അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ചെന്നൈ: തമിഴ്നാട് മുഖ്യമന്ത്രി എം കെ സ്റ്റാലിന്റെ മകനും ഡി എം കെ യുവജനവിഭാഗം സെക്രട്ടറിയും നടനുമായ ഉദയനിധി സ്റ്റാലിൻ തമിഴ്നാട് മന്ത്രിസഭയിലേക്ക്. യുവജനക്ഷേമവും കായിക വകുപ്പും നല്കാന് ഡിഎംകെ ധാരണയിലെത്തി. ഇതേ വകുപ്പുകള് കൈകാര്യം ചെയ്തിരുന്ന വി മെയ്യനാഥന്, പെരിയസ്വാമി, കെ രാമചന്ദ്രന് തുടങ്ങിയ മുതിര്ന്ന മന്ത്രിമാര്ക്ക് മറ്റ് വകുപ്പുകള് നല്കാനാണ് ധാരണയായി. സത്യപ്രതിജ്ഞ മറ്റന്നാള് നടക്കും.
കരുണാനിധിയുടെ സ്വന്തം മണ്ഡലമായിരുന്ന ചെന്നൈ ചെപ്പോക്കില് നിന്ന് റെക്കോര്ഡ് ഭൂരിപക്ഷത്തിലാണ് കഴിഞ്ഞ തെരഞ്ഞെടുപ്പില് ഉദയനിധി വിജയിച്ചത്. 2019- മുതല് ഡിഎംകെ യുവജന വിഭാഗത്തിന്റെ സെക്രട്ടറിയാണ് ഉദയനിധി. 1982 മുതല് 2017 വരെ നിലവിലെ മുഖ്യമന്ത്രി സ്റ്റാലിന് വഹിച്ചിരുന്ന പദവിയാണിത്. 2021-ല് തമിഴ്നാട് നിയമസഭയിലേക്ക് തിരഞ്ഞെടുക്കപ്പെടുന്നതിന് മുമ്പും പാര്ട്ടിയുടെ താരപ്രചാരകരില് ഒരാളായിരുന്നു ഉദയനിധി.
മന്ത്രിസഭാ പ്രവേശനം സംബന്ധിച്ച് മാധ്യമങ്ങളോട് പ്രതികരിക്കാന് അദ്ദേഹം തയ്യാറായിട്ടില്ല. മുഖ്യമന്ത്രി പ്രഖ്യാപനം നടത്തിയാല് അതേക്കുറിച്ച് പ്രതികരിക്കാമെന്നാണ് അദ്ദേഹം മാധ്യമങ്ങളോട് പറഞ്ഞത്.
അദ്ദേഹത്തെ മന്ത്രിയാക്കുന്ന കാര്യത്തില് പാര്ട്ടിയുടെ ഉന്നതാധികാര സമിതിയാണ് തീരുമാനമെടുത്തതെന്ന് വാര്ത്താ ഏജന്സി റിപ്പോര്ട്ടുചെയ്തു. സ്റ്റാലിനുമായി അടുപ്പമുള്ള നേതാക്കള് ഉദയനിധിയെ മന്ത്രിസഭയില് ഉള്പ്പെടുത്തണമെന്ന ആവശ്യം നേരത്തെതന്നെ ഉന്നയിച്ചിരുന്നുവെന്നാണ് പേര് വെളിപ്പെടുത്തല്.
