അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ചില രക്തഗ്രൂപ്പുകാര്ക്ക് ചില രോഗങ്ങള് വളരെയധികം വെല്ലുവിളി ആകുന്നുണ്ട്. എന്നാല് ചിലര്ക്ക് രോഗാവസ്ഥകള് ഒന്നും തന്നെ ബാധിക്കുന്നില്ല. നമ്മുടെ ആരോഗ്യം രക്തഗ്രൂപ്പുമായി ബന്ധപ്പെടുത്തിയിരിക്കുന്നു. ഓരോ രക്തഗ്രൂപ്പുകാർക്കും വരാൻ സാദ്യതയുള്ള ചില രോഗങ്ങൾ ഉണ്ട് .
ഹൃദ്രോഗം
രക്തഗ്രൂപ്പ് ഒ ആണെങ്കിൽ ശരീരത്തില് രോഗങ്ങള് വരുന്നതിനുള്ള സാധ്യത കുറവാണ് . ഇവരെ ബാധിക്കാന് ഇടയുള്ള രോഗാവസ്ഥ എന്ന് പറയുന്നത് ഹൃദ്രോഗം ആണ്. എന്നാല് അതിനുള്ള സാധ്യത ഒ ഗ്രൂപ്പുകാര്ക്ക് വളരെ കുറവാണ് എന്നതാണ്. ഉയര്ന്ന അളവിലുള്ള പ്രോട്ടീനും നല്ല കൊളസ്ട്രോളിന്റേയും അളവായിരിക്കാം എന്നൊരു സാധ്യതയും ഉണ്ട്.
ഓര്മ്മത്തകരാറുകള്
ഓര്മ്മത്തകരാറുകള് പലപ്പോഴും രക്തഗ്രൂപ്പിന്റെ കൂടി അടിസ്ഥാനത്തിലാണ്. ബി രക്തഗ്രൂപ്പ് ഉള്ളവരിലാണ് മെമ്മറി സംബന്ധമായ പ്രശ്നങ്ങള് കൂടുതലുണ്ടാവുകയെന്നാണ് പഠനത്തില് പറയുന്നത്.
മാനസിക സമ്മര്ദ്ദം
ശരീരത്തില് സ്ട്രെസ് ഹോര്മോണ് ആയ കോര്ട്ടിസോളിന്റെ അളവ് വര്ദ്ധിപ്പിക്കുന്നതിന് പലപ്പോഴും സമ്മര്ദ്ദം കാരണമാകുന്നുണ്ട്. ഇത്തരം പ്രതിസന്ധികള്ക്ക് പിന്നിലുള്ള രക്തഗ്രൂപ്പ് എപ്പോഴും എ രക്തഗ്രൂപ്പാണ്. കാരണം ഇവരില് കോര്ട്ടിസോളിന്റെ അളവ് വളരെ കൂടുതലാണ്. ഇവര്ക്ക് സമ്മര്ദ്ദത്തെ കൈകാര്യം ചെയ്യുന്നതിന് സാധിക്കാതെ വരുന്ന അവസ്ഥയുണ്ടാവുന്നുണ്ട്.
അള്സര്
അള്സര് എന്ന അവസ്ഥയില് നിന്ന് നിങ്ങള് ഒ രക്തഗ്രൂപ്പൂകാര്ക്ക് വിട്ടു നില്ക്കാന് സാധിക്കില്ല. ഇത് ആമാശയത്തിലെയോ മുകളിലെ കുടലിന്റെയോ പാളിയില് വളരുന്ന വേദനാജനകമായ വ്രണങ്ങളാണ്. ഇത്തരം അവസ്ഥയില് രക്തഗ്രൂപ്പ് ഒയില് വരുന്നവര്ക്ക് ഈ ഒരു പ്രശ്നത്തെ പലപ്പോഴും അഭിമുഖീകരിക്കേണ്ടതായി വരുന്നുണ്ട്. ഇത് ഗുരുതരാവസ്ഥ ഉണ്ടാക്കുന്നതല്ലെങ്കില് പോലും ആരോഗ്യം വളരെയധികം ശ്രദ്ധിക്കേണ്ട ഒരു അവസ്ഥയുണ്ടാവുന്നുണ്ട്. കാരണം ഇത് മറ്റ് ചില രോഗങ്ങളിലേക്ക് പോവുന്നതിനുള്ള സാധ്യതയെ തള്ളിക്കളയാന് സാധിക്കില്ല.
പ്രമേഹം
എ ബി രക്തഗ്രൂപ്പുകളിലുള്ളവരിലാണ് ടൈപ്പ് 2 പ്രമേഹത്തിനുള്ള സാധ്യത വര്ദ്ധിപ്പിക്കുന്നത് . എന്നാല് ഇത് എന്തുകൊണ്ടാണ് എന്നതിനെക്കുറിച്ച് കൂടുതല് അറിയാന് വിദഗ്ധര്ക്ക് സാധിച്ചിട്ടില്ല. ഇതിനെക്കുറിച്ച് കൂടുതല് ഗവേഷണം ആവശ്യമാണ്.
വയറിലെ ക്യാന്സര്
ക്യാന്സര് എന്നത് എപ്പോഴും ആരും പേടിക്കേണ്ട ഒന്ന് തന്നെയാണ്. എന്നാല് നിങ്ങളുടെ രക്തഗ്രൂപ്പിന്റെ അടിസ്ഥാനത്തില് A, AB, B എന്നീ രക്തഗ്രൂപ്പുകള് O ഗ്രൂപ്പുകളേക്കാള് അപകടസാധ്യത കൂടുതലുള്ള രക്തഗ്രൂപ്പുകളാണ്. അതുകൊണ്ട് തന്നെ എ ഗ്രൂപ്പുകാരില് വയറ്റിലുണ്ടാവുന്ന ക്യാന്സറിനുള്ള സാധ്യത വളരെ കൂടുതലാണ്.ഇവരില് വയറ്റില് കാണപ്പെടുന്ന ബാക്ടീരിയയായ എച്ച്.പൈലോറി അണുബാധ കാണപ്പെടുന്നു . ഇത് കൂടാതെ ഇത്തരം ഗ്രൂപ്പുകാരില് വീക്കം, അള്സര് എന്നിവക്കുള്ള സാധ്യതയും അല്പം കൂടുതലാണ്. പാന്ക്രിയാറ്റിക് ക്യാന്സര്
പാന്ക്രിയാറ്റിക് ക്യാന്സര് പോലുള്ള അവസ്ഥകള് ഉണ്ടെങ്കില് അത് അല്പം ശ്രദ്ധിക്കേണ്ടതും ഗുരുതരമായ രോഗാവസ്ഥയും ആണ്. എന്നാല് ഇത് ബാധിക്കാന് സാധ്യതയുള്ളവരില് എ, എ ബി അല്ലെങ്കില് ബി ടൈപ്പ് ആളുകള് എപ്പോഴും മുന്നിലാണ്. കാരണം ടൈപ്പ് എ, ബി രക്തഗ്രൂപ്പുകളിലെ ചുവന്ന രക്താണുക്കളുടെ തന്മാത്രകള് നിങ്ങളുടെ കുടലില് എച്ച്. പൈലോറി എന്ന ചില ബാക്ടീരിയക്ക് വളരാനുള്ള അനുകൂല സാഹചര്യം ഒരുക്കിക്കൊടുക്കുന്നു. ഇതും പാന്ക്രിയാറ്റിക് ക്യാന്സര് വരുന്നതിനുള്ള സാധ്യത വര്ദ്ധിപ്പിക്കുന്നു.
രക്തം കട്ടപിടിക്കുന്ന അവസ്ഥ
പലപ്പോഴും രക്തം കട്ട പിടിക്കുന്ന അവസ്ഥ ആരോഗ്യത്തിന് വളരെയധികം വെല്ലുവിളികള് ഉണ്ടാക്കുന്നതാണ്. ഇതില് വെനസ് ത്രോംബോബോളിസം കാലുകളിലുള്ളതുപോലെ ആഴത്തിലുള്ള സിരയില് രക്തം കട്ടപിടിക്കുന്നതാണ് ഈ രോഗാവസ്ഥ. ഇത് ഗുരുതരമായാല് അത് പലപ്പോഴും ശ്വാസകോശത്തിലേക്ക് എത്തുന്ന അവസ്ഥയുണ്ടാവുന്നുണ്ട്. ഇതിനുള്ള സാധ്യത എ, ബി, എബി രക്തമുള്ളവരില് വളരെ കൂടുതലാണ്.
മലേറിയ
മലേറിയ കൊതുക് പരത്തുന്ന ഒരു രോഗാവസ്ഥയാണ്. അതുകൊണ്ട് തന്നെ രോഗപ്രതിരോധ ശേഷി കുറഞ്ഞവര് ഉള്പ്പടെയുള്ളവര് ഇത്തരം രോഗാവസ്ഥയുണ്ടാക്കുന്ന സാഹചര്യങ്ങളില് നിന്ന് വിട്ടു നില്ക്കുന്നതിന് ശ്രദ്ധിക്കണം. എന്നാല് ഒ രക്തഗ്രൂപ്പുള്ളവരില് മലേറിയ പോലുള്ള അവസ്ഥകള് ബാധിക്കുന്നതിനുള്ള സാധ്യത വളരെ കുറവാണ്. കാരണം ഇത്തരം രോഗാവസ്ഥക്ക് കാരണമാകുന്ന പരാന്നഭോജിക്ക് ഒ രക്തഗ്രൂപ്പിന്റെ രക്തകോശങ്ങളില് തീര്ക്കുന്ന പ്രതിരോധത്തെ മറികടക്കുന്നതിന് സാധിക്കുകയില്ല.
പ്രത്യുത്പാദന ശേഷി
പ്രത്യുത്പാദന ശേഷിയും രക്തഗ്രൂപ്പുമായി ബന്ധപ്പെട്ട് കിടക്കുന്നതാണ്. എന്നാല് ഗര്ഭധാരണത്തെക്കുറിച്ച് രക്തഗ്രൂപ്പിന് പറയാന് സാധിക്കുകയില്ല. എന്നാല് അണ്ഡത്തിന്റെ ആരോഗ്യം തിരിച്ചറിയുന്നതിന് ചിലപ്പോള് രക്തഗ്രൂപ്പുകള് സഹായിക്കാം. ഇതില് ഒ പോസിറ്റീവ് രക്തഗ്രൂപ്പുള്ളവര്ക്ക് അണ്ഡാരോഗ്യം കൂടുതലാണ് എന്നാണ് പറയുന്നത്. ഇത് കൂടാതെ ഇവരില് പ്രത്യുത്പാദന ശേഷിയും വര്ദ്ധിക്കുന്നതിനുള്ള സാധ്യതയുണ്ട്.
ആയുര്ദൈര്ഘ്യം
ഒ ഗ്രൂപ്പ് രക്തമുള്ളവരില് ആയുര്ദൈര്ഘ്യം കൂടുതലാണ് എന്നാണ് പഠനങ്ങള് പറയുന്നത്. ഇവര്ക്ക് രോഗം ബാധിക്കുന്നതിനുള്ള അവസ്ഥ കുറവായത് കൊണ്ടാണ് ആയുര്ദൈര്ഘ്യം കൂടുതലാണ് എന്ന് പറയുന്നത്. ഇത് കൂടാതെ ഇവരില് ഹൃദയ സംനബന്ധമായ അസുഖങ്ങള്ക്കുള്ള സാധ്യതയും വളരെ കുറവാണ്. അതുകൊണ്ട് തന്നെയാണ് ഇവര്ക്ക് ആയുര്ദൈര്ഘ്യം കൂടുതലാണ് എന്ന് പറയുന്നത്.
