അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ന്യൂഡൽഹി: പാർലമെന്റിൽ ചോദ്യം ചോദിക്കാൻ പാരിതോഷികവും പണവും കൈപ്പറ്റിയെന്ന ആരോപണത്തിൽ ലോക്സഭയിൽനിന്നു പുറത്താക്കപ്പെട്ട തൃണമൂൽ കോൺഗ്രസ് നേതാവ് മഹുവ മൊയ്ത്രയ്ക്കെതിരെ സിബിഐ എഫ്ഐആർ റജിസ്റ്റർ ചെയ്തേക്കുമെന്ന് റിപ്പോർട്ട്. കേസിൽ എത്തിക്സ് കമ്മിറ്റി റിപ്പോർട്ടിന്റെ പകർപ്പ് ആവശ്യപ്പെട്ട് സിബിഐ ലോക്സഭാ സെക്രട്ടേറിയറ്റിന് കത്തയച്ചു. ലോക്പാല് നിര്ദേശപ്രകാരം സിബിഐ കേസിൽ അന്വേഷണം നടത്തുന്നുണ്ട്.
ലോക്സഭാ സെക്രട്ടേറിയറ്റുമായി ബന്ധപ്പെട്ട വൃത്തങ്ങൾ പറയുന്നതനുസരിച്ച്, എത്തിക്സ് കമ്മിറ്റി റിപ്പോർട്ട് ഇതുവരെ സിബിഐക്ക് നൽകിയിട്ടില്ല.
അന്വേഷണ റിപ്പോർട്ട് സിബിഐ ലോക്പാലിന് സമർപ്പിക്കുമെന്ന് പ്രതീക്ഷിക്കുന്നു. പാർലമെന്റിൽ ചോദ്യം ചോദിക്കാൻ പാരിതോഷികങ്ങളും പണവും കൈപ്പറ്റിയെന്ന പരാതിയിൽ കുറ്റക്കാരിയെന്ന് എത്തിക്സ് കമ്മിറ്റി കണ്ടെത്തിയതിന്റെ അടിസ്ഥാനത്തിൽ ഡിസംബർ എട്ടിനാണ് മഹുവയെ ലോക്സഭയിൽനിന്ന് പുറത്താക്കിയത്. ലോക്സഭയിൽനിന്നു പുറത്താക്കിയ നടപടി ചോദ്യം ചെയ്ത് മഹുവ സുപ്രീം കോടതിയെ സമീപിച്ചിട്ടുണ്ട്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
