അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പൊതുവില് പ്രമേഹം എന്ന് കേള്ക്കുമ്പോള് അത് നമ്മള് മധുരം അമിതമായി കഴിച്ചത് മൂലമാണ് എന്നാണ് ചിന്തിക്കുക. അതുകാരണം, പലപ്പോഴും മധുരം കുറച്ച് ആഹാരത്തില് നിന്നും ഉപ്പ് ഒട്ടും കുറക്കാത്തവരുണ്ട്. എന്നാല്, പുതിയ പഠനങ്ങള് പ്രകാരം, പഞ്ചസ്സാര മാത്രമല്ല, നമ്മള് അമിതമായി ഉപ്പ് കഴിച്ചാലും അത് പ്രമേഹത്തിന് കാരണമാകുന്നുണ്ട് എന്നാണ് പറയുന്നത്. എന്തുകൊണ്ട് എന്ന് നോക്കാം.
പഠനങ്ങള് പറയുന്നത്
പ്രമേഹ രോഗികളില് പലരും തങ്ങളുടെ ആഹാരത്തില് നിന്നും പഞ്ചസ്സാര ഒഴിവാക്കിയാലും ഉപ്പ് ഒഴിവാക്കുന്നത് വളരെ കുറവാണ്. എന്നാല്, Tulane University ഈ അടുത്ത് നടത്തിയ ഒരു പഠനം പ്രകാരം, അമിതമായി ഉപ്പ് കഴിക്കുന്നതും പ്രമേഹത്തിലേയ്ക്ക് നയിക്കുന്നതായി ചൂണ്ടികാണിക്കുന്നു. പ്രത്യേകിച്ച് ടൈപ്പ് 2 പ്രമേഹം വരാനുള്ള സാധ്യതയാണ് ഇവര് പറയുന്നത്. യുകെയില് ആളുകളില് നടത്തിയ പഠനത്തിലാണ് അമിതമായിട്ടുള്ള ഉപ്പിന്റെ ഉപയോഗം പ്രമേഹത്തിലേയ്ക്ക് നയിക്കുന്നതായി ഇവര് കണ്ടെത്തിയത്.
ഉപ്പ് പ്രമേഹത്തിന് കാരണമാകുന്നത് എങ്ങിനെ?
നല്ല കൃത്യമായ അളവില് ഉപ്പ് ചേര്ത്ത ആഹാരങ്ങള് കഴിക്കാന് തന്നെ നല്ല സ്വാദാണ്. ആഹാരത്തിന് സത്യത്തില് രുചി വര്ദ്ധിപ്പിക്കുന്നതിലും അതുപോലെ രുചി നല്കുന്നതിനും ഉപ്പ് വലിയൊരു പങ്ക് വഹിക്കുന്നുണ്ട്. നല്ല രുചികരമായ ആഹാരം നമ്മള്ക്ക് ലഭിച്ചാല് നമ്മള് പോലും അറിയാതെ അനവധി കഴിച്ച് പോവുകയും ചെയ്യും. ഇത്തരത്തില് നമ്മള് അമിതമായി ആഹാരം കഴിക്കുന്നത് നമ്മളുടെ ശരീരത്തിലെ ഗ്ലൂക്കോസ് ലെവല് വര്ദ്ധിക്കുന്നതിന് ഒരു പ്രധാന കാരണമാകുന്നുണ്ട്. ഗ്ലൂക്കോസ് വര്ദ്ധിച്ചാല് അത് രക്തത്തിലെ പഞ്ചസ്സാരയുടെ അളവ് വര്ദ്ധിപ്പിക്കുന്നു. ഇത് പ്രമേഹത്തിലേയ്ക്ക് ഒരു വ്യക്തിയെ പതിയെ നയിക്കുന്നു.
12 വര്ഷത്തോളം തുടര്ച്ചയായി നടത്തിയ പഠനത്തിന്റേയും ഗവേഷണത്തിന്റേയും അടിസ്ഥാനത്തില് ഗവേഷകര് പറയുന്നത് ഇവര് തിരഞ്ഞെടെുത്ത സാമ്പിളില് തന്നെ 13000ത്തില് കൂടുതല് ആളുകളില് പ്രമേഹം കണ്ടെത്തിയിരുന്നു. ഇവരില് പലരും തങ്ങളുടെ ആഹാരത്തിലൂടെ 13 ശതമാനം, അല്ലെങ്കില് 20 ശതമാനത്തോളം ഉപ്പ് കഴക്കുന്നവരായിരുന്നു. ഇതെല്ലാം പ്രമേഹ സാധ്യത വര്ദ്ധിപ്പിക്കുന്നതായി ഗവേഷകര് ചൂണ്ടികാണിക്കുന്നു.
പ്രമേഹം വന്നാല്
പ്രമേഹം വന്നാല് അത് നമ്മളില് നിരവധി ആരോഗ്യ പ്രശ്നങ്ങള് സൃഷ്ടിക്കുന്നുണ്ട്. പ്രത്യേകിച്ച് ഇത് ശരീരം വരണ്ട് പോകുന്നതിന് കാരണമാകുന്നു.അതുപോലെ ശരീരത്തില് മുറിവുകള് ഉണ്ടായാല് വേഗത്തില് ഉണങ്ങാതെ വ്രണപ്പെടുന്നതിന് ഇത് കാരണമാകുന്നുണ്ട്. കൂടാതെ, ഹൃദ്രോഗങ്ങള് വരാനുള്ള സാധ്യത പ്രമേഹരോഗികളില് വളരെ കൂടുതലാണ്. ഇത് മാത്രമല്ല, സ്ട്രോക്ക് പോലെയുള്ള ആരോഗ്യ പ്രശ്നങ്ങളും ഇവരില് അമിതമായി കണ്ടെന്ന് വരാം. ചിലരില് വൃക്കരോഗങ്ങള് വരാനുള്ള സാധ്യത വര്ദ്ധിക്കുന്നുണ്ട്. അതുപോലെ തന്നെ കാഴ്ച്ചശക്തി മങ്ങുന്നത്, നാഢീവ്യൂഹത്തിലുണ്ടാകുന്ന കേടുപാടുകള്, കാര്യങ്ങള് മനസ്സിലാക്കാനും തിരിച്ചറിയാനുമുള്ള ശേഷിക്കുറവ് എന്നിവയെല്ലാം തന്നെ പ്രമേഹരോഗികള് നേരിടുന്ന പ്രധാന ആരോഗ്യ പ്രശ്നങ്ങളാണ്.
ശ്രദ്ധിക്കേണ്ടത്
നിങ്ങള്ക്ക് പ്രഷര്, ഷുഗര് എന്നീ രോഗങ്ങള് ഇല്ലെങ്കിലും ആരോഗ്യം ശ്രദ്ധിക്കേണ്ടത് അനിവാര്യമാണ്. ഇതിനായി ആഹാരത്തില് നിന്നും അമിതമായിട്ടുള്ള ഉപ്പ്, പഞ്ചസ്സാര എന്നിവ കുറയ്ക്കാവുന്നതാണ്. അതുപോലെ തന്നെ അമിതമായി ഉപ്പ് അടങ്ങിയ ആഹാരങ്ങള് കുറയ്ക്കേണ്ടത് വളരെ അനിവാര്യമാണ്. അതുപോലെ തന്നെ അമിതമായി സോഡിയം അടങ്ങിയ ആഹാരങ്ങളും നങ്ങളുടെ ഡയറ്റില് നിന്നും ഒഴിവാക്കാന് നിങ്ങള് തീര്ച്ചയായും ശ്രദ്ധിക്കണം. പ്രത്യേകിച്ച് ബേയ്ക്ക് ചെയ്തെടുക്കുന്ന ആഹാരങ്ങള് ഒഴിവാക്കുക. കെച്ചപ്പ്, സോസ് എന്നീ ആഹാരങ്ങളും നിങ്ങളുടെ ഡയറ്റില് നിന്നും ഒഴിവാക്കേണ്ടത് അനിവാര്യമാണ്.
മറ്റ് കാര്യങ്ങള്
നല്ല ഹെല്ത്തിയായിട്ടുള്ള ആഹാരം എല്ലായ്പ്പോഴും കഴിക്കാന് ശ്രദ്ധിക്കണം. അതുപോലെ തന്നെ, വ്യായാമം ചെയ്യാന് ഒരിക്കലും മടികാണിക്കരുത്. വ്യായാമം ചെയ്യുന്നത് നിങ്ങളുടെ പ്രമേഹം നിയന്ത്രിച്ച് നിര്ത്താന് സഹായിക്കുന്നതാണ്. കൃത്യമായ ഇടവേളകളില് ഡോക്ടറെ കണ്ട് ചെക്കപ്പ് നടത്തണം. അതിനനുസരിച്ച് മരുന്ന് കഴിക്കാനും ശ്രദ്ധിക്കണം. അമിതമായി കാര്ബ്സ് അടങ്ങിയ ആഹാരങ്ങള് കഴിക്കാതിരിക്കാന് ശ്രദ്ധിക്കുക. പഴം പച്ചക്കറികള്, പ്രത്യേകിച്ച് പ്രോട്ടീനും ഫൈബറും അടങ്ങിയ ആഹാരങ്ങള് കഴിക്കാന് ശ്രദ്ധിക്കുന്നത് വളരെ നല്ലതാണ്. ഇതെല്ലാം പ്രമേഹത്തെ നിയന്ത്രിക്കാന് സഹായിക്കുന്നതാണ്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
