അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ലണ്ടൻ ∙ 18 മുതൽ 30 വയസ് വരെ പ്രായമുള്ള ബിരുദധാരികളായ ഇന്ത്യൻ പൗരന്മാർക്കുള്ള ബ്രിട്ടനിലേക്കുള്ള ഇന്ത്യ യങ് പ്രഫഷനല്‍ സ്കീമിന് അപേക്ഷ സമർപ്പിക്കാൻ ഇനി മണിക്കൂറുകൾ മാത്രം ബാക്കി. നാളെ ഉച്ചയ്ക്ക് 2.30 വരെ മാത്രമാണ് ബാലറ്റ് സമർപ്പിക്കാൻ സാധിക്കുക. ഒരാള്‍ക്ക് ഒരു ബാലറ്റ് മാത്രമാണ് സമർപ്പിക്കാൻ സാധിക്കുക. സൗജന്യമായി പങ്കെടുക്കാമെന്നത് ബാലറ്റിന്‍റെ സവിശേഷതയാണ്.
തിരഞ്ഞെടുക്കപ്പെടുന്നവർക്ക് ബ്രിട്ടനില്‍ രണ്ടു വര്‍ഷം വരെ താമസിക്കാനും ജോലി ചെയ്യാനും അവസരമുണ്ടാകും. നറുക്കെടുപ്പിലൂടെ 3000 പേര്‍ക്ക് വീസ നല്‍കും. അടുത്ത രണ്ടു ദിവസത്തിനുള്ളിൽ നറുക്കെടുപ്പിലൂടെയുള്ള തിരഞ്ഞെടുപ്പ് നടക്കും. ശേഷിച്ചവ ജൂലൈയിലെ ബാലറ്റിലൂടെയായിരിക്കും നൽകുക. നറുക്കെടുപ്പിൽ തിരഞ്ഞെടുക്കപ്പെടുന്നവർക്ക് വീസയ്ക്ക് അപേക്ഷിക്കാന്‍ നിർദേശിച്ചുള്ള ബ്രിട്ടീഷ് ഹൈക്കമ്മീഷന്‍റെ ഇമെയിൽ ലഭിക്കും. ഈ ഇമെയിൽ ലഭിച്ച് വീസ ആപ്ലിക്കേഷന്‍ ഫീസ്, ഇമിഗ്രേഷന്‍ ഹെല്‍ത്ത് സര്‍ചാര്‍ജ് തുടങ്ങി മറ്റ് ഫീസുകള്‍ ഉൾപ്പെടെ 90 ദിവസത്തിനകം ഓണ്‍ലൈനില്‍ വീസ അപേക്ഷ പൂർത്തിയാക്കണം.
അന്വേഷണം വാർത്തകൾ വാട്ട്സപ്പിൽ ലഭിക്കാൻ ഇവിടെ ക്ലിക്ക് ചെയ്യൂ
