അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ന്യൂഡല്ഹി: ഗായിക ലത മങ്കേഷ്കറുടെ ശവസംസ്കാര ചടങ്ങുകള് ഇന്ന് വൈകീട്ട് 6.30 ന് മുംബൈ ശിവാജി പാര്ക്കില് വച്ചു നടക്കും. പ്രധാനമന്ത്രി നരേന്ദ്ര മോദി, മുംബൈ മുഖ്യമന്ത്രി ഉദ്ദവ് താക്കറെ തുടങ്ങി ഒട്ടേറെ പ്രമുഖര് ചടങ്ങില് പങ്കെടുക്കും. പൂര്ണ ഔദ്യോഗിക ബഹുമതികളോടെയാണ് സംസ്കാരം.
മുംബൈയിലെ ബ്രീച്ച് കാന്ഡി ഹോസ്പിറ്റലില് നിന്ന് മൃതദേഹം 12 മണിയോടെ ദക്ഷിണ മുംബൈയിലെ പെദ്ദാര് റോഡിലുള്ള വസതിയിലെത്തിക്കും. അവിടുത്തെ പൊതുദര്ശനത്തിന് ശേഷം ശിവാജി പാര്ക്കില് എത്തിക്കും. ആറരയോടെ പൂര്ണ സംസ്ഥാന ബഹുമതികളോടെ സംസ്കരിക്കും.
മുംബൈ ബ്രീച്ച് കാന്ഡി ആശുപത്രിയില് ചികിത്സയിലിരിക്കെയാണ് അന്ത്യം സംഭവിച്ചത്. ആരോഗ്യനില മോശമായതിനാല് അവരെ കഴിഞ്ഞ ദിവസം വീണ്ടും വെന്റിലേറ്ററിലേക്ക് മാറ്റിയിരുന്നു. കോവിഡ് പിടിപെട്ടതിനെത്തുടര്ന്ന് ജനുവരി എട്ടിനാണ് അവരെ ആശുപത്രിയില് പ്രവേശിപ്പിച്ചത്.
Preparations are underway for the state funeral of singer Lata Mangeshkar at Mumbai’s Shivaji Park pic.twitter.com/socyiQmhSB
— ANI (@ANI) February 6, 2022
അതീവ ഹൃദ്യമായ സ്വരമാധുരിയും ആലാപനശൈലിയുമാണ് ലതാ മങ്കേഷ്കറിന് ഇന്ത്യക്കകത്തും പുറത്തും ഇത്രയേറെ ആരാധകരെ നേടിക്കൊടുത്തത്. ഇന്ത്യയിലെ തന്നെ ഏറ്റവും മികച്ച ഗായകരിലൊരാളായ ലതാ മങ്കേഷ്കര് ആയിരത്തിലധികം ബോളിവുഡ് സിനിമകളില് പിന്നണി ഗായികയായി.
വിദേശഭാഷകളിലുള്പ്പെടെ മുപ്പത്തിയാറില്പരം ഭാഷകളില് ലതാജി എന്ന് ആരാധകര് ബഹുമാനത്തോടെയും സ്നേഹത്തോടെയും വിളിക്കുന്ന ആ മഹാഗായിക ഗാനങ്ങള് ആലപിച്ചു. മുപ്പതിനായിരത്തിലധികം ഗാനങ്ങള് ആലപിച്ച ലതയ്ക്ക് പരമോന്നത സിവിലിയന് ബഹുമതിയായ ഭാരതരത്നം 2001 ല് നല്കിരാജ്യം ആദരിച്ചു.
പത്മവിഭൂഷണ്, പത്മഭൂഷണ് തുടങ്ങിയ ബഹുമതികള് ലഭിച്ചിട്ടുണ്ട്. മുപ്പത്തിയഞ്ചിലേറെ ഇന്ത്യന് ഭാഷകളിലായി മുപ്പതിനായിരത്തിലധികം ഗാനങ്ങള് പാടി. രാമു കാര്യാട്ട് സംവിധാനം ചെയ്ത ‘നെല്ലി’ലെ സലില് ചൗധരി ഒരുക്കിയ ‘കദളീ, ചെങ്കദളീ’ എന്ന ഏക ഗാനമാണ് മലയാളത്തില് ലത പാടിയത്.
