അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
മലപ്പുറം: മലപ്പുറത്ത് കെ.പി.സി.സി അധ്യക്ഷൻ കെ സുധാകരൻ പങ്കെടുത്ത പരിപാടിയിലേക്ക് ഡി.വൈ.എഫ്.ഐ നടത്തിയ പ്രതിഷേധ മാർച്ചിൽ സംഘർഷം. യൂത്ത് കോൺഗ്രസ് പ്രവർത്തകരും ഡിവൈഎഫ്ഐ പ്രവർത്തകരും തമ്മിൽ മുദ്രാവാക്യം വിളിച്ചു.
പ്രതിഷേധവുമായി എത്തിയ ഡിവൈഎഫ്ഐ പ്രവർത്തകരെ പോലീസ് തടഞ്ഞു. മുതിർന്ന കോൺഗ്രസ് നേതാക്കൾ സ്ഥലത്ത് എത്തിയാണ് യൂത്ത് കോൺഗ്രസ് പ്രവർത്തകരെ പിരിച്ചുവിട്ടത്. ഇടുക്കിയിൽ എസ്.എഫ്.ഐ പ്രവർത്തകൻ ധീരജിന്റെ കൊലപാതകത്തിൽ പ്രതിഷേധിച്ചാണ് ഡി.വൈ.എഫ്.ഐ മാർച്ച്.
മലപ്പുറം ഡിവൈഎസ്പിയുടെ നേതൃത്വത്തിലുള്ള പൊലീസ് സംഘം സ്ഥലത്ത് ക്യാമ്പുചെയ്യുകയാണ്. രണ്ട് വിഭാഗവും രണ്ട് സ്ഥലത്തായി നിലയുറപ്പിച്ച് മുദ്രാവാക്യം വിളിക്കുകയാണ്. സംഘർഷാവസ്ഥ പൂർണമായും മാറിയിട്ടില്ല.
പത്തനംതിട്ടയിലും ഡിവൈഎഫ്ഐ മാർച്ചിൽ നേരിയ സംഘർഷമുണ്ടായി. കൊല്ലം പുനലൂരിൽ കോൺഗ്രസിന്‍റെ കൊടിമരം എസ്എഫ്ഐ പ്രവർത്തകർ തകർത്തു. പോലീസിന്‍റെ സാന്നിധ്യത്തിലാണ് എസ്എഫ്ഐ പ്രവർത്തകർ കൊടിമരം തകർത്തതെന്ന് കോൺഗ്രസ് ആരോപിച്ചു.
