അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
2022-ലെ എമ്മി പുരസ്‌കാരങ്ങള്‍ പ്രഖ്യാപിച്ചു. ഡോപ്‌സിക്കി’ലെ പ്രകടനത്തിന് ലിമിറ്റഡ് സീരീസ് വിഭാഗത്തില്‍ മൈക്കില്‍ കീറ്റൺ മികച്ച നടനുള്ള പുരസ്‌കാരം നേടി. തുടര്‍ച്ചയായ രണ്ടാം വര്‍ഷവും സെന്റയ മികച്ച നടിയായി. ‘യൂഫോറിയ’യിലെ അഭിനയത്തിനാണ് പുരസ്‌കാരം. കോമഡി വിഭാഗത്തില്‍ ജേസന്‍ സുഡേകിസും ഡ്രാമയില്‍ കൊറിയന്‍ താരം ലീ ജുങ് ജെയും മികച്ച നടന്‍മാരായി.ലോസ് ആഞ്ജലീസിലെ മൈക്രോസോഫ്ട് തിയേറ്ററില്‍ വെച്ചായിരുന്നു ചടങ്ങ്.
മാത്യൂ മക്‌ഫേഡിയന്‍ മികച്ച സഹനടനുള്ള പുരസ്‌കാരം നേടി (ഡ്രാമ). മറെ ബാർത്‌ലൈറ്റ്‌ മികച്ച സഹനടനും (ലിമിറ്റഡ് സീരീസ്) ജെന്നിഫര്‍ കൂളിഡ്ജ് ലിമിറ്റഡ് സീരീസ് വിഭാഗത്തിലും ഷെര്‍ലിന്‍ ലീ റാല്‍ഫ് കോമഡി വിഭാഗത്തിലും ജൂലിയ ഗാര്‍നര്‍ ഡ്രാമ വിഭാഗത്തിലും മികച്ച സഹനടിക്കുള്ള പുരസ്‌കാരം നേടി.
മികച്ച പരമ്പരയ്ക്കുള്ള പുരസ്‌കാരം എച്ച്ബിഒയുടെ ‘സക്‌സഷന്‍’ നേടി. തുടര്‍ച്ചയായ രണ്ടാം വര്‍ഷമാണ് കോമഡി ഡ്രാമ വിഭാഗത്തില്‍ ‘സക്‌സഷന്‍’ പുരസ്‌കാരത്തിന് അർഹമാകുന്നത്. ‘ദി വൈറ്റ് ലോട്ടസ്’ന് അഞ്ച് പുരസ്കാരങ്ങൾ ലഭിച്ചു. എമ്മി നേടുന്ന ആദ്യ കൊറിയന്‍ പരമ്പരയായി നെറ്റ്ഫ്‌ലിക്‌സിന്റെ ‘സ്‌ക്വിഡ് ഗെയിം’ ചരിത്രം കുറിച്ചു
