അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൂവപ്പടി ജി. ഹരികുമാര്‍
കഴിമ്പ്രം: കേരളത്തിലെ കടലോരങ്ങളില്‍ മണല്‍ ശില്പങ്ങള്‍ തീര്‍ത്ത് മലയാളികളെ വിസ്മയിപ്പിച്ച കൊടുങ്ങല്ലൂരുകാരന്‍ ശില്പി ഡാവിഞ്ചി സുരേഷ് കഴിമ്പ്രം കടലോരത്ത് നടക്കുന്ന ഫെസ്റ്റിവലില്‍ പങ്കെടുക്കാന്‍ എത്തിയത് മലയാളത്തിന്റെ പ്രിയപ്പെട്ട കുഞ്ഞുണ്ണി മാഷിനെ മനസ്സില്‍ ധ്യാനിച്ചുകൊണ്ടാണ്. ലക്ഷ്യം മാഷിന്റെ മണല്‍ ശില്പം തീര്‍ക്കലായിരുന്നു. മലയാളഭാഷയുടെ അക്ഷരമധുരം നുറുങ്ങു കവിതകളായി കുട്ടികള്‍ക്കു നല്‍കിയ കുഞ്ഞുണ്ണിയുടെ വലിയ മുഖം മണലിലെഴുതാന്‍ ഡാവിഞ്ചി സുരേഷിന് വേണ്ടിവന്നത് മൂന്നു മണിക്കൂര്‍.
കഴിമ്പ്രം ബീച്ച് ഫെസ്റ്റിന്റെ മുന്നോടിയായി നടന്ന സാഹിത്യസദസ്സില്‍ പങ്കാളിയാകാന്‍ എത്തിയതായിരുന്നു സുരഷ്. ആറടിയോളം ഉയരത്തില്‍ ഇരുപതടി വലുപ്പത്തില്ലുള്ള ഡാവിഞ്ചിയുടെ കുഞ്ഞുണ്ണിമാഷിനെ കാണാന്‍ നൂറുകണക്കിനാളുകളാണ് ബീച്ചിലേയ്ക്ക് എത്തിയത്. സഹായികളായി രാകേഷ് പള്ളത്ത്, ബക്കര്‍ തൃശ്ശൂര്‍, ആസാദ് എന്നീ കലാകാരന്മാരും കൂടെയുണ്ടായിരുന്നു. എഴുത്തുകാരനും നോവലിസ്റ്റുമായ എംപി സുരേന്ദ്രനാണ് ശില്പം നാടിനു സമര്‍പ്പിച്ചത്.
