അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തെലങ്കാന;തൊഴിൽരഹിതരായ യുവാക്കൾക്ക് മാസം 3000 രൂപ വീതം നൽകുമെന്ന് തെലങ്കാന സർക്കാർ.അടുത്ത സാമ്പത്തിക വർഷാരംഭമായ ഏപ്രിൽ മുതൽ ഇത് വിതരണം ചെയ്തു തുടങ്ങുമെന്ന് ഔദ്യോഗിക വൃത്തങ്ങൾ അറിയിച്ചു.2018 ലെ നിയസഭാ തെരഞ്ഞെടുപ്പ് വേളയിൽ ടിആർഎസ് നേതാവ് ചന്ദ്രശേഖര റാവു തൊഴിൽരഹിതരായവർക്ക് ആനുകൂല്യം പ്രഖ്യാപിച്ചിരുന്നു. ടിആർഎസ് പ്രകടനപത്രികയിലും ഈ വാഗ്ദാനമുണ്ടായിരുന്നു. എന്നാൽ വൻ ഭൂരിപക്ഷത്തോടെ അധികാരത്തിലെത്തി മൂന്നുവർഷം പിന്നിട്ട ശേഷമാണ് സർക്കാർ ഇത് നടപ്പാക്കുന്നത്.
നിലവിലുള്ള സർക്കാർ ജീവനക്കാരെ പുതിയ ലോക്കൽ കേഡറുകളിലേക്കും പുതിയ സോണൽ സംവിധാനത്തിന്റെ അടിസ്ഥാനത്തിലും അനുവദിക്കുന്നതോടെ വിവിധ വകുപ്പുകളിലെ ഒഴിവുകളുടെ എണ്ണം സംബന്ധിച്ച് വ്യക്തത വരും. നിലവിലുള്ള ഒഴിവുകളിലേക്ക് ഉടൻ തന്നെ വിജ്ഞാപനം പുറപ്പെടുവിക്കാനും തൊഴിലില്ലാത്ത യുവാക്കൾക്ക് ജോലി ഉറപ്പാക്കുന്നതുവരെ തൊഴിലില്ലായ്മ വേതനം നൽകാനുമാണ് സർക്കാർ തീരുമാനം.
