിച്ചിരിക്കുന്നത്.