അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.റാഞ്ചി: ഇംഗ്ലണ്ടിനെതിരായ നാലാം ക്രിക്കറ്റ് ടെസ്റ്റിനുള്ള ടീമില്‍ പേസര്‍ ജസ്പ്രീത് ബുംറ കളിക്കില്ല. വിശ്രമം അനിവാര്യമായതിനെ തുടർന്നാണ് താരത്തെ പിൻവലിക്കുന്നതെന്ന് ബി.സി.സി.ഐ വ്യക്തമാക്കി. പകരം രണ്ടാം ടെസ്റ്റിൽ കളിച്ച മുകേഷ് കുമാർ തിരികെയത്തും.
അതേസമയം, ഒന്നാം ടെസ്റ്റിന് ശേഷം പരിക്കേറ്റ് പിന്മാറിയിരുന്ന കെ.എൽ.രാഹുൽ നാലാം ടെസ്റ്റിനും ഇറങ്ങില്ല. ഫിറ്റ്നസ് വീണ്ടെടുക്കാത്തതിനെ തുടർന്ന് താരത്തെ പരിഗണിച്ചില്ല. വെള്ളിയാഴ്ച റാഞ്ചിയിലാണ് മത്സരം. അഞ്ച് മത്സരങ്ങളടങ്ങിയ പരമ്പരയിൽ 2-1 ന് മുന്നിലാണ്. പരമ്പരയിലുടനീളം ഇന്ത്യയുടെ ബൗളിങ് നിരയെ നയിച്ച ബുംറയുടെ അധികഭാരം കണക്കിലെടുത്ത് മൂന്നാം ടെസ്റ്റിൽ തന്നെ വിശ്രമം അനുവദിക്കേണ്ടതായിരുന്നെന്നും അത് കഴിയാത്തതിനാലാണ് നാലാം ടെസ്റ്റിൽ നിന്ന് പിൻവലിക്കുന്നതെന്ന് ബി.സി.സി.ഐ വൃത്തങ്ങൾ സൂചിപ്പിച്ചു.
ഈ ടെസ്റ്റ് പരമ്പരയിൽ മൂന്ന് മത്സരങ്ങളിൽ നിന്ന് 17 വിക്കറ്റുമായി ഒന്നാം സ്ഥാനത്താണ് ബുംറ. പരമ്പരയിലെ പ്രകടനത്തെ തുടർന്ന് ലോക ടെസ്റ്റ് റാങ്കിങിൽ ഒന്നാം സ്ഥാനത്തേക്ക് ഉയർന്നിരുന്നു ബുംറ. മാർച്ച് ഏഴിന് ധർമശാലയിൽ നടക്കുന്ന അഞ്ചാമത്തെ ടെസ്റ്റിൽ ബുംറ തിരിച്ചെത്തിയേക്കും.
Read more :
- ‘മോദിയുടെ ഗ്യാരൻ്റിയിൽ ‘ ജാതീയത; സൂരേന്ദ്രൻ്റെ പദയാത്ര വിവാദത്തിൽ; ബഹിഷ്ക്കരിച്ച് ബിഡിജെഎസ്
- രക്തരൂക്ഷിതമായ ചരിത്രം പറയുന്ന മാതൃഭാഷാ ദിനം; ഹിന്ദുത്വ ഭാഷാ ദേശീയതയുടെ കാലത്ത് ഫെബ്രുവരി 21ൻ്റെ പ്രസക്തി
- ഭക്ഷണത്തിന് വരിനിന്നവർക്ക് നേരെ ഇസ്രായേൽ വെടിവെപ്പ്
- കർഷകർ ‘ദില്ലി ചലോ’ മാർച്ചുമായി ഇന്നു വീണ്ടും മുന്നോട്ട്
- അന്താരാഷ്ട്ര കോടതിയിൽ ഇസ്രായേലിനെതിരെ രൂക്ഷ വിമർശനങ്ങൾ ഉന്നയിച്ച് രാജ്യങ്ങൾ
