വീ​ട്ടി​ലെ പ്ര​സ​വ​ത്തി​ൽ അ​മ്മ​യും കു​ഞ്ഞും മ​രി​ച്ച സം​ഭ​വം; ഭര്‍ത്താവിന്‍റെ അറസ്റ്റ് രേഖപ്പെടുത്തി

തിരുവനന്തപുരം: നേമം കാരക്കാമണ്ഡപത്ത് വീട്ടില്‍ നടന്ന പ്രസവത്തിനിടെ അമ്മയും കുഞ്ഞും മരിച്ച സംഭവത്തില്‍ ഭര്‍ത്താവ് നയാസിന്റെ അറസ്റ്റ് രേഖപ്പെടുത്തി. മന:പൂര്‍വ്വമല്ലാത്ത നരഹത്യ, സ്ത്രീയുടെ സമ്മതമില്ലാതെ ഗര്‍ഭം അലസിപ്പിക്കല്‍, ഗര്‍ഭം അലസിപ്പിക്കുക എന്ന ഉദ്ദേശത്തോടെ ചെയ്ത പ്രവൃത്തി മൂലമുള്ള മരണം എന്നീ കുറ്റങ്ങളാണ് ഇയാള്‍ക്കെതിരെ ചുമത്തിയിരിക്കുന്നത്. നേമം പോലീസാണ് അറസ്റ്റ് രേഖപ്പെടുത്തിയത്.

കഴിഞ്ഞ ചൊവ്വാഴ്ചയായിരുന്നു സംഭവം. വെള്ളയാണി തിരുമംഗലം ലെയ്‌നില്‍ വാടകയ്ക്ക് താമസിക്കുകയായിരുന്ന പൂന്തുറ സ്വദേശി ഷമീറയും(36) നവജാതശിശുവുമാണ് ചികിത്സ ലഭിക്കാതെ മരിച്ചത്. യു​വ​തി​യെ ആ​ശു​പ​ത്രി​യി​ൽ പ്ര​വേ​ശി​പ്പി​ക്കാ​ൻ ന​യാ​സ് അ​നു​വ​ദി​ച്ചി​രു​ന്നി​ല്ല. ഇ​വ​ര്‍​ക്ക് ചി​കി​ത്സ ല​ഭ്യ​മാ​ക്കാ​ന്‍ പ്ര​ദേ​ശ​വാ​സി​ക​ളും ആ​ശാ​വ​ര്‍​ക്ക​റും വാ​ര്‍​ഡ് കൗ​ണ്‍​സി​ല​റു​മ​ട​ക്കം പ​രി​ശ്ര​മി​ച്ചി​ട്ടും ന​യാ​സ് വ​ഴ​ങ്ങി​യി​ല്ല. പ്ര​സ​വം വീ​ട്ടി​ൽ മ​തി​യെ​ന്ന നി​ല​പാ​ടി​ൽ ന​യാ​സ് ഉ​റ​ച്ചു​നി​ന്ന​താ​ണു മ​ര​ണ​ത്തി​നു കാ​ര​ണ​മാ​യ​തെ​ന്നു വ്യ​ക്ത​മാ​യ​തോ​ടെ​യാ​ണ് ന​ട​പ​ടി.

സം​ഭ​വ​ത്തി​ൽ ന​യാ​സി​നെ​തി​രെ രൂ​ക്ഷ​വി​മ​ർ​ശ​ന​വു​മാ​യി ആ​രോ​ഗ്യ​മ​ന്ത്രി വീ​ണാ ജോ​ർ​ജ് ഉ​ൾ​പ്പെ​ടെ രം​ഗ​ത്തെ​ത്തി​യി​രു​ന്നു. ഷ​മീ​റ​യ്ക്ക് അ​ക്യു​പ​ങ്ച​ർ ചി​കി​ത്സ ന​ൽ​കി​യ വെ​ഞ്ഞാ​റ​മൂ​ട് സ്വ​ദേ​ശി ശി​ഹാ​ബി​നെ പ്ര​തി ചേ​ർ​ക്കു​ന്ന കാ​ര്യ​ത്തി​ൽ പി​ന്നീ​ട് തീ​രു​മാ​ന​മെ​ടു​ക്കും.

ന​യാ​സി​ന്‍റെ ര​ണ്ടാം ഭാ​ര്യ​യാ​ണ് ഷ​മീ​റ. ആ​ദ്യ​ഭാ​ര്യ​യി​ൽ ഇ​യാ​ൾ​ക്ക് മൂ​ന്നു​മ​ക്ക​ളു​ണ്ട്. നാ​ലാ​മ​ത്തെ പ്ര​സ​വ​ത്തി​നി​ടെ ആ​ണ് മ​ര​ണം. ആ​ദ്യ ഭാ​ര്യ​യും മൂ​ത്ത മ​ക​ളു​മാ​ണ് പ്ര​സ​വം എ​ടു​ക്കാ​ൻ ശ്ര​മി​ച്ച​തെ​ന്നു നാ​ട്ടു​കാ​ർ പ​റ​ഞ്ഞു.

പ്ര​സ​വ വേ​ദ​ന തു​ട​ങ്ങി​യ​തി​നു പി​ന്നാ​ലെ ഷ​മീ​റ​യ്ക്ക് ര​ക്ത​സ്രാ​വം അ​മി​ത​മാ​യി. കു​ഞ്ഞി​ന് വെ​ളി​യി​ലേ​ക്ക് വ​രാ​ന്‍ ത​ട​സ​മു​ണ്ടാ​യി. തു​ട​ർ​ന്ന് ബോ​ധ​ര​ഹി​ത​യാ​യ ഇ​വ​രെ നാ​ട്ടു​കാ​ർ ഇ​ട​പെ​ട്ട് ആം​ബു​ല​ന്‍​സി​ൽ ക​ര​മ​ന​യി​ലെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​ര​ണം സം​ഭ​വി​ക്കു​ക​യാ​യി​രു​ന്നു. ആ​ശു​പ​ത്രി​യി​ൽ എ​ത്തും​മു​ൻ​പു​ത​ന്നെ യു​വ​തി​യും കു​ഞ്ഞും മ​രി​ച്ചി​രു​ന്നു​വെ​ന്ന് ആ​ശു​പ​ത്രി അ​ധി​കൃ​ത​ർ പ​റ​ഞ്ഞു. ഷമീറയുടെ മൃതദേഹം പോസ്റ്റ്‌മോര്‍ട്ടം നടപടികള്‍ക്ക് ശേഷം ബന്ധുക്കള്‍ക്ക് വിട്ട് നല്‍കി. മൃതദേഹം പാലക്കാട്ടെ വീട്ടിലേക്ക് കൊണ്ടുപോയി.

Read More…..

• പകയും പ്രതികാരവും: ‘കടകൻ’ ട്രെയിലർ പുറത്തിറങ്ങി| ‘Kadakan’ trailer
• അവാർഡ് നല്കുന്നതിനിടെ നയൻതാരയെ ചുംബിച്ചു ഷാരൂഖ് ഖാൻ: വൈറലായി വീഡിയോ|Shah Rukh Khan|Dadasaheb Phalke|Nayanthara
• ‘ദി ഗ്രേറ്റ് ഇന്ത്യൻ കിച്ചൻ’ സിനിമയ്ക്ക് ശേഷം ബോളിവുഡിൽ കൂടുതൽ അവസരങ്ങൾ ലഭിച്ചു: നിമിഷ സജയൻ| Nimisha Sajayan
• പ്രശസ്ത റേഡിയോ അവതാരകൻ അമീൻ സയാനി അന്തരിച്ചു| Ameen Sayani Iconic Radio Presenter Dies At 91
• ‘പി.ടി. തോമസ് സാറിനെ ഒരിക്കും മറക്കാനാവില്ല: പ്രതിസന്ധികളിൽ കൂടെ നിന്നു’: ഭാവന