അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
വയനാട്: വയനാട്ടിൽ വന്യജീവി ശല്യം പരിഹരിക്കാനുള്ള നിര്ദേശങ്ങൾ മുന്നോട്ടുവച്ച് മന്ത്രിമാരുടെ നേതൃത്വത്തിൽ ചേര്ന്ന തദ്ദേശ ജനപ്രതിനിധികളുടെ യോഗം. വനം, റവന്യു, തദ്ദേശ മന്ത്രിമാരുടെ നേതൃത്വത്തിലാണ് വയനാട്ടിൽ യോഗം ചേർന്നത്.
വന്യജീവി ആക്രമണങ്ങളിൽ പരിക്കേൽക്കുന്നവര്ക്ക് സ്വകാര്യ ആശുപത്രിയിലടക്കം ചികിത്സയ്ക്ക് ചെലവാകുന്ന തുക സംസ്ഥാനം വഹിക്കുമെന്ന് മന്ത്രിമാര് യോഗത്തിൽ ഉറപ്പുനൽകി.
കൂടാതെ, കളക്ടറുടെ ഏകോപനത്തിൽ, വന്യജീവി ആക്രമണം തടയുന്നതിന്റെ ഭാഗമായി ഉദ്യോഗസ്ഥരും ജനപ്രതിനിധികളും ഉൾപ്പെടുന്ന ജനകീയ സമിതി രൂപീകരിക്കാനും തീരുമാനമായി. രണ്ടാഴ്ച കൂടുമ്പോൾ യോഗം ചേര്ന്ന് സ്ഥിതി വിലയിരുത്തും.
അതേസമയം വയനാട്ടിലെ വിഷയം ജനങ്ങളുടെ ജീവല്പ്രശ്നമാണെന്നും അതില് രാഷ്ട്രീയം കലർത്തരുതെന്നും മന്ത്രി കെ രാജൻ ആവശ്യപ്പെട്ടു. വനമേഖലയില് കൂടുതല് ഡ്രോണുകളെ വിന്യസിച്ച് നിരീക്ഷണം തുടരുമെന്ന് തദ്ദേശ വകുപ്പ് മന്ത്രി പറഞ്ഞു. അതിർത്തി മേഖലയില് 13 പട്രോളിംഗ് സ്ക്വാഡുകളെ നിയോഗിച്ചതായും വനമേഖലയില് 250 പുതിയ നിരീക്ഷണ ക്യാമറകള് സ്ഥാപിക്കാൻ ഇതിനോടകം നടപടി തുടങ്ങിയതായും മന്ത്രി പറഞ്ഞു. വയനാട്ടിലെ നിലവിലെ സാഹചര്യം നേരിടാൻ 13 കോടി രൂപ അനുവദിച്ചുവെന്ന് തദ്ദേശ വകുപ്പ് മന്ത്രി എം ബി രാജേഷും പറഞ്ഞു.
വന്യജീവി ആക്രമണത്തിന് ഇരയായവർക്ക് നഷ്ടപരിഹാര വിതരണം, വന്യജീവി രക്ഷാപ്രവർത്തനങ്ങൾ, ആദിവാസികൾക്കും വാച്ചർമാർക്കും ഇൻഷ്വറൻസ്, മൃഗ സംഘർഷ ലഘൂകരണ മാർഗങ്ങൾ ഉറപ്പാക്കൽ തുടങ്ങിയ കാര്യങ്ങൾക്കായി നേരത്തെ 19.9 കോടി രൂപ നൽകിയിരുന്നു. ഈവർഷം ആകെ 32.9 കോടി രൂപയാണ് അനുവദിച്ചത്.
Read more :
- മധ്യപ്രദേശ് പിസിസി അധ്യക്ഷൻ വിളിച്ച യോഗത്തില് പങ്കെടുത്ത് കമല്നാഥ് : ബി.ജെ.പിയിലേക്കില്ല
- ഗസ്സയില് താല്ക്കാലിക വെടിനിര്ത്തല് ആവശ്യപ്പെട്ട് യു.എന്നില് പ്രമേയം അവതരിപ്പിക്കാൻ അമേരിക്ക
- വനിതാ മാധ്യമപ്രവര്ത്തകയെ തെറി വിളിച്ചതിന് ബി.ജെ.പി നേതാവും,നടനുമായ എസ്.വി ശേഖറിന് തടവും പിഴയും
- അനധികൃത സ്വത്ത് സമ്പാദനക്കേസിൽ ജയലളിതയുടെ സ്വർണ, വജ്ര ആഭരണങ്ങൾ തമിഴ്നാടിനു മാർച്ചിൽ കൈമാറണമെന്ന് കർണാടക കോടതി
- മറാത്ത സംവരണ ബില് ഐക്യകണ്ഠേന പാസാക്കി മഹാരാഷ്ട്ര നിയമസഭ : സർക്കാർ ജോലിക്കും വിദ്യാഭ്യാസത്തിനും 10% സംവരണം
