അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അഭിനയ ജീവിതത്തിൽ അന്‍പതു വര്‍ഷം പൂര്‍ത്തിയാക്കി മല്ലിക സുകുമാരനെ ആദരിക്കുന്ന ചടങ്ങ് കഴിഞ്ഞ ദിവസമാണ് നടന്നത്. പരിപാടിയില്‍ നിന്നുള്ള നിരവധി വിഡിയോകളും ചിത്രങ്ങളും സോഷ്യല്‍ മീഡിയയില്‍ വൈറലായിരുന്നു.
ഇപ്പോള്‍ ശ്രദ്ധനേടുന്നത് ഇന്ദ്രന്‍സിനൊപ്പമുള്ള പൃഥ്വിരാജിന്റേയും ഇന്ദ്രജിത്തിന്റേയും വിഡിയോ ആണ്.
മല്ലിക സുകുമാരനെ കൈപിടിച്ച് വേദിയിലേക്ക് കയറ്റുന്ന ഇന്ദ്രജിത്തിന്റേയും പൃഥ്വിരാജിന്റേയുമാണ് വിഡിയോ. വേദിയിലേക്ക് കയറിയപ്പോഴാണ് പുറകിലേക്ക് മാറി ഇന്ദ്രന്‍സ് നില്‍ക്കുന്ന പൃഥ്വിരാജ് കാണുന്നത്. വേഗം ചെന്ന് ഇന്ദ്രന്‍സിനെ പൃഥ്വിരാജ് കെട്ടിപ്പിടിക്കുകയായിരുന്നു.
പിന്നിലേക്ക് മാറി നില്‍ക്കാന്‍ ശ്രമിക്കുന്ന ഇന്ദ്രന്‍സിനെ പൃഥ്വിരാജ് പിടിച്ച് മുന്നിലേക്ക് നീക്കി നിര്‍ത്തുകയായിരുന്നു. കൂടാതെ ഇന്ദ്രജിത്തും ഏറെ സന്തോഷത്തോടെ ഇന്ദ്രന്‍സിനോട് സംസാരിക്കുന്നതും വിഡിയോയിലുണ്ട്.
”ഇതാണ് പൃഥ്വിരാജ്: പൃഥ്വിരാജ് ഇങ്ങനെ ആണ്” എന്ന അടിക്കുറിപ്പോടെ ഫോട്ടോഗ്രാഫര്‍ ശ്യാംകുമാര്‍ ആണ് ഇന്‍സ്റ്റഗ്രാമിലൂടെ പങ്കുവച്ചത്. സോഷ്യല്‍ മീഡിയയില്‍ വൈറലാവുകയാണ് വിഡിയോ.
പൃഥ്വിരാജിനെ പ്രശംസിച്ചുകൊണ്ട് നിരവധി പേരാണ് കമന്റ് ചെയ്യുന്നത്. പൃഥ്വിരാജ് സഹപ്രവർത്തകരെയും മുതിർന്നവരെയും ബഹുമാനിക്കുന്നത് മറ്റുള്ളവരും കണ്ടു പഠിക്കണമെന്നും ഇവർ അഭിപ്രായപ്പെടുന്നു.
Read More……
- ടൊവിനോയുടെ ‘അന്വേഷിപ്പിൻ കണ്ടെത്തും’ ഒടിടിയിലേക്ക്
- ജാംനഗറിലെ കല്യാണ ആഘോഷങ്ങൾക്ക് നിറം പകർന്നു ബോളിവുഡ് താരങ്ങളുടെ ഗ്ലാമറസ് സ്റ്റൈലിഷ് ലുക്ക്
- കെ.ജി.എഫ് സംഗീത സംവിധായകൻ ഇനി മലയാള സിനിമയിലും
- നിസ്സാരമല്ല മലബന്ധം; മറ്റു രോഗങ്ങളുടെ ആരംഭ ലക്ഷണമാണ്
- അത്താഴത്തിനു ഈ ഭക്ഷണങ്ങളാണോ കഴിച്ചത്? എങ്കിൽ നിങ്ങൾക്ക് ഉറക്കം വരില്ല
ചടങ്ങില്‍ വച്ച് അമ്മയെക്കുറിച്ച് പൃഥ്വിരാജ് പറഞ്ഞ വാക്കുകളും ഏവരുടെയും കണ്ണ് നിറയ്ക്കുന്നതായിരുന്നു. അച്ഛൻ മരിച്ച ശേഷം അച്ഛനുമായി ആംബുലൻസിൽ പോയ നിമിഷങ്ങൾ പങ്കുവച്ചപ്പോൾ തൊണ്ടയിടറുന്ന പൃഥ്വിരാജിനെ കണ്ട് മല്ലിക സുകുമാരന്റെയും ഇന്ദ്രജിത്തിന്റെയും കണ്ണുകൾ നിറഞ്ഞിരുന്നു.
അമ്മയ്‌ക്കൊപ്പം അഭിനയിക്കുകയും അമ്മ അഭിനയിച്ച സിനിമ നിര്‍മിക്കുകയും സംവിധാനം ചെയ്യുകയും ചെയ്ത അപൂർവത തനിക്ക് മാത്രം സ്വന്തമാണെന്ന് പൃഥ്വിരാജ് പറഞ്ഞു. അച്ഛന്‍ മരിച്ചപ്പോൾ അമ്മ ഇനി എന്ത് ചെയ്യും എന്നോർത്താണ് സങ്കടപ്പെട്ടതെന്നും എന്നാൽ അമ്മ എന്തു ചെയ്തു എന്നതിനുത്തരമാണ് ഇന്നിവിടെ നിൽക്കുന്ന താനും ഇന്ദ്രജിത്തും എന്ന് പൃഥ്വിരാജ് പറഞ്ഞു
