അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അവസാന അഞ്ചംഗ മത്സരാർത്ഥികളെ തിരഞ്ഞെടുക്കാൻ മോഹൻലാൽ ഇന്ന് ബിഗ്ഗ് ബോസ്സിൽ വരും. ബിഗ് ബോസ് മലയാളം സീസണ്‍ 5 അവസാനിക്കാന്‍ ഒരു ദിവസം മാത്രം ശേഷിക്കെ അവസാനത്തെ എവിക്ഷന്‍ ഇന്ന്. ഇന്നലത്തെ എപ്പിസോഡിന് ശേഷവും എത്താതിരുന്ന പ്രൊമോ വീഡിയോ ഇന്ന് രാവിലെയാണ് അണിയറക്കാര്‍ പുറത്ത് വിട്ടിരിക്കുന്നത്. ഫൈനല്‍ 5 എത്തുന്നതിന് മുമ്പുള്ള അവസാന എവിക്ഷന്‍ ആണ് ഇന്ന് നടക്കുക. നിലവില്‍ മത്സരത്തില്‍ അവശേഷിക്കുന്ന ആറ് പേരില്‍ നിന്ന് ഒരാളാണ് പുറത്താവുക. എവിക്ഷന്‍റെ പ്രാധാന്യം കണക്കിലെടുത്ത് ഷോയുടെ അവതാരകനായ മോഹന്‍ലാല്‍ ഹൗസിലേക്ക് നേരിട്ടെത്തിയാണ് ഇന്നത്തെ എവിക്ഷന്‍ പ്രഖ്യാപിക്കുക.
Read More:മസ്ക് vs സുക്ക്
പുലിമുരുകന്‍ സിനിമയിലെ പശ്ചാത്തല സംഗീതം പ്ലേ ചെയ്തുകൊണ്ട് മുന്‍ വാതിലിലൂടെയാണ് ഹൗസിലേക്ക് മോഹന്‍ലാലിനെ ബിഗ് ബോസ് എത്തിക്കുന്നത്. പാട്ട് കേട്ട് മുറ്റത്തേക്ക് ഓടിയെത്തുന്ന മത്സരാര്‍ഥികള്‍ മോഹന്‍ലാലിനെ കണ്ട് ഞെട്ടുന്നതും പ്രൊമോ വീഡിയോയില്‍ കാണാം. അഖില്‍ മാരാര്‍, ഷിജു എ ആര്‍, ശോഭ വിശ്വനാഥ്, സെറീന ആന്‍ ജോണ്‍സണ്‍, ജുനൈസ് വി പി, റെനീഷ റെഹ്‍മാന്‍ എന്നിവരാണ് മത്സരത്തില്‍ നിലവില്‍ അവശേഷിക്കുന്ന ആറ് പേര്‍. ഇതിലൊരാള്‍ പുറത്താവുന്നതോടെ സീസണ്‍ 5 ലെ ഫൈനല്‍ 5 ആരൊക്കെയെന്ന് തീരുമാനമാവും.
അതേസമയം ഫൈനല്‍ 5 ല്‍ ഇടം ഉറപ്പിച്ചിരുന്ന മറ്റൊരു മത്സരാര്‍ഥിയായ നാദിറ മെഹ്‍റിന്‍ ഷോയില്‍ നിന്ന് സ്വയം പുറത്ത് പോയിരുന്നു. മണി ബോക്സ് ടാസ്കില്‍ നേടിയ ഏഴേമുക്കാല്‍ ലക്ഷം രൂപയുമായാണ് നാദിറ സ്വന്തം തീരുമാനപ്രകാരം ഷോയില്‍ നിന്ന് ക്വിറ്റ് ചെയ്തത്. ബിഗ് ബോസ് മലയാളത്തിന്‍റെ ചരിത്രത്തില്‍ തന്നെ ആദ്യമായിട്ടാണ് ഒരു മത്സരാര്‍ഥി മണി ബോക്സ് ടാസ്കില്‍ തീരുമാനമെടുത്ത് ഷോയില്‍ നിന്ന് സ്വമേധയാ പുറത്ത് പോകുന്നത്. അതേസമയം ഞായറാഴ്ചയാണ് സീസണ്‍ 5 ഗ്രാന്‍ഡ് ഫിനാലെ.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
