അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ചെന്നൈ: തെന്നിന്ത്യന് ചലച്ചിത്ര താരം തൃഷ കൃഷ്ണനെതിരെ വീണ്ടും അപകീര്ത്തി പരാമര്ശം. അടുത്തിടെ പുറത്താക്കപ്പെട്ട എഐഎഡിഎംകെയുടെ സേലം വെസ്റ്റ് യൂണിയന് സെക്രട്ടറി എവി രാജുവാണ് നടിയെ രാഷ്ട്രീയ നേതാക്കളുമായി ചേര്ത്തുവെച്ച് അപകീര്ത്തിപരമായ പരമാര്ശം നടത്തിയത്.
എഐഎഡിഎംകെയുടെ എം.എല്.എ മാരും പാര്ട്ടിയുമായി ബന്ധപ്പെട്ട വിഷയത്തില് തൃഷയുടെ പേര് വലിച്ചിഴച്ച് എ.വി രാജു സംസാരിച്ചു. ഈ ദൃശ്യങ്ങള് സോഷ്യല് മീഡിയയില് വൈറലാവുകയും ചെയ്തു.
ജയലളിതയുടെ മരണത്തിന് തൊട്ടുപിന്നാലെ ഭരണം കയ്യാളുന്ന വികെ ശശികലയുടെ കീഴിലുള്ള എഐഎഡിഎംകെ നേതൃത്വം വിമത നേതാവ് ഒ പനീര്ശെല്വത്തിനൊപ്പം എംഎല്എമാര് പോകില്ലെന്ന് ഉറപ്പാക്കാന് നിരവധി ഇടപെടലുകള് നടത്തിയെന്ന് എ വി രാജു ആരോപിച്ചു. ചെന്നൈ കൂവത്തൂരിലെ ബീച്ച് സൈഡ് റിസോര്ട്ടില് തങ്ങളുടെ എംഎല്എമാരെ ഒരുമിച്ച് നിര്ത്താനുള്ള എഐഎഡിഎംകെയുടെ ശ്രമങ്ങളുമായി ഭാഗമായി ഒരു എംഎല്എ ആവശ്യപ്പെട്ട പ്രകാരം തൃഷയെ റിസോര്ട്ടില് എത്തിച്ചു എന്നായിരുന്നു എവി രാജുവിന്റെ പരാമര്ശം.
തൃഷയെ വളരെ മോശമായി ചിത്രീകരിച്ച എ.വി രാജുവിനെതിരേ കടുത്ത നിയമനടപടികള് സ്വീകരിക്കണമെന്നും ആവശ്യമുയര്ന്നിരിക്കുകയാണ്. അതിനിടെയാണ് തൃഷ തന്നെ പ്രതികരണവുമായി രംഗത്ത് വന്നത്.
സമൂഹത്തിന്റെ ശ്രദ്ധ പിടിച്ചുപറ്റുന്നതിന് ഏത് തലത്തിലേക്കും തരംതാഴുന്ന നിന്ദ്യമായ ചിന്താഗതിയുള്ള മനുഷ്യരെ കാണുമ്പോള് അറപ്പുളവാകുന്നു. എ.വി രാജുവിനെതിരേ നിയമപരമായ നടപടികള് സ്വീകരിക്കുമെന്നും തൃഷ കൂട്ടിച്ചേര്ത്തു.
Read more :
- മധ്യപ്രദേശ് പിസിസി അധ്യക്ഷൻ വിളിച്ച യോഗത്തില് പങ്കെടുത്ത് കമല്നാഥ് : ബി.ജെ.പിയിലേക്കില്ല
- ഗസ്സയില് താല്ക്കാലിക വെടിനിര്ത്തല് ആവശ്യപ്പെട്ട് യു.എന്നില് പ്രമേയം അവതരിപ്പിക്കാൻ അമേരിക്ക
- വനിതാ മാധ്യമപ്രവര്ത്തകയെ തെറി വിളിച്ചതിന് ബി.ജെ.പി നേതാവും,നടനുമായ എസ്.വി ശേഖറിന് തടവും പിഴയും
- അനധികൃത സ്വത്ത് സമ്പാദനക്കേസിൽ ജയലളിതയുടെ സ്വർണ, വജ്ര ആഭരണങ്ങൾ തമിഴ്നാടിനു മാർച്ചിൽ കൈമാറണമെന്ന് കർണാടക കോടതി
- മറാത്ത സംവരണ ബില് ഐക്യകണ്ഠേന പാസാക്കി മഹാരാഷ്ട്ര നിയമസഭ : സർക്കാർ ജോലിക്കും വിദ്യാഭ്യാസത്തിനും 10% സംവരണം
