അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തിരുവനന്തപുരം: വെമ്പായത്ത് നാലുവയസ്സുകാരന്‍ കാല്‍വഴുതി കുളത്തില്‍ വീണുമരിച്ചു. തേക്കട കുളക്കോട് മുനീറയുടെ മകന്‍ ലാലിന്‍ മുഹമ്മദ് (4) ആണ് മരിച്ചത്.
കുളക്കോട് അംഗണ വാടിയ്ക്ക് സമീപമായിരുന്നു അപകടം. സമീപത്തെ വീട്ടില്‍നിന്ന് പാല്‍ വാങ്ങാന്‍ മുനീറ വൈകിട്ടോടെ ലാലിനെ പറഞ്ഞുവിട്ടതായിരുന്നു. എന്നാല്‍ ഏറെ സമയം കഴിഞ്ഞിട്ടും കുട്ടി മടങ്ങിരാത്തതിനെ തുടര്‍ന്ന് ലാലിന്റെ മൂത്തസഹോദരന്‍ ലല്ലു അന്വേഷിച്ചുപോയി.
തുടര്‍ന്ന് റോഡിനു സമീപത്തെ കുളത്തില്‍ ലാല്‍ കിടക്കുന്നത് കണ്ടു. ലല്ലു വിവരം അറിയച്ചതിന് പിന്നാലെ മുനീറയും സമീപവാസികളും എത്തി ലാലിനെ കരയില്‍ കയറ്റി.
തുടര്‍ന്ന് കന്യാകുളങ്ങര ആശുപത്രിയില്‍ എത്തിച്ച് പ്രഥമ ശുശ്രൂഷ നല്‍കിയശേഷം മെഡിക്കല്‍ കോളേജ് ആശുപത്രിയിലേക്ക് കൊണ്ടുപോയി. ആശുപത്രിയിലെത്തിയെങ്കിലും കുട്ടി മരിച്ചു.
