അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കൊല്ലം:മാനവ വിഭവ ശേഷി വികസിപ്പിക്കുന്നതിലൂടെ മാത്രമേ വളരെ ശക്തമായ ഒരു സാമ്പത്തികാന്തരീക്ഷം നമ്മുടെ സംസ്ഥാനത്ത് ഉണ്ടാക്കുവാൻ സാധിക്കുകയുള്ളൂവെന്ന് ധനമന്ത്രി കെ. എൻ.ബാലഗോപാൽ. യു.എസ് നികുതി രംഗത്തെ തൊഴിൽ അവസരങ്ങളെ കുറിച്ച അവബോധം സൃഷ്ടിക്കുന്നതിനുള്ള അസാപ് കേരളയും ടികെഎം ഗ്രൂപ്പ് ഓഫ് ഇൻസ്റ്റിറ്റൂഷൻസും സംയുക്തമായി സംഘടിപ്പിച്ച അന്താരാഷ്ട്ര കോണ്ക്ലേവ് ടി.കെ.എം എഞ്ചിനയറിംഗ് കോളേജിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ആഗോളപരമായി ഉണ്ടാകുന്ന മാറ്റങ്ങൾ സാങ്കേതികമായി മാറിക്കൊണ്ടിരിക്കുകയാണ് അതിനനുസരിച്ച നമ്മുടെ വിദ്യാഭ്യാസവും മാറേണ്ടതുണ്ടെന്നും അഭിപ്രായപ്പെട്ടു. എൻറോൾഡ് ഏജന്റ് (ഇ.എ.) എന്ന ഈ കോഴ്സിലൂടെ നാട്ടിൽ തന്നെ മികച്ച ശമ്പളത്തോടെ ചെറുപ്പക്കാർക്ക് ജോലി ചെയ്യാൻ സാഹചര്യം ഒരുക്കുക എന്നതാണ് ഈ കോഴ്സിലൂടെ സർക്കാർ ലക്ഷ്യമിടുന്നത്.
മാറുന്ന കാലത്തിനനുസരിച്ച് കോഴ്സുകളും വിദ്യാഭ്യാസ രീതികളും മാറുന്നതോടെ ചെറുപ്പക്കാർക്ക് നാട്ടിൽ ഇരുന്നുകൊണ്ടുതന്നെ മികച്ച ശമ്പളത്തോടെ ആഗോള ജോലികൾ ചെയ്യാവുന്നതാണ്.അതിനുള്ള ആദ്യ ശ്രമമാണെന്നും അദ്ദേഹം കൂട്ടിച്ചേർത്തു.
യുഎസ് നികുതി മേഖലയുമായി ബന്ധപ്പെട്ട് കേരളത്തില് വര്ധിച്ചു വരുന്ന തൊഴിലവസരങ്ങള് പ്രയോജനപ്പെടുത്തുന്നതിന് യോഗ്യരായ യുവജനങ്ങളെ ഒരുക്കുകയാണ് അസാപ് കേരള ഇത്തരമൊരു കോഴ്സിലൂടെ ലക്ഷ്യമിടുന്നത്. നിരവധി അവസരങ്ങളുള്ള എൻറോൾഡ് ഏജന്റ് (ഇ.എ.) യോഗ്യത നേടുന്നതിനുള്ള പരിശീലനം അസാപ് കേരളത്തില് വിജയകരമായി സംഘടിപ്പിച്ചു വരുന്നുണ്ട്.
പരിശീലനത്തോടൊപ്പം ജോലി ഉറപ്പും ലഭിക്കുന്ന ഇ.എ. കോഴ്സിന് മികച്ച പ്രതികരണമാണ് ലഭിക്കുന്നത്. കേരളത്തില് പ്രവര്ത്തിക്കുന്ന യുഎസ് ബഹുരാഷ്ട്ര കമ്പനികളില് ആയിരക്കണക്കിന് തൊഴിലവസരങ്ങളാണ് ഇ.എ. യോഗ്യതയുള്ളവര്ക്ക് ഉള്ളത്. നിലവില് 3000-ഓളം പേര്ക്ക് ജോലി നല്കാന് വിവിധ കമ്പനികള് അസാപ് കേരളയുമായി ധാരണയിലെത്തിയിട്ടുണ്ടെന്ന് അധ്യക്ഷ പ്രസംഗത്തിൽ ഇരവിപുരം എം.എൽ.എ എം നൗഷാദ് പറഞ്ഞു.
ചടങ്ങിൽ അസാപ് കേരള സി എംഡി ഡോ. ഉഷ ടൈറ്റസ് മുഖ്യ പ്രഭാഷണം നടത്തി. ടി കെ എം ഗ്രൂപ്പ് ഓഫ് ഇൻസ്റ്റിറ്റ്യൂഷൻസ് എക്സിക്യൂട്ടീവ് ഡയറക്ടർ ഡോ. എസ്. ആയൂബ്, അമേരിക്കൻ നികുതി, അക്കൗണ്ടിങ് രംഗത്തെ പ്രമുഖ പരിശീലന സ്ഥാപനമായ ആയ സെർജന്റ് ഗ്രൂപ്പ് എക്സിക്യൂട്ടീവ് വൈസ് പ്രസിഡന്റ് എലിസബത്ത് കോലാർ, സ്ട്രാറ്റജിക് പാർട്ണർഷിപ്സ് സീനിയർ ഡയറക്ടർ ഷോൻ മുള്ളെൻ, ടി കെ എം കോളേജ് ട്രസ്റ്റ് ചെയർമാൻ ജനാബ് ഷഹൽ ഹസ്സൻ മുസലിയാർ, സ്റ്റാർട്ടപ്പ് മിഷൻ സിഇഒ അനൂപ് അംബിക, കെ പി എം ജി ഗ്ലോബൽ സർവീസസ് ഡയറക്ടർ രമേശ് നായർ, ഇവൈ എക്സിക്യൂട്ടീവ് ഡയറക്ടർ വിവേക് പിള്ള, എച്ച് & ആർ ബ്ലോക്ക് ഇന്ത്യയുടെ വൈസ് പ്രസിഡന്റും എംഡിയുമായ ഹരിപ്രസാദ് കൃഷ്ണ പിള്ള, ഡയറക്ടർ അൻഷു ജെയ്ൻ, ഗ്രേറ്റ് അഫിനിറ്റി അനീഷ് എൻ, ടി കെ എം ആർട്ട്സ് കോളേജ് പ്രിൻസിപ്പൽ ഡോ ചിത്രാ ഗോപിനാഥ്, കെ പി എം ജി എച്ച്ആർ അസ്സോസിയേറ്റ് ഡയറക്ടർ ജെസ് വിൻ ജോസ്, എച്ച് ആൻഡ് ആർ ബ്ലോക്ക് എച്ച്ആർ ഹെഡ് മനോജ് ഇലഞ്ഞിക്കൽ, അസ്സോസിയേറ്റ് ഡയറക്ടർ അരുൺ നായർ തുടങ്ങിയവർ ചടങ്ങിൽ സംബന്ധിച്ചു.
Read more ….
- എസ്എഫ്ഐഒ ചെന്നൈ ഓഫിസിലെത്തി വീണ വിജയൻ; മൊഴി നല്കാനെന്ന് സൂചന
- മേരിയെ കണ്ടെത്താൻ ഡിവൈഎഫ്ഐയും; തെരച്ചിൽ നടത്താൻ എല്ലാ ഘടകങ്ങൾക്കും നിർദ്ദേശം
- ടിപി വധം: പ്രതികൾക്ക് തിരിച്ചടി: രണ്ട് പ്രതികളെ വെറുതേ വിട്ടതും കോടതി റദ്ദാക്കി
- മദ്യനയ കേസിൽ ഇ.ഡിയുടെ ആറാമത്തെ സമൻസും അവഗണിച്ച് അരവിന്ദ് കെജ്രിവാൾ
- പുരുഷന്മാരിൽ പ്രോസ്റ്റേറ്റ് ക്യാൻസര് കൂടുന്നു: ഇവ നിങ്ങൾ ശ്രദ്ധിക്കാതെ പോകരുത്
അന്താരാഷ്ട്രാ കോൺക്ലേവിന്റെ ഭാഗമായി ടി കെ എം ആർട്സ് ആൻഡ് സയൻസ് കോളേജിൽ നടന്ന പാനൽ ഡിസ്കഷനിൽ വിദ്യാർത്ഥികൾക്കായി വിദഗ്ധർ തങ്ങളുടെ അനുഭവങ്ങൾ പങ്ക് വെയ്ക്കുകയും, വിദ്യാർത്ഥികളുടെ സംശയങ്ങൾക്ക് മറുപടി നൽകുകയും ചെയ്തു. കൊല്ലം തിരുവനന്തപുരം ആലപ്പുഴ ജില്ലകളിലായി ആയിരത്തിലധികം വിദ്യാർഥികൾ പങ്കെടുത്ത കോൺക്ലേവ് കൊമേഴ്സ് മേഖലയിലെ അവസരങ്ങൾ തുറന്ന് കാട്ടുന്നതായി മാറി.
