അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
അഹാന കൃഷ്ണനും ഷൈൻ ടോം ചാക്കോയും ഒന്നിക്കുന്ന പുതിയ ചിത്രമാണ് അടി. അഹാനയുടെ പിറന്നാളിനോട് അനുബന്ധിച്ച് പുതിയ പോസ്റ്റർ പങ്കുവച്ചിരിക്കുകയാണ് അണിയറ പ്രവർത്തകർ .വേഫെറർ ഫിലിംസിന്റെ ബാനറിൽ ദുൽഖർ സൽമാനാണ് ചിത്രം നിർമ്മിക്കുന്നത്. ഗീതിക എന്ന കഥാപാത്രമായാണ് ചിത്രത്തിൽ അഹാനയെത്തുന്നത്. സജീവ് നായർ എന്ന കഥാപാത്രത്തെയാണ് ഷൈൻ അവതരിപ്പിക്കുന്നത്. ജന്മദിനാശംസകൾ അഹാന, ഞാനും വേഫെറർ ടീമും ചേർന്നു നൽകുന്ന ഒരു ചെറിയ സമ്മാനമാണിത്.
അടിയിലെ ഗീതികയെ ഗംഭീരവും ജീവസുറ്റതുമാക്കിയിട്ടുണ്ട് അഹാന. എല്ലാവരും അത് കാണുന്നതിനായുള്ള വലിയ കാത്തിരിപ്പിലാണ് ഞാൻ. മനോഹരമായ ഒരു വർഷമാകട്ടെ മുന്നിലുള്ളത്- പോസ്റ്റർ പങ്കുവച്ച് ദുൽഖർ കുറിച്ചു.
ലില്ലി, അന്വേഷണം എന്നീ ചിത്രങ്ങൾക്ക് ശേഷം പ്രശോഭ് വിജയൻ സംവിധാനം ചെയ്യുന്ന അടി വേഫെറർ ഫിലിംസിന്റെ നാലാമത്തെ ചിത്രം കൂടിയാണിത്. വരനെ ആവശ്യമുണ്ട്, മണിയറയിലെ അശോകൻ, കുറുപ്പ് എന്നീ ചിത്രങ്ങൾക്ക് ശേഷമാണ് അടി ഒരുങ്ങുന്നത്. ധ്രവുൻ, ബിറ്റോ ഡേവിസ്, ശ്രീകാന്ത് ദാസൻ എന്നിവരും ചിത്രത്തിൽ അഭിനയിച്ചിട്ടുണ്ട്. രതീഷ് രവിയാണ് തിരക്കഥയൊരുക്കിയിരിക്കുന്നത്. ഗോവിന്ദ് വസന്തയാണ് ചിത്രത്തിന്റെ സംഗീത സംവിധാനം ഒരുക്കുന്നത്.
https://www.facebook.com/plugins/post.php?href=https%3A%2F%2Fwww.facebook.com%2Factressahaanaofficial%2Fposts%2F651554703004519&show_text=true&width=500
