ആനയെ ഇന്ന് മയക്കുവെടിവയ്ക്കില്ല; വെളിച്ചക്കുറവ് തടസമെന്ന് വനംവകുപ്പ്, പ്രദേശത്ത് ജാഗ്രതാ നിർദേശം

വയനാട്: മാനന്തവാടിയിലിറങ്ങിയ കാട്ടാനയെ ഇന്ന് മയക്കുവെടിവെക്കില്ല. വെളിച്ചക്കുറവ് തടസമെന്ന് വനംവകുപ്പ്. ദൗത്യത്തിനായി നാല് കുംകിയാനകൾ സ്ഥലത്തെത്തിയിട്ടുണ്ട്. മല കയറിയ ആന വീണ്ടും ജനവാസമേഖലയിലാണുള്ളത്.

ചാ​ലി​ഗ​ദ്ദ​യി​ൽ​നി​ന്നു റേ​ഡി​യോ കോ​ള​ർ സി​ഗ്ന​ൽ കി​ട്ടി​ത്തു​ട​ങ്ങി​യെ​ന്നും വ​നം​വ​കു​പ്പി​ന്‍റെ ആ​ന്‍റി​ന​യു​ടെ 150 മീ​റ്റ​ർ പ​രി​ധി​യി​ൽ ആ​ന​യു​ണ്ടെ​ന്നും യു​വാ​വി​നെ ആ​ക്ര​മി​ച്ച സ്ഥ​ല​ത്തി​നു സ​മീ​പ​മാ​ണ് ആ​ന നി​ല​വി​ലു​ള്ള​തെ​ന്നും വ​നം വ​കു​പ്പ് അ​ധി​കൃ​ത​ർ പ​റ​ഞ്ഞു. ആ​ന​യെ നി​രീ​ക്ഷി​ക്കാ​നാ​യി സ്ഥ​ല​ത്ത് കൂ​ടു​ത​ൽ വ​ന​വ​കു​പ്പ് ജീ​വ​ന​ക്കാ​രെ​യും നി​യോ​ഗി​ച്ചു.

നാട്ടുകാരുടെ വൻ പ്രതിഷേധത്തിന് പിറകെയാണ് ആനയെ മയക്കുവെടിവയക്കാനുള്ള ഉത്തരവിറക്കിയത്. ദൗത്യത്തിന് വിപുലമായ സംവിധാനമാണ് ഒരുക്കുന്നത്. കർണാടക വനംവകുപ്പും പങ്കാളികളാകും. പിടികൂടിയ ശേഷം ആനയെ മുത്തങ്ങ ക്യാമ്പിലേക്ക് മാറ്റും. പിന്നീട് ഉൾവനത്തിൽ തുറന്നുവിടാനുമാണ് ആലോചന.
 
ക​ര്‍​ണാ​ട​ക​യി​ല്‍​നി​ന്ന് പി​ടി​കൂ​ടി വ​ന​ത്തി​ൽ വി​ട്ട മോ​ഴ​യാ​ന​യാ​ണ് രാ​വി​ലെ മാ​ന​ന്ത​വാ​ടി​യി​ല്‍ എ​ത്തി​യ​ത്. ഹാ​സ​ന്‍ ഫോ​റ​സ്റ്റ് ഡി​വി​ഷ​നി​ലെ ബേ​ലൂ​രി​ല്‍ സ്ഥി​ര​മാ​യി വി​ള​ക​ള്‍ ന​ശി​പ്പി​ക്കു​ക​യും ജ​ന​വാ​സ​മേ​ഖ​ല​ക​ളി​ല്‍ ആ​ക്ര​മ​ണം ന​ട​ത്തു​ക​യും ചെ​യ്ത​തോ​ടെ 2023 ഒ​ക്‌​ടോ​ബ​ര്‍ 30നാ​ണ് ക​ര്‍​ണാ​ട​ക വ​നം​വ​കു​പ്പ് ബേ​ലൂ​ര്‍ മാ​ഗ്ന​യെ മ​യ​ക്കു​വെ​ടി​വ​ച്ച് പി​ടി​കൂ​ടി​യ​ത്.

തു​ട​ർ​ന്ന് റേ​ഡി​യോ കോ​ള​ര്‍ ഘ​ടി​പ്പി​ച്ച ശേ​ഷം കേ​ര​ള അ​തി​ര്‍​ത്തി​ക്കു സ​മീ​പ​ത്തു​ള്ള മൂ​ല​ഹ​ള്ളി വ​ന​മേ​ഖ​ല​യി​ല്‍ തു​റ​ന്നു​വി​ടു​ക​യാ​യി​രു​ന്നു.

ഇന്ന് രാവിലെ 7.30ന് ആണ് കർഷകനും ഡ്രൈവറുമായ അജീഷിനെ കാട്ടാന ചവിട്ടിക്കൊന്നത്. ആനയെ കണ്ട അജീഷ് അടുത്തുള്ള വീട്ടിലേക്ക് ഓടിക്കയറിയെങ്കിലും പിന്നാലെ എത്തിയ ആന ചവിട്ടിക്കൊല്ലുകയായിരുന്നു. വീട്ടിലുണ്ടായിരുന്നവർ തലനാരിഴയ്ക്കാണ് രക്ഷപ്പെട്ടത്. പിന്നാലെ കൊല്ലപ്പെട്ട കർഷകന്റെ മൃതദേഹവുമായി പ്രദേശവാസികൾ പ്രതിഷേധിച്ചതിനെ തുടർന്ന് വനംവകുപ്പാണ് ആനയെ മയക്കുവെടി വയ്ക്കാൻ ഉത്തരവിട്ടത്.

മരിച്ച അജീഷിന്‍റെ കുടുംബത്തിന് നഷ്ടപരിഹാരമായി 10 ലക്ഷംരൂപ തിങ്കളാഴ്ച തന്നെ നല്‍കാൻ തീരുമാനിച്ചിട്ടുണ്ടെന്ന് കലക്ടർ രേണു രാജ് മാധ്യമങ്ങളോട് പറഞ്ഞു. ഭാര്യയ്ക്ക് ജോലി നൽകണമെന്ന ആവശ്യവുമായി ബന്ധപ്പെട്ട് സർക്കാർ തലത്തിൽ സംസാരിച്ചിട്ടുണ്ട്. സ്ഥിരം ജോലിക്കുള്ള ശുപാർശ ഉടൻതന്നെ നൽകും. 10 ലക്ഷത്തിനു പുറമെ 40 ലക്ഷം കൂടി നൽകണമെന്ന ആവശ്യത്തിൽ അനുകൂല റിപ്പോർട്ട് നൽകുമെന്നും കലക്ടർ വ്യക്തമാക്കി.

Read more :

. 1. 4 ലക്ഷത്തിലധികം ഇലക്ട്രിക് ത്രീ-വീലറുകളുടെ വില്പനയുമായി മഹീന്ദ്ര ലാസ്റ്റ് മൈല്‍ മൊബിലിറ്റി ലിമിറ്റഡ് ഇന്ത്യയില്‍ ഒന്നാമത്

. പുതിയ കിയ സെൽറ്റോസിൻ്റെ ബുക്കിംഗുകൾ ഒരു ലക്ഷം കടന്നു.

. കാര്‍ ഹോസ്റ്റിങ് രംഗത്തെ പുനര്‍നിര്‍വചിക്കാന്‍ കാര്‍സ്24-സൂം കാര്‍ സഹകരണം

. രാജ്യത്ത് വൈദ്യുതവാഹനങ്ങളുടെ വില്പനയിൽ 49.25 ശതമാനം വര്‍ധനവ്

. നിരത്തുകളിൽ ചീറിപ്പായാൻ പുത്തൻ EV9 ഉടനെത്തുമെന്ന് കിയ