അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കൊച്ചി: ഐഎസ്എല്ലില്‍ ബെംഗളൂരു എഫ്.സിയേും തകര്‍ത്തുവിട്ട് കേരള ബ്ലാസ്റ്റേഴ്സ്. രണ്ടിനെതിരേ മൂന്നു ഗോളുകള്‍ക്ക് ബെംഗളൂരുവിനെ തകര്‍ത്ത ബ്ലാസ്റ്റേഴ്സ് തുടര്‍ച്ചയായ അഞ്ചാം വിജയമാണ് സ്വന്തമാക്കിയത്.
ഐഎസ്എല്ലില്‍ ഇതാദ്യമായാണ് ബ്ലാസ്റ്റേഴ്സ് തുടര്‍ച്ചയായി അഞ്ച് മത്സരങ്ങള്‍ ജയിക്കുന്നത്. മാര്‍ക്കോ ലെസ്‌കോവിച്ച്, ദിമിത്രിയോസ് ഡയമന്റക്കോസ്, അപ്പോസ്‌തൊലോസ് ജിയാനു എന്നിവരാണ് ബ്ലാസ്‌റ്റേഴ്‌സിന്റെ സ്‌കോറര്‍മാര്‍. ബെംഗളൂരുവിനായി സുനില്‍ ഛേത്രി, ജാവിയര്‍ ഹെര്‍ണാണ്ടസ് എന്നിവര്‍ സ്‌കോര്‍ ചെയ്തു.
കൊച്ചി ജവഹർലാൽ നെഹ്റു സ്റ്റേഡിയത്തിൽ നടക്കുന്ന മത്സരത്തിന്റെ തുടക്കത്തിൽ പെനാൽറ്റി ഗോളിൽ മുമ്പിലെത്തിയ ബംഗളൂരു എഫ്.സിക്കെതിരെ ലെസ്‌കോവിച്ചിലൂടെ കേരളാ ബ്ലാസ്റ്റേഴ്സ് നേരത്തെ തിരിച്ചടിച്ചിരുന്നു. ക്ലബിൽ മുമ്പ് കളിച്ചിരുന്ന സന്ദേശ് ജിങ്കന്റെ മിസ്സിലാണ് ബ്ലാസ്റ്റേഴ്സ് രണ്ടാം ഗോൾ കണ്ടെത്തി മത്സരത്തിൽ ലീഡ് നേടിയത്. 43ാം മിനുട്ടിൽ ജിങ്കന്റെ മുന്നിലൂടെ വന്ന പാസ് താരം മിസ്സാക്കിയപ്പോൾ ഡയമൻഡക്കോസ് ഗോളാക്കുകയായിരുന്നു. 70ാം മിനുട്ടിൽ അപ്പോസ്തലസ് ജിയാനേ മൂന്നാം ഗോളടിച്ച് വീണ്ടും ലീഡുയർത്തി. ഡയമൻഡക്കോസിന്റെ പാസിൽ നിന്നായിരുന്നു ഗോൾ. എന്നാൽ ജാവി ഹെർണാണ്ടസിലൂടെ ഒരു ഗോൾ കൂടി ബംഗളൂരു നേടി. 81ാം മിനുട്ടിലായിരുന്നു ഗോൾ.
മത്സരത്തിൽ 14ാം മിനുട്ടിൽ സുനിൽ ഛേത്രി പെനാൽറ്റി ഗോളടിച്ച് പത്ത് മിനുട്ട് തികയും മുമ്പ് കൊമ്പൻമാർ തിരിച്ചടിക്കുകയായിരുന്നു. 25ാം മിനുട്ടിൽ മാർകോ ലെസ്‌കേവിച്ചാണ് ഗോൾ നേടിയത്. നേരത്തെ പന്തുമായി മുന്നേറിയ ഛേത്രിയെ ബോക്‌സിനകത്ത് വെച്ച് ഗിൽ ഫൗൾ ചെയ്തതിനാണ് പെനാൽറ്റി അനുവദിച്ചത്.
കേരളാ ബ്ലാസ്റ്റേഴ്സ് ഇലവൻ
പ്രഭ്സുഖൻ ഗിൽ (ഗോൾകീപ്പർ), നിഷു കുമാർ, മാർകോ ലെസ്‌കോവിച്ച്, റുയിവാഹ് ഹോർമിപാം, സന്ദീപ് സിംഗ്, അഡ്രിയാൻ ലൂണ, സഹൽ അബ്ദുസ്സമദ്, ഇവാൻ കലിയൂസ്നി, ജിക്സൻ സിംഗ്, ദിമിത്രിസ് ഡയമൻഡക്കോസ്, രാഹുൽ കെ.പി.
ബംഗളൂരു എഫ്.സി ഇലവൻ
ഗുർപ്രീത് സിംഗ് സന്ധു(ഗോൾകീപ്പർ), സന്ദേശ് ജിങ്കൻ, അലക്സാണ്ടർ ജോവാനോവിച്ച്, നംഗ്യാൽ ബൂട്ടിയ, പ്രബീർ ദാസ്, സുരേഷ് വാഞ്ചം, ജാവി ഹെർണാണ്ടസ്, ഡാനിഷ് ഫാറൂഖി, നാരോം റോഷൻ സിംഗ്, റോയ് കൃഷ്ണ. സുനിൽ ഛേത്രി.
