തൈര് പലർക്കും ഇഷ്ട്ടപ്പെട്ട ഒന്നാണ്. തൈരിനു പല ഗുണങ്ങൾ ഉണ്ട്. എന്നാൽ തൈര് വേണ്ട വിധം കഴിച്ചില്ലെങ്കിൽ ദോഷകരമായി ബാധിക്കുകയും ചെയ്യും
തൈര് കഴിച്ചാൽ ലഭിക്കുന്ന ഗുണങ്ങൾ
ഉച്ചയ്ക്ക് കഴിച്ചാല്‍
നമ്മള്‍ അത്യാവശ്യം ഹെവിയായി ആഹാരം കഴിക്കുന്ന സമയം ഏതാണെന്ന് ചോദിച്ചാല്‍ അത് ഉച്ച സമയമാണ്. ഉച്ചയ്ക്ക് നിരവധി കറികളും ചേര്‍ത്താണ് നമ്മള്‍ ചോറ് കഴിക്കുന്നത്. വളരെ ചുരുക്കം ആളുകള്‍ മാത്രമാണ് ഉച്ചയ്ക്ക് ചപ്പാത്തി കഴിക്കുക. അല്ലാത്തവരെല്ലാം തന്നെ മിക്കവരും ചോറ് കഴിക്കുന്നു. ഇത്തരത്തില്‍ ചോറ് നല്ലപോലെ കറികളും ചേര്‍ത്ത് കഴിക്കുമ്പോള്‍ നമ്മളുടെ വയറും ഹെവിയാകുന്നു.
ഇത് ദഹിക്കാന്‍ ചിലപ്പോള്‍ അത്യാവശ്യം നല്ലപോലെ സമയം എടുക്കാം. ചിലപ്പോള്‍ ഇതിനിടയില്‍ പലര്‍ക്കും ദഹന പ്രശ്‌നങ്ങളും വരും. പ്രത്യേകിച്ച് ആഹാരം കഴിക്കുന്നതിനിടയില്‍ അമിതമായി വെള്ളം കുടിക്കുന്നത് മൂലവും അതുപോലെ, ആഹാരം കഴിച്ച ഉടനെ തന്നെ കിടക്കാന്‍ പോകുന്നതുമെല്ലാം ദഹന പ്രശ്‌നങ്ങള്‍ വരുന്നതിന് കാരണമാകുന്നു.
അതിനാല്‍, ഇത്തരം ബുദ്ധിമുട്ടുകള്‍ ഒഴിവാക്കാന്‍ ആഹാരത്തിന്റെ കൂടെ തൈര് ചേര്‍ത്താല്‍ മതി. കാരണം, തൈരില്‍ പ്രോബയോട്ടിക്കുകള്‍ അടങ്ങിയിരിക്കുന്നു.ഇത് ദഹനം നടക്കാനും ദഹന പ്രശ്‌നങ്ങള്‍ ഒഴിവാക്കാനും സഹായിക്കുന്നുണ്ട്.
മറ്റ് ഗുണങ്ങള്‍
തൈര് ആഹാരത്തില്‍ ചേര്‍ക്കുന്നതിലൂടെ നിരവധി ഗുണങ്ങള്‍ നമ്മള്‍ക്ക് ലഭിക്കുന്നുണ്ട്. നമ്മളുടെ രോഗപ്രതിരോധശേഷി വര്‍ദ്ധിപ്പിക്കാന്‍ തൈര് കഴിക്കുന്നത് നല്ലതാണ്. തൈര് കൃത്യമായ രീതിയില്‍ നിങ്ങള്‍ ആഹാരത്തില്‍ ചേര്‍ത്താല്‍ നിങ്ങള്‍ക്ക് ശരീരഭാരം കുറയ്ക്കാന്‍ സാധിക്കുന്നതാണ്. കാരണം, ഇത് സ്‌ട്രെസ്സ് ഹോര്‍മേണ്‍ ആയ കോര്‍ട്ടിസോള്‍ കുറയ്ക്കാന്‍ സഹായിക്കും. അതിനാല്‍ തന്നെ അമിതവണ്ണം വരാനുള്ള സാധ്യത ഇത് കുറയ്ക്കുന്നുണ്ട്.
കൂടാതെ, സൂക്ഷ്മാണുക്കളില്‍ നിന്നും ആരോഗ്യത്തെ സംരക്ഷിക്കുന്നതിനാല്‍ ഇവ നമ്മളുടെ രോഗപ്രതിരോധശേഷി വര്‍ദ്ധിപ്പിക്കാനും സഹായിക്കുന്നുണ്ട്. അതുപോലെ തന്നെ യോനീഭാഗത്തെ അണുബാധ കുറയക്കാന്‍ തൈര് കഴിക്കുന്നത് നല്ലതാണ്.
കഴിക്കാന്‍ പാടില്ലാത്തവര്‍
തൈര് അമിതമായി കഴിച്ചാല്‍ പലരിലും അലര്‍ജി പ്രശ്‌നങ്ങള്‍ വരാറുണ്ട്. ചിലര്‍ക്ക് തുമ്മല്‍, കഫക്കെട്ട് എന്നിങ്ങനെയുള്ള ആരോഗ്യ പ്രശ്‌നങ്ങള്‍ വരാം. അതിനാല്‍, ഇത്തര്തതില്‍ അലര്‍ജി പ്രശ്‌നങ്ങള്‍ അമിതമായിട്ടുള്ള വ്യക്തിയാണ് നിങ്ങള്‍ എങ്കില്‍ തൈര് അമിതമായി കഴിക്കാതിരിക്കുന്നതാണ് നല്ലത്. അതുപോലെ തൈര് രാത്രിയില്‍ കഴിക്കാരുത്. ചിലപ്പോള്‍ കഴിച്ച ആഹാരങ്ങള്‍ പുളിച്ച് തേട്ടി വരാനുള്ള സാധ്യതകളും കൂടുതലാണ്.
അതുപോലെ തന്നെ നിങ്ങള്‍ക്ക് ലാക്ടോസ് ഇന്‍ടോളറന്‍സ് ഉണ്ടെങ്കില്‍, തൈര് കഴിക്കരുത്. തൈര് കഴിച്ചാല്‍ വയര്‍ ചീര്‍ക്കല്‍, അസിഡിറ്റി എന്നീ പ്രശ്‌നങ്ങള്‍ വരുന്നതിനും ഇത് കാരണമാകുന്നു. അതുപോലെ തന്നെ തൈര് മിതമായ അളവില്‍ മാത്രം കഴിക്കാന്‍ ശ്രദ്ധിക്കുക.
അമിതമായി തൈര് കഴിച്ചാല്‍ ചിലപ്പോള്‍ വയറിളക്കം പോലെയുള്ള ആരോഗ്യ പ്രശ്‌നങ്ങള്‍ വരുന്നതിന് ഇത് കാരണമാകുന്നു. അതിനാല്‍ മിതമായി മാത്രം കഴിക്കുക.
അതുപോലെ തന്നെ ചിലര്‍ തൈരില്‍ പഴങ്ങള്‍ ചേര്‍ത്ത് കഴിക്കുന്നത് കാണാം. ഇത്തരത്തില്‍ പഴങ്ങള്‍ ചേര്‍ക്കുന്നത് പ്രത്യേകിത്ത് സിട്രസ്സ് പഴങ്ങള്‍ ചേര്‍ക്കുന്നത് അസിഡിറ്റി വര്‍ദ്ധിക്കുന്നതിന് കാരണമാണ്. അതിനാല്‍, ഇത്തരം കോമ്പിനേഷന്‍ ഒഴിവാക്കാവുന്നതാണ്.
അതുപോലെ തന്നെ പാലും തൈരും ഒരിക്കലും കഴിക്കരുത്. അതുപോലെ തന്നെ ഇലക്കറികളുടെ കൂടെ തൈര് കഴിക്കരുത് എന്നാണ് പറയുന്നത്. കാരണം, ഇലക്കറികളിലെ പോഷകങ്ങള്‍ വലിച്ചെടുക്കാന്‍ ഇത് തടസ്സമാകുന്നു.