അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
താമരശ്ശേരി: വന്യജീവി ആക്രമണം കാരണം മലയോര ജനത അനുഭവിക്കുന്ന ബുദ്ധിമുട്ടുകള് അവഗണിക്കുന്ന സര്ക്കാര് നിലപാടിനെതിരെ എല്ലാ ഇടവകകളിലും പ്രതിഷേധജ്വാല സംഘടിപ്പിക്കാന് ആഹ്വാനം ചെയ്ത് താമരശ്ശേരി രൂപത. ഇക്കാര്യം ആവശ്യപ്പെട്ടുകൊണ്ട് താമരശ്ശേരി രൂപതാ മെത്രാന് മാര് റെമീജിയോസ് ഇഞ്ചനാനിയില് സര്ക്കുലര് പുറത്തിറക്കി. സര്ക്കുലര് ഞായറാഴ്ച പള്ളികളില് വായിക്കും.
സര്ക്കാരിന്റേത് ക്രൂരമായ സമീപനമാണ്. വനംവകുപ്പിന്റെ നിഷ്ക്രിയത്വവും അനാസ്ഥയും മൂലം ദുരന്തങ്ങള് ആവര്ത്തിക്കുന്നു. ഹൃസ്വ-ദീര്ഘകാല അടിസ്ഥാനത്തിലുള്ള പദ്ധതികള് നടപ്പിലാക്കിയില്ല. ജന്മാവകാശത്തെ ഇല്ലാതാക്കുന്നുവെന്നും രൂപത സര്ക്കുലറിലൂടെ ആരോപിച്ചു.
കര്ഷക കോണ്ഗ്രസിന്റെയും ഇന്ഫാമിന്റെയും നേതൃത്വത്തിലും നാളെ പ്രതിഷേധം നടക്കും. പോളിന്റെ മരണത്തോടെ വയനാട്ടില് ശക്തമായ ജനരോഷം സംഘര്ഷത്തില് കലാശിച്ചിരുന്നു. സമരക്കാര്ക്ക് നേരെ പൊലീസ് ലാത്തിച്ചാര്ജ് നടത്തി. അനുനയ ശ്രമങ്ങള്ക്കൊടുവിലും പ്രതിഷേധക്കാര് പിരിഞ്ഞുപോകാന് തയ്യാറായില്ല. തുടര്ന്നാണ് അവരെ പൊലീസ് അടിച്ചോടിച്ചത്. ശക്തമായ പ്രതിഷേധം തുടരുകയാണ്. സമരക്കാര്ക്കും പൊലീസുകാര്ക്കും സംഘര്ഷത്തില് പരിക്കേറ്റിട്ടുണ്ട്.
അതേസമയം, വന്യമൃഗ ശല്യങ്ങളിൽ കർഷകരുടെ പ്രതിഷേധം സർക്കാർ കേൾക്കുന്നില്ലെന്നും വാച്ചർ പോളിന്റെ മരണത്തിൽ വീഴ്ച സംഭവിച്ചുവെന്നും ബിഷപ്പ് ജോസഫ് പാംപ്ലാനി ആരോപിച്ചു. എയർ ആംബുലൻസ് സൗകര്യം ഒരുക്കിയില്ല. സാധാരണ മനുഷ്യന്റെ ജീവന് സർക്കാർ നൽകുന്ന വിലയുടെ സൂചനയാണിത്. പ്രതിഷേധങ്ങൾക്ക് യാതൊരു വിലയും സർക്കാർ നൽകുന്നില്ലെന്നും സർക്കാരിന്റെ കർഷകദ്രോഹ സമീപനം തിരഞ്ഞെടുപ്പിൽ പ്രതിഫലിക്കുമെന്നും അദ്ദേഹം ആഞ്ഞടിച്ചു.
Read more ….
- സിഎംആർഎല്ലിനെ സഹായിക്കാനുള്ള മുഖ്യമന്ത്രിയുടെ ആസൂത്രണമാണ് തോട്ടപ്പള്ളി ഖനനം: മാത്യു കുഴൽനാടൻ
- അനന്തതയെ തേടി – ഗീതാ ചന്ദ്രൻ്റെ ഭരതനാട്യം
- ഒടുവിൽ അവർ ഒന്നാകുന്നു: വിവാഹ ഒരുക്കങ്ങൾക്ക് തുടക്കമിട്ട് റോബിനും ആരതിയും| Robin Radhakrishnan&Arathi Podi
- Idichakka thoran | ചക്കകാലം ആല്ലേ, ഒരു ഇടിച്ചക്ക തോരൻ ഉണ്ടാക്കിയാലോ?
- എറണാകുളത്ത് സിപിഎമ്മിൻ്റെ സസ്പെൻസ് ത്രില്ലർ; ആശയക്കുഴപ്പമൊഴിയാതെ ആലത്തൂരും, ചാലക്കുടിയും
