അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സൗന്ദര്യത്തിന് പല വഴികളും പരീക്ഷിയ്ക്കുന്നവര്‍ ധാരാളമുണ്ട്. കൃത്രിമ വഴികള്‍ പരീക്ഷിയ്ക്കുന്നവര്‍ക്ക് ഇതുണ്ടാക്കുന്ന പല പ്രശ്‌നങ്ങളും നേരിടേണ്ടിയും വരും. ഇതല്ലാതെ തികച്ചും നാച്വറലായ വഴികളിലൂടെ സൗന്ദര്യസംരക്ഷണം സാധ്യമാണ്. ഇത്തരത്തിലെ ഒന്നാണ് പാലും ചന്ദനവുമെല്ലാം തന്നെ. ഇവ ഓരോന്ന് വീതം ഉപയോഗിച്ചാലും ഗുണമാണ്. ഇതിലേറെ ഗുണമാണ് ഇവ രണ്ടും കലര്‍ത്തി ഉപയോഗിയ്ക്കുന്നത്.
ചര്‍മത്തിന് സ്വാഭാവിക നിറം നല്‍കുന്ന ഒന്നാണ് ചന്ദനം പാലില്‍ കലര്‍ത്തി മുഖത്ത് പുരട്ടുന്നത്. അത് അല്‍പനാള്‍ അടുപ്പിച്ച് ചെയ്യുന്നത് ഗുണം നല്‍കും. ചന്ദനം ഒലീവ് ഓയിലില്‍ കലര്‍ത്തി പുരട്ടുന്നതും മുഖത്തിനു നിറം വര്‍ദ്ധിപ്പിയ്ക്കാന്‍ സഹായിക്കുന്ന ഒന്നാണ്. മുഖത്തെ ചുളിവുകള്‍ നീക്കാനും മുഖത്തിനു തിളക്കം നല്‍കാനുമെല്ലാം മികച്ച ഒന്നാണിത്. ഒലീവ് ഓയിലില്‍ അടങ്ങിയിരിയ്ക്കുന്ന നല്ല കൊഴുപ്പാണ് ഇതിന് സഹായിക്കുന്നത്. ചന്ദനം കൂടി ചേരുമ്പോള്‍ ഗുണം ഇരട്ടിയ്ക്കും.
മുഖത്തെ പിഗ്മെന്റേഷന്‍ പോലുളള കുത്തുകള്‍ നിറം മങ്ങാനും മായാനുമെല്ലാം ചന്ദനം, പാല്‍ മിശ്രിതം സഹായിക്കുന്നു.
മുഖത്തെ പിഗ്മെന്റേഷനും കറുത്ത പാടുകള്‍ക്കുമെല്ലാം ഇതേറെ നല്ലൊരു പരിഹാരമാണ്. പാലിലോ തേനിലോ കലര്‍ത്തി മുഖത്തു പുരട്ടാം. ഇത്തരം കുത്തുകളുടേയും പാടുകളുടേയുമെല്ലാം നിറം കുറഞ്ഞു വരും. മുഖക്കുരുവിന് ശമനം നല്‍കുന്ന ഒന്ന്കൂടിയാണ് ഈ പാല്‍-ചന്ദനം പ്രയോഗം. ചര്‍മത്തിലുണ്ടാകുന്ന അലര്‍ജി പ്രയോഗം മാറാനും ഇതേറെ നല്ലതാണ്.
ചര്‍മത്തിന് ചെറുപ്പം നല്‍കാനുള്ള സ്വാഭാവിക വഴിയാണ് ചന്ദനം, പാല്‍ മിശ്രിതം മുഖത്ത് പുരട്ടുന്നത്. . ഇത് ചര്‍മത്തിലെ ചുളിവുകളും വരകളുമെല്ലാം മായാന്‍ സഹായിക്കുന്നു. ചര്‍മത്തിന് സ്വാഭാവിഈര്‍പ്പവും തണുപ്പും നല്‍കാന്‍, ചര്‍മത്തിന് ഇലാസ്റ്റിസിറ്റി നല്‍കാന്‍ സഹായിക്കുന്ന ഒന്നാണ് പാല്‍-ചന്ദന മിശ്രിത പ്രയോഗം. ഇത് അടുപ്പിച്ച് അല്‍പനാള്‍ ചെയ്യുന്നത് ബോട്ടോക്‌സ് ഇഫക്ട് നല്‍കും.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
