ലണ്ടന്‍: യു.കെയിലെ 20 പെന്‍സിന്‍റെ നാണയം ആയിരം മടങ്ങ് വിലയ്ക്ക് ലേലത്തില്‍ പോയി. 2016ല്‍ ഈ നാണയം കൈവശം വെച്ച വ്യക്തി റോയല്‍ മിന്റിലേക്ക് തിരിച്ച് അയച്ചതിനെ തുടര്‍ന്നാണ് ഇത് വീണ്ടും ലേലത്തില്‍ വെച്ചത്.
20,662.96 ഇന്ത്യന്‍ രൂപയ്ക്കു തുല്യമായ തുക ഇതിനു ലേലത്തില്‍ കിട്ടി. അപൂര്‍വവും അതുല്യവുമായ ഈ നാണയങ്ങള്‍ക്കായി ലേലം വിളിക്കാനും ഉയര്‍ന്ന വില നല്‍കാനും തയാറായി നിരവധി പേരാണ് ലേല വെബ്സൈറ്റായ ഇബേയിലെത്തിയത്.
അടുത്തിടെ വാര്‍ത്തകളില്‍ ഇടം നേടിയ മറ്റൊരു നാണയം 32~ലധികം ബൈന്‍ഡുകളുള്ള യു.കെയിലെ ക്യൂ ഗാര്‍ഡന്‍സ് 50 പെന്‍സ് നാണയമാണ്. വളരെ അപൂര്‍വമായ നാണയം 165 യൂറോയ്ക്കാണ് വിറ്റുപോയത്.