അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ദുബായ്: ഹിജാബ് വിരുദ്ധ പ്രക്ഷോഭത്തിന്റെ മുഖമായി മാറിയ ഗാനം ചിട്ടപ്പെടുത്തിയതിന് ഗ്രാമി പുരസ്കാരജേതാവായ ഇറാനിയൻ ഗായകൻ ഷെർവിൻ ഹജിപൗറിന് മൂന്നുവർഷത്തിലേറെ തടവുശിക്ഷ.
ശിക്ഷാവിവരം ഷെർവിൻ തന്നെയാണ് വെള്ളിയാഴ്ച സാമൂഹികമാധ്യമത്തിലൂടെ പുറത്തുവിട്ടത്. ഇറാനിൽ പാർലമെന്റ് തിരഞ്ഞെടുപ്പ് നടന്ന ദിവസമാണ് ഇദ്ദേഹത്തിനെതിരേയുള്ള വിധിയും വന്നത്.
2022-ൽ ഷെർവിൻ രചിച്ച ‘ബരായെ’ എന്ന ഗാനം ഭരണകൂടവിരുദ്ധ പ്രക്ഷോഭങ്ങളിൽ വ്യാപകമായി ഉപയോഗിച്ചിരുന്നു.
ജനങ്ങളോട് പ്രതിഷേധത്തിന്‌ ആഹ്വാനംചെയ്തു, ഭരണകൂടവിരുദ്ധ പ്രചാരണം നടത്തി തുടങ്ങിയ കുറ്റങ്ങൾ കോടതി ചുമത്തി. മൂന്നുവർഷവും എട്ടുമാസവുമാണ് ശിക്ഷാ കാലയളവ്. രണ്ടുവർഷത്തെ യാത്രാവിലക്കുമുണ്ട്.
Read More…..
- വരലക്ഷ്മി ശരത്കുമാർ വിവാഹിതയാകുന്നു: സമൂഹ മാധ്യമങ്ങളിൽ വിവാഹനിശ്ചയ ചിത്രങ്ങൾ പങ്കുവെച്ചു രാധിക ശരത് കുമാർ|Actor Varalaxmi Sarathkumar got engaged
- ഫ്രൈഡേ ഫിലിംഹൗസും കെ.ആർ.ജി സ്റ്റുഡിയോയും നിർമ്മാണത്തിനും വിതരണത്തിനുമായി കൂട്ടായ സഹകരണം ആരംഭിക്കുന്നു
- ആ ധൈര്യം മലയാളികൾക്ക് നൽകിയതിൽ പ്രമുഖ വ്യക്തിയായി ഞാൻ കാണുന്നത് സന്തോഷ് പണ്ഡിറ്റിനെയാണ്; അജു വർഗീസ്
- ലോക ഒബീസിറ്റി ദിനം: ഭക്ഷ്യ സുരക്ഷയും ആരോഗ്യകരമായ ഭക്ഷണ ശീലങ്ങളും
- നിങ്ങളുടെ അകപ്പല്ലിൽ കറ അടിഞ്ഞു കൂടുന്നുണ്ടോ? കറ 3 ദിവസം കൊണ്ടിളകി പോകും ഈ വിദ്യകൾ പരീക്ഷിച്ചാൽ
ഗാനം പുറത്തിറക്കിയതിൽ ഷെർവിൻ ഇന്നേവരെ ഖേദം പ്രകടിപ്പിച്ചിട്ടില്ലെന്ന് കോടതി നിരീക്ഷിച്ചു. ഒപ്പം യു.എസിന്റെ കുറ്റകൃത്യങ്ങൾ വിവരിക്കുന്ന ഗാനം ചിട്ടപ്പെടുത്തണമെന്നും ഈ കുറ്റങ്ങൾ ഓൺലൈനിൽ പ്രസിദ്ധീകരിക്കണമെന്നും ഉത്തരവിട്ടു.
2022-ൽ യു.എസ്. പ്രഥമവനിത ജിൽ ബൈഡനിൽനിന്നാണ് ‘ബരായെ’ ഗാനത്തിനുള്ള ഗ്രാമി പുരസ്കാരം ഷെർവിൻ ഏറ്റുവാങ്ങിയത്.
2022 സെപ്റ്റംബർ 16-ന് ശിരോവസ്ത്രം നേരാംവണ്ണം ധരിച്ചില്ലെന്നാരോപിച്ച് മതകാര്യപോലീസ് അറസ്റ്റുചെയ്ത മഹ്‌സ അമീനി(22) തടവറയിൽ കൊല്ലപ്പെട്ടതോടെയാണ് ഇറാനിൽ ഹിജാബ് വിരുദ്ധ പ്രക്ഷോഭം പൊട്ടിപ്പുറപ്പെടുന്നത്. അതിൽ ഷെർവിനും സജീവമായി പങ്കെടുത്തിരുന്നു. പ്രക്ഷോഭത്തിൽ ഇതുവരെ 500-ലേറെപ്പേർ കൊല്ലപ്പെട്ടു.
