അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ന്യൂഡൽഹി; ഒമിക്രോൺ കേസുകൾ വർധിക്കുന്ന സാഹചര്യത്തിൽ രാജ്യത്ത് കൊവിഡ് മൂന്നാം തരംഗം ആരംഭിച്ചുവെന്ന് കോവിഡ് വാക്സിൻ ടാസ്ക് ഫോഴ്സ് മേധാവി ഡോ. എൻ.കെ.അറോറ. മെട്രോ നഗരങ്ങളിൽ ഒമിക്രോൺ കേസുകൾ കൂടുതലായി റിപ്പോർട്ട് ചെയ്യുന്നത് ഇതിന്റെ ഭാഗമാണ്. മുംബൈ, ഡൽഹി, കൊൽക്കത്ത എന്നിവിടങ്ങളിലെ ആകെ കേസുകളുടെ 75 ശതമാനവും ഒമിക്രോൺ വകഭേദമാണെന്നും അദ്ദേഹം പറഞ്ഞു.
നേരത്തെ, ദേശീയതലത്തില് സ്ഥിരീകരിച്ച കോവിഡ് കേസുകളില് 12 ശതമാനമായിരുന്നു ഒമിക്രോണ് വകഭേദമെങ്കില് കഴിഞ്ഞ ആഴ്ച ആയപ്പോഴേക്കും അത് 28 ശതമാനമായി ഉയര്ന്നു. തുടര്ന്നും ഒമിക്രോണ് രോഗബാധയുടെ നിരക്ക് ദേശീയ തലത്തില് വര്ധിച്ചുകൊണ്ടിരിക്കുകയാണ്. ഇന്ത്യയില് ഇതുവരെ 1700 ഒമിക്രോണ് രോഗബാധയാണ് റിപ്പോര്ട്ട് ചെയ്യപ്പെട്ടിരിക്കുന്നത്.
