അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തോൽക്കാത്ത മനസ്സുമായി പോരാടി ആറാം തവണ വിജയം.സിവിൽ സർവീസ് റാങ്ക് നേടിയ ദേവിപ്രിയ ഒന്നോ,രണ്ടോ തവണയല്ല അഞ്ചു വട്ടം മാണ് തന്നെ കൊതിപ്പിച്ച സിവിൽ സർവീസ് എന്ന സ്വപ്‌നത്തെ കയ്യെത്തിപ്പിടിച്ചത്. കായംകുളംകാരിയായ ദേവിപ്രിയ 2022 ലെ സിവിൽ സർവീസ് പരീക്ഷയിൽ 573 ആം റാങ്ക് നേടിയാണ് തന്റെ സ്വപ്നം സാക്ഷാത്കരിച്ചത്.
2017 ലാണ് ആദ്യമായി ദേവിപ്രിയ സിവിൽ സർവീസ് പരീക്ഷ എഴുതുന്നത്, അഭിമുഖം വരെ എത്തിയെങ്കിലും കിട്ടിയില്ല. പിന്നെയും നീണ്ട നാല് വർഷങ്ങൾ, അതിനിടയിൽ ജോലിയില്ലാത്തതിൻ്റെ പേരിലുള്ള പരിഹാസങ്ങളും മറ്റും നേരിടേണ്ടി വന്നു. പക്ഷേ തൻ്റെ സ്വപ്നം നേടുന്നതിന് ഇതൊന്നും ഒരു കാരണമാക്കാതെ പിന്നെയും പഠനം തുടർന്നു. പരിശ്രമം അസ്ഥാനത്തായില്ല, 2021ൽ ഇന്ത്യൻ ഫോറസ്റ്റ് സർവീസ് (ഐ. എഫ്. എസ് ) കിട്ടി; 51ആം റാങ്ക് ആയിരുന്നു. ഇപ്പോഴിതാ ഐ. എ .എസ് റാങ്കും.
തിരുവനന്തപുരം വെള്ളായണി അഗ്രികൾച്ചർ കോളേജിൽ നിന്ന് ബിരുദ പഠനത്തിനു ശേഷം കേരള ഹൈക്കോടതിയിൽ അസിസ്റ്റന്റ് ആയി വർക്ക് ചെയ്യുമ്പോഴാണ് ദേവിപ്രിയ എൻലൈറ്റ് അക്കാദമിയിൽ ചേരുന്നത്. അവിടുത്തെ അധ്യാപകരുടെ പിന്തുണയും, മാർഗ്ഗ നിർദേശവും തന്റെ വിജയത്തിൽ വഹിച്ച പങ്ക് ചെറുതൊന്നുമല്ലെന്നാണ് ദേവിപ്രിയ പറയുന്നത്. തന്റെ യാത്രയിലുടനീളം തന്നെ പിന്തുണച്ച കുടുംബമാണ് തന്റെ ശക്തി എന്നും ദേവിപ്രിയ പറയുന്നു.
ചിട്ടയായ പഠനരീതിയും, അർപ്പണബോധവും തന്നെയാണ് തന്റെ വിജയ രഹസ്യം, പരീക്ഷ സമയത്തു ഭയപ്പെടേണ്ട ഒരാവശ്യവുമില്ലെന്നും പരീക്ഷാസമയത്തെ കൃത്യമായി വിനിയോഗിക്കാനായാൽ വിജയം ഉറപ്പാണെന്നും ദേവിപ്രിയ അഭിപ്രായപ്പെടുന്നു.സിവിൽ സർവീസ് സ്വപ്നവുമായി ജീവിക്കുന്നവർക്ക് എന്നും പ്രചോദനമാണ് ദേവിപ്രിയയുടെ വിജയം. എത്ര വട്ടം ശ്രമിക്കേണ്ടി വന്നാലും, നമ്മുക്ക് ആഗ്രഹമുണ്ടെങ്കിൽ നമ്മുടെ സ്വപ്‌നങ്ങൾ നേടാൻ മറ്റൊന്നും തടസ്സമാവില്ലെന്ന് ദേവിപ്രിയ തെളിയിക്കുന്നു.
Enlite IAS First Floor, Twinkle Plaza Panavila Jn After Bakery Jn Trivandrum
enliteias@gmail.com 7994058393 www.enliteias.com
