അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.താര ദമ്പതികളായ ഫഹദ് ഫാസിലിനും, നസ്രിയ നാസിമിനും യുഎഇ ഗോള്ഡന് വിസ ലഭിച്ചു. ഇതാദ്യമായാണ് ഇന്ത്യന് സിനിമ മേഖലയില് നിന്ന് താര ദമ്പതികള്ക്ക് യുഎഇയുടെ ഗോള്ഡന് വിസ ലഭിക്കുന്നത്. ഇരുവരും ഇ സി എച്ച് ആസ്ഥാനത്തെത്തി സിഇഒ ഇഖ്ബാല് മാര്ക്കോണിയില് നിന്നും ഗോള്ഡന് വിസ ഏറ്റുവാങ്ങി.
ദുബായിലെ ഏറ്റവും പ്രശസ്തമായ സർക്കാർ സേവന ദാതാക്കളായ ഇ സി എച്ച് ആണ് ഫഹദ് ഫാസിലിൻ്റെയും നസ്രിയ നസീമിൻ്റെയും ഗോൾഡൻ വിസ നടപടി ക്രമങ്ങൾ പൂർത്തീകരിച്ചത്. അറബ് പ്രമുഖൻ അബ്ദുല്ല ഫലാസി, ദുബൈ ടിവി ഡയറക്ടർ അഹമ്മദ്, പി എം അബ്ദുറഹ്മാൻ, ഫാരിസ് ഫൈസൽ എന്നിവർ സംബന്ധിച്ചു. ദുബായ് നൽകിയ അംഗീകാരത്തിന് ദുബായ് ഭരണാധികാരി ഷെയ്ഖ് മുഹമ്മദിന് ഇരുവരും നന്ദി അറിയിച്ചു.
മലയാള സിനിമയില് നിന്ന് നിരവധി അഭിനേതാക്കള്ക്ക് നേരത്തെ ഗോള്ഡന് വിസ ലഭിച്ചിരുന്നു. പ്രണവ് മോഹൻലാൽ, മമ്മൂട്ടി, മോഹന്ലാല്, പൃഥ്വിരാജ്, ദുല്ഖര് സല്മാന്, നൈല ഉഷ, ടൊവിനോ തോമസ്, ആശാ ശരത്, ആസിഫ് അലി, മിഥുന് രമേശ്, ലാല് ജോസ്, മീര ജാസ്മിന്, സംവിധായകന് സലീം അഹമ്മദ്, സിദ്ദിഖ്, ഗായിക കെ എസ് ചിത്ര, സുരാജ് വെഞ്ഞാറമൂട്, നിര്മ്മാതാവ് ആന്റോ ജോസഫ് എന്നിവര് ഗോള്ഡന് വിസ സ്വീകരിച്ചിരുന്നു.
