അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഒട്ടുമിക്കയാളുകളും ഫിറ്റ്നെസ് നിലനിര്‍ത്താന്‍ ആഗ്രഹിക്കുന്നവരാണ്. അതിനായി നിരന്തരം പല വ്യായാമങ്ങളും ഭക്ഷണക്രമങ്ങളുമൊക്കെ പരീക്ഷിക്കാറുണ്ട്. അത്തരത്തില്‍ മിക്കവരും ആഗ്രഹിക്കുന്ന ഒന്നാണ് ശരീരഭാരം കുറയ്ക്കുക എന്നത്. ആരോഗ്യകരമായ ഭക്ഷണത്തിലൂടെയും വ്യായാമത്തിലൂടെയും നിങ്ങളുടെ ഭാരം കുറയ്ക്കാവുന്നതാണ്. ശരീരഭാരം കുറയ്ക്കാനായി ദിവസവും രാവിലെ വെറും വയറ്റില്‍ കുടുക്കേണ്ട ചില പാനീയങ്ങളെക്കുറിച്ച് അറിയാം.
മഞ്ഞള്‍ വെള്ളം–
മഞ്ഞളില്‍ ആന്റി-ഇന്‍ഫ്ളമേറ്ററി ഗുണങ്ങളുണ്ട്. ഇവ ശരീരത്തിന്റെ വീക്കം കുറയ്ക്കുന്നതിനൊപ്പം ശരീരഭാരം കുറയ്ക്കാനും ഗുണം ചെയ്യും. ചെറുചൂടുള്ള വെള്ളത്തില്‍ മഞ്ഞള്‍പ്പൊടി,തേന്‍, നാരങ്ങ എന്നിവ കലര്‍ത്തി ദിവസവും രാവിലെ കുടിക്കാവുന്നതാണ്. ഇത് ദഹനത്തിന് സഹായിക്കും. കൂടാതെ മെറ്റബോളിസം വര്‍ധിപ്പിച്ച് വയര്‍ കുറയ്ക്കാനും സഹായിക്കുന്നു.
നെയ്യും ചൂടുവെള്ളവും
പല ആരോഗ്യ ഗുണങ്ങളുമുളള ഒന്നാണ് നെയ്യ്. ശരീരഭാരം കുറയ്ക്കാനും നെയ്യ് വളരെ നല്ലതായി കണക്കാക്കപ്പെടുന്നു. നെയ്യില്‍ ആരോഗ്യകരമായ കൊഴുപ്പ് അടങ്ങിയിട്ടുണ്ട്. ചെറുചൂടുള്ള വെള്ളത്തില്‍ നെയ്യ് കലര്‍ത്തി കുടിക്കുന്നത് ദഹനത്തിനും മെറ്റബോളിസത്തിനും സഹായിക്കുന്നു. വെള്ളത്തില്‍ നെയ്യ് കലര്‍ത്തി കുടിക്കുന്നതിലൂടെ വയര്‍ നിറഞ്ഞിരിക്കുന്നതായി തോന്നും. ഇത് നിങ്ങളുടെ കലോറി ഉപഭോഗം ഗണ്യമായി കുറയ്ക്കും. ശരീരത്തിനാവശ്യമായ വിറ്റാമിനുകളും ധാതുക്കളും നെയ്യില്‍ അടങ്ങിയിട്ടുണ്ട്.
ആപ്പിള്‍ സിഡെര്‍ വിനെഗര്‍
ശരീരഭാരം കുറയ്ക്കാന്‍ ആപ്പിള്‍ സിഡെര്‍ വിനെഗര്‍ വളരെയധികം ഗുണം ചെയ്യും. ആപ്പിള്‍ സിഡെര്‍ വിനെഗറും തേനും ചെറുനാരങ്ങാനീരും ചെറുചൂടുള്ള വെള്ളത്തില്‍ കലക്കി കുടിക്കുന്നത് വയറു വീര്‍ക്കുന്നതിനെ ഇല്ലാതാക്കും. കൊഴുപ്പിനെ ഇല്ലാതാക്കാനും ഇത് സഹായിക്കും. ഇത് രക്തത്തിലെ പഞ്ചസാരയുടെ അളവ് കുറയ്ക്കുകയും മധുരമുള്ള വസ്തുക്കളോടുള്ള ആസക്തി കുറയ്ക്കുകയും ചെയ്യുന്നു.
നാരങ്ങ വെള്ളം–
ദിവസം ആരംഭിക്കാന്‍ നാരങ്ങ വെള്ളം വളരെ നല്ലതായി കണക്കാക്കപ്പെടുന്നു. നാരങ്ങയില്‍ വിറ്റാമിന്‍ സി ധാരളമായി കാണപ്പെടുന്നു, ഇത് മെറ്റബോളിസം വര്‍ദ്ധിപ്പിക്കാന്‍ സഹായിക്കുന്നു. രാവിലെ ഉറക്കമുണര്‍ന്നതിന് ശേഷം നാരങ്ങാവെള്ളം കുടിക്കൂന്നതിലൂടെ ശരീരത്തിലെ എല്ലാ വിഷവസ്തുക്കളെയും നീക്കം ചെയ്യും. നിങ്ങളുടെ വിശപ്പ് നിയന്ത്രിക്കാന്‍ സഹായിക്കുന്ന പെക്റ്റിന്‍ എന്ന ഫൈബറും ഇതില്‍ കാണപ്പെടുന്നുണ്ട്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
അന്വേഷണം വാർത്തകൾ അറിയാൻ Threads– ൽ Join ചെയ്യാം
