അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഓസ്കര് പുരസ്‍കാരത്തിനുള്ള ചുരുക്കപ്പട്ടികയില്‍നിന്നും മലയാള ചിത്രം ‘2018’ പുറത്തായി. അക്കാദമി ഓഫ് മോഷൻ പിക്ചേഴ്സ് ആര്‍ട്സ് ആൻഡ് സയൻസ് പ്രഖ്യാപിച്ച ചുരുക്കപ്പട്ടികയില്‍ 88 സിനിമകളില്‍നിന്ന് 15 സിനിമകളാണ് ഇടം നേടിയത്.
ഝാര്‍ഖണ്ഡ് കൂട്ടബലാത്സംഗക്കേസ് ആസ്പദമാക്കിയ ‘ടു കില്‍ എ ടൈഗര്‍’ മികച്ച ഡോക്യുമെന്ററി വിഭാഗത്തിലെ ചുരുക്കപ്പട്ടികയിലേക്ക് തെരഞ്ഞെടുക്കപ്പെട്ടിട്ടുണ്ട്.
ജൂഡ് ആന്‍റണി ജോസഫ് സംവിധാനം ചെയ്ത ചിത്രം 2018ലെ കേരളത്തിലെ പ്രളയത്തെ അടിസ്ഥാനമാക്കിയായിരുന്നു. ടൊവിനൊ തോമസ്, ആസിഫ് അലി, കുഞ്ചാക്കോ ബോബൻ, നരെയ്ൻ, ലാല്‍, വിനീത് ശ്രീനിവാസൻ തുടങ്ങിയര്‍ പ്രധാന വേഷങ്ങളിലെത്തിയത്. 200 കോടി ക്ലബ്ബിലെത്തിയ മലയാള ചിത്രം കൂടിയാണ് ‘2018’. അന്യഭാഷകളിലും ചിത്രത്തിന് മികച്ച പ്രതികരണം ലഭിച്ചിരുന്നു.
Read also : ഹോളിവുഡ് താരം വിന്‍ ഡീസലിനെതിരെ ലൈംഗികാതിക്രമ പരാതി നൽകി മുൻ സഹായി
ഗുരു (1997), ആദാമിന്‍റെ മകൻ അബു (2011), ജെല്ലിക്കെട്ട് (2019) എന്നിവ നേരത്തെ ഓസ്കറിലേക്കുള്ള ഔദ്യോഗിക എൻട്രിയായിരുന്നെങ്കിലും നോമിനേറ്റ് ചെയ്യപ്പെട്ടിരുന്നില്ല.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
