അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തൃശൂർ: വെളിയന്നൂരിലെ വ്യാപാര സ്ഥാപനത്തിൽ വൻ തീപ്പിടിത്തം. ചാക്കപ്പായ് സൈക്കിള്‍ സ്റ്റോഴ്‌സ് എന്ന സ്ഥാപനത്തിലാണ് തീപ്പിടിത്തമുണ്ടായത്. ഇതിന്റെ മൂന്നാമത്തെ നിലയിലാണ് ആദ്യം തീപ്പിടിച്ചത്. പിന്നീട് താഴെത്തെ നിലകളിലേക്ക് കൂടി തീ ആളിപ്പടരുകയായിരുന്നു. സംഭവത്തില്‍ ആളപായമില്ല.
ഇന്ന് വൈകുന്നേരം അഞ്ചരയോടെയാണ് സംഭവം. സൈക്കിള്‍ ആയതിനാല്‍ ടയറുകള്‍ക്ക് തീപ്പിടിച്ചാണ് ആളിപ്പടര്‍ന്നത്. തൃശൂര്‍ നിന്നും പുതുക്കാട് നിന്നുമുള്ള നാല് യൂണിറ്റ് ഫയര്‍ഫോഴ്‌സ് യൂണിറ്റുകളെത്തി തീയണയ്ക്കാനുള്ള ശ്രമം തുടരുകയാണ്.
ഈ കെട്ടിടത്തിനു അടുത്തുള്ള കെട്ടിടങ്ങളിലേക്ക് തീ പടര്‍ന്നിട്ടില്ല. ഷോര്‍ട്ട് സര്‍ക്യൂട്ടാണ് തീപ്പിടിത്തത്തിന് കാരണമെന്നാണ് പ്രാഥമിക നിഗമനം.
