അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഹൈദരാബാദ്: മുതിര്‍ന്ന നേതാവും കോണ്‍ഗ്രസ് മുൻ അധ്യക്ഷയുമായ സോണിയാ ഗാന്ധി തെലങ്കാനയില്‍നിന്ന് ലോക്‌സഭയിലേക്ക് മത്സരിക്കണമെന്ന് ആവശ്യപ്പെട്ട് സംസ്ഥാന കോണ്‍ഗ്രസ് നേതൃത്വം പ്രമേയം പാസാക്കി. പാര്‍ട്ടി നേതാക്കള്‍ ഏകകണ്ഠമായാണ് ഇന്ന് പ്രമേയം പാസാക്കിയത്.
പ്രധാനമന്ത്രിയായിരുന്ന ഇന്ദിരാ ഗാന്ധി മേഡക് മണ്ഡലത്തില്‍ നിന്ന് പാര്‍ലമെന്റിലേക്ക് മത്സരിച്ചിരുന്നു. 1980ലാണ് ഇന്ദിരാ ഗാന്ധി മേഡകില്‍നിന്ന് പാര്‍ലമെന്റിലെത്തിയത്. ഇത്തവണ തെലങ്കാനയില്‍ നിന്ന് മത്സരിക്കാനുള്ള തങ്ങളുടെ അഭ്യര്‍ഥന സോണിയാ ഗാന്ധിയെ അറിയിക്കണമെന്ന് കോണ്‍ഗ്രസ് നേതാവായ മുഹമ്മദ് ഷബ്ബിര്‍ അലി പാര്‍ട്ടി അധ്യക്ഷൻ മല്ലികാര്‍ജുൻ ഖാര്‍ഗെയോട് ആവശ്യപ്പെട്ടു.
Telangana Congress passed unanimous resolution requesting Sonia Gandhi to contest in Lok Sabha elections from Telangana.
Earlier former PM Indira Gandhi contested as MP from Medak Parliament pic.twitter.com/MzwcUg1CMR
— Naveena (@TheNaveena) December 18, 2023
നിലവില്‍ റായ്ബറേലില്‍ നിന്നുള്ള പാര്‍ലമെന്റ് അംഗമാണ് സോണിയ.1999 ലാണ് സോണിയ ആദ്യമാണ് തെരഞ്ഞെടുപ്പില്‍ മത്സരിച്ചത്. അന്ന് അമേത്തി, ബെല്ലാരി മണ്ഡലങ്ങളില്‍ മത്സരിച്ച സോണിയ രണ്ടിടത്തും വിജയിച്ചിരുന്നു. 2004 ലാണ് അവര്‍ റായ്ബറേലിയിലേക്ക് മാറിയത്. തുടര്‍ന്ന് 2006, 2009, 2014, 2019 വര്‍ഷങ്ങളിലും തുടര്‍ച്ചയായി റായ്ബറേലിയില്‍ നിന്ന് വിജയിച്ചു.
